جبريل و جوهر بعد التدريب والتعب ماتووو!!!!!

[بارع111]

السلام عليكم ورحمة الله وبركاته
الحمدالله على كل حااااااال

شريت ببغائين افريقيه ((غيني ))
من عند الاخ سمو الاحسااااس الله يبارك فيه ويوفقه
حطيتهم مع بعض في قفص واحد
ونصحني الاخ عبدالعزيز احط كل واحد بقفص
وحطيتهم كل واحد بقفص وكل واحد بغرفهطبعا سميت واحد جوهر والثاني جبريل

جلسو 3 شهوووور عندي
الحمدالله جوهر كان اطيب واحد واعجبني
ومشى مع بالتدريب تمااااام
حتى اني قدرت امسح على راسه
واقوله اطلع اطلع
افتح له الباب ويطلع من القفص
بس لما ابيه يدخل القفص واقوله ادخل يطنش ويسحب علي
يصفرررر ويبربر مدري وش يقووول بس عليه تصفيرر خيااالي

طعا جبريل ماعندك احد شكله اطرررررررررم
ولقربت منه جلس يجغررررررررر ويصاااايح
بس احط الاكل له والمويه واسولف عليه شوي واروح واخليه

جلس فتره تقريبا شهرين وفجااااءه ماعاد ياااااكل ولا يشرب مااااء
اليوم الاول واليوم الثاني واليوم الثالث نزل من الخشبه وجلس باسفل القفص
طبعا صااااير ريشه وجسمه منفووووخ يخررررررع
انا غسلت يدي ورحت جبت له نقط مضاااااد من عند البيطري المشكله مايشرب ماااء وحاولت اعطيه بالقوه ورفض
جيته بعد ساعتين الا وهو باااااارد ميييييت
قلت الله يعوضني خييير
نرجع لجوهر
جوهر جلس اسبوع ماعاد يصفر ولا يصايح ولا شي
بعد اسبوووع ماشاء الله رجع لوضعه المميز
تقريبا كمل شهر بعد ماامااات جبريل
وفجاءه جاته الحاله الي جات جبريل ماعاد ياكل اليوم الاول ولا اكل واليوم الثاني قلت ماابي يصير له زي ماصار لجبريل واحط النقط في مويه واحطها في حقنه واحطها بحلقه واعطيه شرب شوي منها ورجعته للقفص
اليوم الثالث ونفس المشكله وحاولت اعطيه ولا نفع معاه
اليوم الرابع نزل اسفل القفص ومره ضعيييف
في الليل الا وهو مييييييييت
الله يعوضني خيييير
والله يااخواااان اني حزنت
بصراااحه هو دخل قلبي وارتحت له
بس المشكله اني ابي اعرف السبب في الي سااااااااار والحمدالله على كل حاااال
طبعا انا اعطيهم دوار الشمس
والمويه ماء صفاء
والقفص يتنظف كل يومين
وفي الاسبوع اروشهم مره
والمكان دافي
ولا فيه اطفااال يزعجونهم او يوذونهم

انا بصراااااااااحه الحين جالس ادور على دره اليفه
بس عندنا بالطايف الاسعاااار مبالغ فيها الضعف
در مو مدربه من 600 الى 900
والببغاء الافريقي من 700 الى 2000 ريال ولا تتكلم

ابي رايكم في موضوعين
1-- تعلقياتكم على طريقتي وش سبب المرض الي جاء طيوري
2--- وش رايكم بالدره ؟؟ وكم تكون اسعارها اذا كانت اليفه ؟؟

وسلامتكم