مشاكلي مع قطووتي ..

[l.osy]

السلام عليكم


كيف الحال .. ان شاء الله بخير


امممم انا دخلت اتصفح بمنتداكم وبصراحة عجبني وسجلت فيه

وهذا اول موضوع لي

وانا عارفة انكم بتفيدوني


بقول لكم معلومات عنها

الأسم : لووسي

العمر : شهرين وقريت تدخل الثلاث

الجنس : انثى

النوع : شفت كم صورة بالمنتدى واعتقد انها شيرازية مهجنة امريكية

نوع أكلها : وجبة وحدة باليوم وهي لحم بالمرق " ويسكاس " وباقي اليوم أكل جاف بسكوت ويسكاس .. والحمدلله أكلها طبيعي

حالتها : اممم نشطة

وهذي صورتها ..




يله بعرض لكم مشاكلي مع قطووتي

اول ماجبتها لبيتنا بعد كم يوم شريت لها هالبيت





ووحطيت لها الأكل داخله

وفرشت لها بطانية عشان تنام عليها

بس ماكانت تدخل فيه بس نقربه يمها تنحاااش


بعدين طلعت البطانية وصارت تدخل تآكل وتطلع

والحين انا ابيها تنام داخله مو معقوولة اني شاريته بـ 200

عشان تدخل تآكل فيه ووبس ؟؟

وابيكم تعلموني شلون اعلمها تنام داخله


.. المشكلة الثانية ..

ابي اغير وقت نوومها

انتوا عارفين ان الحين رمضان واجازة واكيد النوم مقلووب

يعني قطوتي تنام بعد الفطور وتقعد بعد صلاة الفجر

وانا انام 7 الصبح واقعد اربع العصر

ماقعد معاها وقت طويل

ابي اعرف شلون اغير نومها



.. المشكلة الثالثة ..

انا شارية لها حبل اعلقها برقبتها عشان اجرها اذا بنروح كورنيش او مكان

وولما احط لها الحبل وامشي ماترضى تمشي معاي تووقف اجرها ماترضى تنجر تووقف

ولما اتركها واخلي الخيط معلق برقبتها عادي تمشي بس يضايقها شوي بالمشي


.. المشكلة الرابعة ..

اللتر بووكس حقها

الحمدلله مافي مشاكل بس شي مضايقني

لما تروح تقضي حاجتها تحفرر برجلها وينكب الرمل بالأرض

ولما تخلص وتغطي وصخها بعد توسخ الأرض

ومو معقولة اني كل مرة اقعد انظف وراها واحنا ماعندنا شغالة

ولو صار المكان وسخ امي بتعصب


مدري هالشي طبيعي او لا



.. المشكلة الخامسة ..

ابيها تنام معاي بالغرقة بس اختي تخاف منها

يعني ابي انيمها معاي ع السرير بس تحت رجللي

شلون اعودها انها تنام معاي بالسرير



.. المشكلة السادسة ..

لما امي تروح للمطبخ عشان تطبخ لنا " لوسي " تلحقها للمطبخ وتقول ميو ميو

لما اطلعها ترررجع أعطيها اكل وتآكل بس ترجع تقول ميو << ترا ماعرف اسم صوتهم

وومابيها تتعلم تلحق امي للمطبخ لأن امي ماتعرف تطبخ ولوسي يمها


.. المشكلة السابعة ..

لما اسبحها وابي استشور شعرها عشان تنشف تنحاااااش بسرعة وتحاول تطلع من الغرفة مدري ليه !! .. طبيعي ؟؟



ووو عندي كم سؤال


1- لما تنام لازم اشغل لها المكيف ولا عادي ؟؟

2- لما اروح اطعمها بكم ؟؟ انا بصراحة طعمتها بـ 50 ريال واحس غالي

3- مقص الأظافر بكم يشتروونه ؟؟



وسامحووني اني طولت عليكم بس اول مرة اجيب لي قطوة للبيت


ومشكوريييين