انثى بتبول شرسه ..

[pitbull-lover]

بسم الله الرحمن الرحيم


اخواني الاعزاء ودي استشيركم بشغله محيرتني مع احد الكلاب الي امتلكها وهي انثى بتبول من نوع بلاك نوز الكلبه هاذي تعبتني كثير اولا الكلبه مولوده عندي وانا من النوع الي ما اعلم الكلاب على الشراسه ( كلاب تكشر اسنانها قدام كل الناس او تحاول تهجم عليهم ) ... المشكله بدة يوم كانت الكلبه من عمر 4 شهور كان مزاجها دايما متنرفز دايما تتقاتل مع اخوانها واوقات الي استغرب منه انها تهجم على الام فقمت وعزلتها وكل مره اشوفها بالقفص قاعدة تكسر خاطري فاطلعها عشان تتحرك وطبعا انا لما اطلعها اضطر اني ادخل الكلاب الثانيه داخل ... وطبعا شغلتها اذا طلعت بس تمر على الاقفاص الثانيه وتقعد تنابح و تعض الشبك وتحفر زي الي تقول ( انتو ايش عندكم هنا قاعدين ) و اقوم وابعدها عنهم واقوم بتدريبها والكلبه كان التدريب مو عاجبها وتستانس اذا كان التدريب فيه ارنب او تلاحق لها قطو والمشكله انها لو تصيد الشي في فمها ما تفكه ابد الين ما يفطس ويموت !!! تشوفها بس تقعد واذا امرتها على شي كانها تسويه بدون نفس وبعد اكثر من مره اقولها الامر يعني مغصوبه تعاملت معاها بأشياء كثيره مثلا : اذا سوت شي غلط ما اعطيها اكل , اقولها انتي كلبه سيئه , ما اطلعها من مكانها .. ولكن ما من مجيب والي مفشلني لما يجوني الربع ويقولون طلعها ما ادري ليش يستانسون عليها مع انها كله تجي يا تعضعض على سيقانهم او تنابح عليهم ولكن الحمد لله ولا مره ضرتهم ... ايش الحل مع هاذي الكلبه حتى ان الحين عمرها 7 شهور و خايف اني ما اقدر اسيطر عليها لما تكبر و وقتها الله يعييييييييييييييييييييييييييييييييييين ! فما ادري هل يكون الخلاص منها افضل حل ( يعني قتلها ) !!!! ابي منكم اجابه ؟ لان اول مره اربي بتبول زي كذا طبعه !!