╝ طار طيري .. Luly ❀

[no0La]

السلام عليكم

صبأإح / مساء الــورد ع الجميع ..

كيفكم أإن شاء الله بأإحسن الأحــوال ..

طبعاً الحكايه انه صار لي موقف أإمس بالضبط

الاغلبيه تقريبا عارفين وضعي الصحي بس الحمدلله الان اقدر
امشي شي خفيف لكن أإجري صعبه شويه .. مالكم بالطويله < ياطول السالفه تحت

خرجنا أإمس نتمشى وقلت لـ خالي ناخذ لولي معانا
علشان ابرد الاظافر والمنقار ماله نصيب والمحل كان مقفل
كملنا واخذنا لولي وصلنا المنتزهـ خواتي الصغار قالو ننزله
واصرو وانا بصرأحه عارفه ان العين حق بس طبعا استسلمت ونزلته
بعد ماحصنته ودخلنا وجلسنا والامور تمام قلت بفك الغطاء من فوق
يطلع بس يفرد الجناح محد شايفنا بالجلسه وكل الحكايه اني
بس رفعت يدي وطلع فوقها وتحركت شويه هبلا هبلا طار طبعا الجناح
مقصوص يطير حوالي مترين طار قلت الحق عليه ياخالي ع اساس انه قريب

شوي اشوف خالي صار يبعد ويبعد وانا قلبي طمبق طمبق والعيون
صارت تدمع يدور يمين يسار مالقاه تعالو شوفو حالتي قال مافي
انا الدموع عندي صارت ارباع ارباع واقفه ومو قادره اجري
والمشكله الاكبر محد يعرف له الا انا وخالي مسكين يدور
يقول بنفسه مشكله بتجلس تبكي لنا طول اليوم
شوي واسمع صوت جعره قووويه ماهي بعيده عني والتفت
القى لولي محاصر قدامه قطو كبير قطو شارع يالهوي ياخرابي
شكله عربجي بقووهـ ولقيت الطير الكريم لولي فارد الجناح
ويجعر له يخوف البس والله مدري كيف وصلت له من خوفي عليه


وانا من بعيد قلت اكله اكله واصرخ حالتي حاله
الناس تشوف ولا ماتشوف مافكرت كل همي الحق لولي

والحمدلله لحقت الفارس الشجاع لولي والنتيجه انه ماخاف من البسه
وحاول يخوفها بالجعره وفرد جناحه يعني جاهز للدفاع عن نفسه خخخخخخـ
بس وين هذا قطو شارع وين بيروح لولي قدامه

صوره له هنا بعد مالقيته طبعا تعبان يلهث عطش وخوف
من الصدمه اول مره يتعرض للموقف ..



وهنا فيديو بعد الرواقه الحمدلله



بس تدرون وشو الغريب اني اول ماجلست بالمنتزه جالسه اتخيل
واقول بنفسي لو جاه قطو قدام لولي وش راح يصير هل وهل وهل ؟

وسبحان الله قدر الله وماشاء فعل ..

الغرض من كل الموضوع انكم تنتبهون اكثر شي على طيوركم
وخصوصا من القطاوه .. ربي يحفظ لكم طيروكم يارب ..



كأإنت معكم من قلب الحدث نولآ

انتهى .. ^_^