يالربع احس الكاسكو الي عندي موسوس ....

[عز الخوي]

السلام عليكم ...

الحقيقه لفيت منتديات كثيره لكن ما لقيت ارجل واطلق من ها المنتدى

الي حاصل يالربع اني شريت لي كاسكو وعلى ذمة راعيه الاول ان عمره بقرابة

السنه ..

المهم اخذت الطير بقفصه وعلقته بعيد عن ولد اختي الي احس انه بيتسبب في

حاله نفسيه لي انا فما بالك الطير

الوكاد يالربع اني كنت جالس بغرفه ثانيه الا اسمع الي يقول ( يالله - يارب - الله أكبر - السلام

عليكم - يا احمد - ههههه <<<< ضحكة شريره )

انا حسبت ضيف قلط علينا الساعه 3 الفجر وجيتكم الين وصلت للشنب وطلع الطير

لي يتكلم طول اليوم .. طيب انبسطت لكن يوم جيته تقول صار اطرم ولا كلمه بس

تصفيره بسيطه .. المهم كل ما ابعد عنه يتكلم وخصوصا اذا ما شاف احد عنده ..

سافرت ورجعت للبيت وحطيته بقفص كبير ولاحظت عليه بعض الكلمات الجديده

مثلا ( يصفر تصفيره متقطعه وبعدها يقول ياحلووو - يا ولد - راسك راسك راسك )

لكن الموت يجيه اذا شافني يقلب اطرم .. والغريب في الموضوع انه اذا شاف زوجتي عادي

يصفر ويتكلم وهي تسجل له مقاطع .. لكن انا الله يخلف ولا كلمه ..

اذا اعطيته الاكل من يدي وهو داخل القفص ياخذه وياكله واحيانا يرميه لكن الاغلب ياكله ..

يخاف مني .. وبيوم طلعته قلت ابيه يتمشى بالبيت او يتعود علي وكل ما اقرب منه يهرب

الين جيت وانقضيت عليه وامسكه مع ارجوله بالقوه وبالنسبه للعض أحب اقول لكم انه

ما عضني وبس تقدورون تقولون افترس يدي الوكاد اني لاف على يدي الحين لزقة جروح

فهي حاجه من الثنتيين يا انه موسوس او منحرررف واشك في الثاانيه لانه ما يستطرب

ولا يرقص الا اذا شاف الحريم

استفساراتي كالآتي :

1 - ليش هذه الحركات يا طيري العزيز جاوبني قبل ما اطبخك على وجبة غداء ؟

2 - ليش يخاف مني ولا يبيني مع اني اليف وحنون وما اعض ؟

3 - انا البس نظارات هل ممكن تكون السبب ! ايش ذنبي اني احول

4 - ابي افصل له استاند تفصيل خاص وشو المقاس المفضل ؟

5 - ابي العن خير خيره وش نوع الاساليب المتاخذه للعن خيره ؟

6 - دقيقه اعدل قعدتي ارجولي نااامت

7 - اش اسوي مع اهله الين يولف علي ؟

تحياتي