[ عمود خدش~سهل و مبتكر ]

[Luis]

حبيت أقدم لكم تجربتي الفريدة واللي حازت على إعجابي..>>وش يبي ذا..

قبل كم شهر كنت أفكر من وين أقدر أدبر عمود خدش..فكرت وفكرت..

و لقيت أداة مهمة عندي بالبيت..وهي الأساس اللي يقوم عليه عمود الخدش..

ألا و هي..العمود الكرتوني الملفوف عليه سماط (سفرة)

ممكن بتقولون ما راح ينفع..لكن حبيت أقول لكم..أنه أقوى من الكرتون تبع القصدير

بمرات عديدة ....سميك..و رفيع.. وطوله مناسب و ممتاز للعمل عليه..

وبعد فترة لقيت لي العده اللازمة....خلوني أوريكم كيف عملته..

نحتاج أولاً إلى..

1- العمود الكرتوني..وصورته لكم من قريب..عشان تشوفون سمكه..



2- وراح نحتاج لقطن متماسك وملفوف..بهالشكل..



3- كذلك الشي الثاني المهم بالعمود..مادة الخدش..

أنا أخذت قطعة زاايدة من خيمة واحد من الشباب..و بصراحه ممتازة..

يمديكم تستبدلونها بكيس رز (خيشه) ان شاء الله تصلح لكم شهر..



4- مقص كبير..لقص الكمية المناسبة من القطن و مادة الخدش للف العمود..



5- إبرة حجم متوسط..لخياطة القطن و مادة الخدش على العمود..



6- طابوقه داخل كرتون بنفس حجمها..بس تكيسلت أطلع الطابوقه عشان أصورها..




7- فلين..اللي يطلع بكراتين التلفزيونات والأجهزة الألكترونية..



والحين للطريقه..وهي سهله وواضحه بما أنكم جمعتوا كل المقادير..أقصد الأدوات..

بادئ ذي..ناخذ نفس عميق..ونسمي بسم الله..

نقوم بلف العمود الكرتوني بالقطن كما هو موضح أدناااه..



ونقوم بخياطته بشكل جيد و متقن..بالنسبه لي رصيته رص الله لايوريكم..

ولاحظوا بنهاية العمود بالطرف خليت مساحه صغيرة بدون قطن..عشان يتم إدخالها

في الطابوقه بشكل سلس..ونفس الشي مع القماش الخشن (مادة الخدش) لكن هنا

نحاول نثني طرف القماش..لأن بيكون في الطرف أو النهاية خيوط سايبه..ممكن

القطط مع الخدش تفل القماش كله..ويروح تعبك هباء منثوراً..



وهنا صورة توضيحيه تبين ثنيي للطرف تفادياً لانسلال الخيوط السائبة>>الله عالثقافه..



بعد ما ننجز كل هذا..يكون عندنا عمود جاهز للخدش..ويبقى القاعده...

نقوم أولا بوضع الطابوقه في زاوية معينه..و أفضل وضعها بكرتون ملائم لحجمها..

للحفاظ على جمالية مظهر العمود..و مكان الجلوس كذلك..انا كنت بفصل للكرتون

من القماش الخشن..لكن العجز وما يسوي..

بعد كذا ندخل طرف العمود اللي ما عليه قماش..ونقوم بتفتيت الفلين لفتات صغيرة..



وندخل الفتات في نفس فتحة العمود..و في الزوايا الضيقه..مع الحفاظ على استقامة العمود..

واتزانه داخل القاعده..





ثم بعد ذلك..ترااا..



عمود أنيق وسهل..ورخيص التكلفه..

العمود صامد من خمس شهور تقريباً..وإلى الآن بصحه لا يعلى عليها..

وبالنهاية..أتمنى الدعاء لي ولوالدي..

وسامحوني لو الصور اشوي مو واضحه لأنه تصوير جوال..واذا في صورة

ما وضحت عندكم عطوني خبر..و من عيوني بصور لكم وحده أوضح..

يسمح بالنقل..لكن بذكر المصدر..

تحياتي للجميع..مع تمنياتي بالسعاده لقططكم..