سلسلة حلقات لترويض وتدريب شجــاع (صور + فيديو)

[ابو محمــد]

طير جارح : الله يسمع منك
+
راينو :هذا بفضل الله ثم بتشجيعكم
+
اسيد :هذا من ذوقك الرفيع والعين ما تعلى ع الحاجب

مشكورين ع المرور الجميل ,,

ما شاء الله تبارك الله

هذي لحظة مهمة حبيت أشاركك فرحتها,, واللي هي طلوعه على اليد,,

أهنيك على الإنجاز,, وراح يجي يوم تلاقيه يطلع بدون أي تردد,,

سبحان الله في البداية ممكن تشعر مثل شعوري مع ميزوو, لما كان كل ما طلع على يدي ينزل,, وأحس انه متضايق

بس الحين ما كانه مر يوم من الأيام ما كان يبغى يطلع على اليد,,

عندي ملاحظة بسيطة للأعضاء عشان ما تصير مشكلة لهم مع طيورهم

بالنسبة للعبة الحبل والعقد,,

أنصحك تشيله حالياً ولا تخليه يلعب فيه إلا إذا كنت انت معاهـ

والأفضل انك ترميه نهائياً لحد ما تجيب له حبل مصنوع من القطن أو الصوف أو الكتان,,

لأن هذي النوعية من النايلون تسببت في كثير من بتر أقدام الببغاوات,, وحتى الحيوانات الثدية في الطبيعة

وممكن مع لعب الببغاء لا سمح الله تنفك بعض الخيوط الصغيرة والقوية وتلتف على رجل الطائر وتحبس الدم وتسبب له ورم وممكن توصل للغرغرينا الله يحمينا ويحمي طيورنا منها,, ومن غيرها من مصائب

والطير راح يتألم ويتمادى في تفاقم المشكلة بعصبيته وحركته العشوائية,,

أما القطن ببساطة راح يقطعه ,,

ربي يوفقك في تدريبه ويعينك,, وينفع بك الأعضاء


تقبل تحياتي يا قمر

صديقي سكر كلامك صحيح مليون في المائه,,

والحبل فقط وقت التدريب وانا اكون متواجد معه,,

واقرب وقت اشوف له صوف ان شاء الله ,,

شاكر لك دعمك ونصايحك اللي ما نستغنى عنها.

اخوكم/ابو محمـــد