اشترك في نشرتنا البريدية ليصلك كل جديد

**ProOoF** · 02-07-2013, 02:24 AM

اقتباس:

المشاركة الأصلية كتبت بواسطة القدساوي

الله يجزاك الف خير عالدعوات الطيبه

وشهادتك على الطيور اعتز فيها واعتبرها وسام على صدري من شخص خبير مثلك للأمانه

وانا صراحة متفائل خير منهم ان شاء الله حتى لو مو الحين يمكن بعد موسم او موسمين لما تستسلم للوضع وتسلم للأمر الواقع وتتعود على الذكر الموجود معها

بما ان مافي بينهم قتال دموي ولله الحمد

والله يكتب اللي فيه الخير ان شاء الله

اذا تنصحني اني افصلهم اسبوع بجرب الطريقه اشوف ولكن هل لازم يكونون قريبين من بعض ولا ابعد الاقفاص عن بعض ؟

وبالنسبه لسلوكي مع الانثى مافي نهائيا اي تبادل ودي بيني وبينها

اعاملها مثل ما اعامل باقي الطيور عشان تبعد توددها للبشر مثل ماهي متعوده سابقا

على فكره في معلومه غير مؤكده بالنسبه لي ماني متأكد منها ولكن مثل مايقولون على ذمة الراوي

انا قلت بقولها ويمكن يكون احد احتمالات ايضا

هل لو كانت متزاوجه مع فحل ثاني سابقا قبل ما اخذها يكون هذا سبب خجلها من الفحل الجديد ! وهل ممكن هالمشكله تروح مع الوقت !؟؟

الله يرحم والديك وينولك مرادك

فائده أن تكون الطيور متجاوره حتى يكون فيه تواصل بينهم وتكسب التقرب

اقتباس:

هل لو كانت متزاوجه مع فحل ثاني سابقا قبل ما اخذها يكون هذا سبب خجلها من الفحل الجديد ! وهل ممكن هالمشكله تروح مع الوقت !؟؟

معلومه جدا ً مهمه وكانت ناقصه صحيح وبالغالب هذا يحدث

الانثى اذا ماكانت مع ذكر و متودده له وعكس هذا التصرف مع ذكر ثاني

حصل هالامر معي مع كذا فصيله واخرها حاليا ً مع المكاو

الأنثى حنونه بشكل كبير وراغبه بالتزواج طوال العام لكن بمجرد تغيير الذكر

أختلف الوضع وسلوكها من الإستسلام مع الذكر الي اختارته الى عدم تقبل و عدوانيه

مع الذكر الجديد لكن بأذن الله امر وقتي و يكون فيه بعض التقدم كل فتره