الله يخليكم ساعدوني ابغى حل بجد

[للعشق مذاهب]

السلام عليكم ورحمه الله وبركاته
اخواني ابغى خبرتكم لو ماعليكم امر
جاني كاسكو هديه من قريب ليه ساكن في مكه المكرمه وقريبي اشترالي هوا من الطايف فطلع اخده من الطايف الى مكه وجلس 4 ايام عنده الى ان طلعت مكه لان من سكان جده واخذته طبعا كان يجعر وبقوه عمره سنه وشهرين كانت تخاف طبعا وانا الحمدلله كان زمان عندي بغبغاء كاكسو وكان عندي دره والحمدلله انا مااخاف منهم ابدا حتى لو عضه عضتين ماياثر ههههه
المهم يااخوان جبتها عنديفي البيت وحطيتها في غرفتي وللاسف انا مدخن من ثاني يوم من لما جاتني صرت اسمع صوت خرفشه في صدرها وديتها لصيدلي بيطري قريب مني اعطاني فيتامين مع المويه ودوا ثاني ياخذو بالفم
المهم مانفع معاه وصرت اشوفو يرجف وصرت مااخليه فغرفتي ينام ووديته لدكتور يوناني في جده في العياده الاوروبيه لمده اربعه ايام وانا اوديه وياخد 3 ابر وللاسف مافي فايده ابدا قلي وقفلو الفصفص الاسود واكلو خضار حاولت ماياكل غير التفاح والطماطم فقط
حاولت ااكلو الباقي والله ابدا جوعته يوم بكامله مارضي ياكل ابدا زي ماقالي الدكتور فلاخير استسلمت له وحطيتلو الفصفص الان زي ماهوا نفس الاعراض الخرفشه الي في الصدر ولمن اقرب منه انا صاير يجعر عليه مع العلم ان قبل لااوديه للدكتور كنت ادخل يدي وامسك راسو وامسد على كل ريشه وافتح باب القفص ويخرج وي يتمشى في البيت وانا حبيته مره وتراها انثى وسميتها ليلي ( لي لي ) لمن تشوفني من بعيد تطق بفمها زي مابعملها لان مااعرف اصفر واحممها بنفسي واغسل قفصها بنفسي وهيا الحمدلله من النوع الكاسكو الجامبو ومهتم فيها وادهن منقارها بزيت زيتون افيدوني الله يخليكم والله ان صرت متعلق فيها واقدر اشتري غيرها بس بكل امانه قلبي مره اتعلق فيها ابغى حل ومستعد اصرف عليها بجد مومزح والله اربعه ايام قريب 1000 ريال ابر بس ماعلي في الفلوس المهم تكون بخير هيا والي بيسال عن لون برازها الحمدلله قبل الابر كان اسهال الله يعزكم اما الان لا صار جامد بس مخالط للون الابيض يكثر احيان وي يقل احيان افيدوني والي حاب ان اكلمه بالتلفون انا مستعد وين ماكان المهم ماابغااها تموت وربي بنقهر لانها هديه عزيزه عليه جدا وانا احب واعشق جميع انواع البغبغانات واتمنى ان اشتري مكاو بجد بس للاسف اسعارو مره عاليه زي ماتعرفو