صدق او لا تصدق

[بوسارة]

السلام عليكم اخواني واخواتي جميعا ياجماعه صارلي موقف مايدش العقل كلش اليوم وانا اتمشى بسوق الحمام الي بالكويت طبعا وناوي اشتري كاسكو افريقي والسوق توه مافتح بس تدرون العجله ابي كاسكو المهم كان معاي 160 دينار وحاط ابالي اني مراح احصل كاسكو الي انا ابيه وبهالسعر المهم وبعد ماطلعت روحي وكان المح السياره الي توها صافطه وفيها حرمه وولدها ومعاهم قفصين وسرعت بتجاههم بلا شعور وسألتهم اذا يبيعون ولا لا وقالي الولد اي نبي نبيعهم الكاسكو متكلم وعمره سنه ونصف او اكثر والتمنى سنتين والطيرين جميلين جدا قلت بيني وبين نفسي عن العجله وخله يقول السعر قالي ابيهم ثنينهم ب150 دينار من الفرحه بقيت اعطيه ال160 على طول لول المهم بعد مانشبتله خذيتهم ب 130 دينار سعر جداجدا ممتاز وانا الحين طاير من الفرحه وانشالله بأقرب وقت راح اعرضلكم صورهم ادري طولت عليكم لكن الفرحه مو مخليتني بحالي باركولي ياجماعه واسمحولي عالطوله

[المري1]

ماشا الله عليك

وش هالحظ الطيب

تستاهلهم لان نيتك طيبة

[ابو سفر]

الف الف مبرووووووووووووووووووووووووووووووووووك

[بوسارة]

الله يبارك فيكم اخواني اشكركم عالمرور والردود السريعه والمواصله مع بعضكم البعض ماهي غريبه عليكم وشكرا

[أبو ريـــــــــــــان]

ماشاءالله الله يعطيك خيرهم ويكفيك شرهم وهذي فرصة والحمدلله انت ماخليتها تضبع تمام عليك يالذيب وعسى انشاءالله يفرحك فيهم ويدوم عليك الحظ الزين

[M a Y e D]

ما شاء الله عليك يا بو ساره وهذا نصيبك

بس شو رايك تبيعهم اثنينتهم على 160 دينار

[النوخذه]

مبروك الف مبروك تستااااهل

[عاشقة الطيور]

وعليكم السلام ورحمة الله وبركاته

الــــــــــــــــــــــــف الف مبرووووووك ..الله يعطيك خيرهم ويكفيك شرهم

[a.s.a]

مبروووووووووووووووووووووك مبروووووووووك


بس هاه اياني وياك تقصر معهم لووووووووول

يلا ان شاء الله تحطلنا صورهم

والله يبارك لك فيهم

تقبل مروري

[طير حر]

اكيد كاسكو والا دره

ويمكن يكون كوكتيل ؟ خخخ

بالبرررررركه