ساااعدوني قطتي في حالة مريعة ..

[Choco]

مرحباً أعضاء المنتدى ياريت تساعدوني .........
اليوم سرنا العزبة و حصلنا قطاو صغار واايد أمهم ميتة ما ندري شو استوالها ( هذا اللي قاله لنا الراعي ) .....و ما شربن حليب مدة يومين أو 3 .... يبنا وحدة البيت لونها أبيض راسها ملون ( أسود بني أبيض ) ....مانعرف كم عمرها وايد صغيره لكنها توه طلع لها فرو تفتح عيونها و تمشي .... من يبناها و هي تصيح مياو مياو ..... و ترتجف وايدو حاولنا ندفيها بالقماش ما نفع .......... أول ما يبناها شربناها حليب ( بمصاصة مالت اليهال اللي بو سنة و سنتين ياريت تكونوا عرفتوها ) ...... و بعدين سبحناها ...... اتصلنا في وحدةمن ربيعاتنا تعرف في القطاو قالت لنا غلط أننا نغسلها ....... لانها وايد صغيره ....... يبناها الساعة 5 مادري 6 ....... المهم و من فترة لفترة نحاول نعطيها حليب ...... لكنه صعب وايد و نصه يطيح من ثمها و ما يدخل إلى القليل ....... للعلم هذى أول قطة لي و معلوماتي عن القطط و تربيتهن صفر ......... فرجائاً Help ........ و أنا من معجبي هالمنتدى و أنا أتابعه من أكثر من 6 شهور ... و أرجوا أنكم تساعدوني .... هي حالياً شبه نائمة و ياريت ماتكون غير ذلك ........ و أسرعوا رجائاً .........

[sara_al7aj]

مرحبا
هلا اخوي انا عندي حل يا توديها دكتور حيوانات يشيكولها الدم و فحس كامل او تكمل في الانت اتسويي انا اقوول لو ما يبتوهم كان احسن

[sisi_moon]

فعلا غلــــــط انك تحممها بهالسن

كان مفروض منك تبلها بفوطه مبلله بعدين فوطه ناشفه

الحليب والماصه طبيعي ماينفع لان كبير على فمهاا

اشتر حليب ورضاعه خاصه بالقطط احسن

ورضعها كل اربع ساعات

ولا تشيلها وهي ترضع وولا شي

خليها على نفس وضعيتها وهم يرضعون من الام

وكل اربع ساعات بعد امسح لها بقطنه مبلله بماي دافي مؤخرتهاا عشان تقدر تخرّج

موفق