سؤال من عضوه جديده

[سلمى المصرى]

السلام عليكم
ممكن سؤال لاهل الخبره لو سمحتوا
انا من اربع شهور بابا اشترى لى جوز من طيور البادجى ولاحظت ان العصفوره صوبعها مش فى وضعها الطبيعى وماما قالتلى ان احتمال تكون متعوده تقف على حاجه معينه مش عندنا عشان كده بتقف على سلوك القفص. بس لازلت معوجه لحد الان .وكان نفسى اوى انهم يبيضوا .وبعد شهرين ربنا كرم العصفوره وبدأت تدخل العش وتغيب
وانا فرحت بقى وقولت هتبيض . راح اخويا الشطور فاتح العلبة الا هتبيض فيها ومنظفها
وبعدها عرفت من بابا ان هى الا عمله النشارة الا كانت فى العلبه دى من نحتها فى الخشب وهى الا محوله الريش من القفص للعلبة
ومن يومها لدخلت العش ولا جت جنبه .غيرته وقولت جايز معقده منه ولا فيه فايده
وانا مش عرفه اعملهم ايه رغم انى مهتمه بيهم وباكلهم جدا وديما بشوفهم يغازلوا بعض وكويسين مع بعض
بس انا نفسى يبيضوا .ياريت حد يفدنى
جزاكم الله خيرا