استفسار في تدريب الجيرمن

[فهووووودي]

السلام عليكم ورحمة الله وبركاته
ابشركم كلبتي روز صارت تعرف اسمها انادي بأسمها تجي تركض

وصارت تعرف المكان المخصص لقضاء الحاجه

بس الحين بعد 15 يوم تكمل 4 شهور عمرها

طبعا جالس احوال ادربها على الجلوس ومعاي مكافئات لها ومافي فايده طبعا المكافأه ما تاكلها ما عندها اسنان تحطه بفمها المكافأه وترميها ما تاكلها وتروح وتخليني جالس احاول بدون مكافأت اعطيها امر جلوس واطبق عليها التدريب تروح وتخليني تحسبني العب معها

السؤال هل توها صغيره على التدريب اصبر عليها شهر ؟

واسنانها متى تكتمل؟

وما هي المكافآت الجيده للجيرمن اثناء التدريب؟

[Nona999]

اهلين اخوي

اولاً الف مبروك وهذا تقدم جداً رائع

بالنسبه اخي للجلوس تراه سهل جداً جداً

استخدم الليش او ممكن ماتستخدمه

لكن الليش عشان تكون مضطره تجلس وياك بس مايكون الليش طويل مرا

واستخدم زبدة الفول السوداني بدال المكافأه ^^ ( بتعجبها )

اولاً وقف قدامها وخلها تشم الفول السوداني ولا تعطيها اياه

لما تشمه بتشوف عيونها تطلع لان ريحته شهيه بالنسبه للكلاب

بعدين اضغط ع اخر ظهرها و قولها " ســت " اذا جلست عطها المكافأه وشجعها واذا ماجسلست كررها وراح تجلس ان شاءالله

واذا اتقنت التدريب كرره عليها وشجعها

بالنسبه لسؤالك الاول

هي بهذا العمر ( 4 شهور ) المفروض تكون عارفه كل اوامر الطاعه البسيطه مثل الجلوس و الانبطاح و الانتظار و الزحف و الوقوف على الارجل وعلى الهيل " المشي بجانبك بهدؤ بأستخدام الليش "

وممكن بعض المرات تدريبها على اوامر زياده مثل ادعاء الموت و السلام اي المصافحه و البحث عن الكره او اي لعبه واحضارها وغيرها


بالنسبه لسؤالك الثاني

الاسنان غالباً تكتمل بعمر 5 - 6 شهور

والمكافأت الجيده

ممكن تكون قطع نقانق تسلق وتعطى لها او المكافأت المخصصه للكلاب او العسل او زبدة الفول السوداني او قطع كبد دجاج مسلوقه او غيرها

ولكن انا لا افضل الاعتماد الكلي بالتدريب على المكافأت وانما يفضل التدرج بأستخدامه لحد ماتترك المكافأت وتكون تطبق الامر لتحصل على ~> تشجيع منك ورضى عليها منك

و اي سؤال اخر لا تتردد

لك كل الاحترام والتقدير

موفق

[فهووووودي]

شكرا يعطيك العافيه نونا

وراح اجرب بكرا العصر واعطيك النتيجه

واكثر الناس كانوا يقولون تدريبات الطاعه من 5 شهور وفوق ما كنت متوقع تبدأ من 4 شهور

[Abo_fahed]

تدريبات الطاعه (( قد )) تبدأ من عمر الشهرين

والعمر يختلف على اختلاف اساليب التدريب والمدارس المتبعه

وفي نفس الوقت يعتمد على مدى نشاط وذكاء الجرو

وكل هذي الامور ترجع لمهارة المدرب طبعا


اهتم في تدريبات الاحترام وقوانين المنزل وكثفها

كعدم عضك او الاثاث و معرفة مكان التبرز وعدم التحفير وعدم القفز على الضيوف والتعود على مكان النوم

يكرم المشاهد القارئ

اخوي هالفكره خلها في بالك

الكلب ليس ((فقط)) للتدريب أو للحاجه

بل هو رفيق وصديق يكن لصاحبه وفاء وعلاقه محبه معقده



ستساعدك هذي المعلومه للصبر

[s3ood-qtr]

انا بالنسبه لي

لما ادرب كلبي اغير الطوق (collar)

فعلى سبيل المثال خن قول ان لون الطوق الموجود عليه دائما احمر



حلو الكلام

وقت التمرين اركب الطوق (collar) الاصفر



طبعا مع الليش

...

وكذلك وايد ناس يستخدمون زوليه (قطعة قماش كبيره) يجلس عليها الكلب وقت التمرين

...

وجرب تستخدم الكليكر، واااااااااايد حلو او مفيد

[pitbull terrier]

احــتراف واضح بارك الله فيكم

[Nona999]

مشاءالله الاخوان ماقصرو

بالنسبه اخي للتدريب يفضل البدء معه من جيل صغير اي بعمر شهرين او ثلاث شهور بحيث انه مايوصل عمر ٤ شهور الا وهو عارف تدريبات الطاعه وتبداء من عمر ٤ شهور التدريب على الطاعه المتقدمه و ضبط الكلب وشخصيته لانه يكون بفترة بناء شخصيه

وتحاول تنمي الدرافيز فالجرو

مثل البري درايف و الفود درايف و الديفينس عشان مايوصل الجرو لعمر سنه الا وهو تووووب وتكون مرتاح انت

لما يكبر الجرو يكون كلب مطيع و متدرب ومتأدب وبنفس الوقت يعمل المستحيل لارضاء صاحبه و انت ترتاح مع تعاملكم مع بعض

وعندي تعقيب بسيط ع رد اخوي سعود طبعاً اوجه له اكبر شكر واحترام وان شاءالله مايزعل

بالنسبه لتغيير الاطواق و وضع قطعة قماش تحت الجرو وقت الدريب انا لا انصح به وذلك لعدة اسباب اخي الفاضل

اولا بيكون عملها مثل المكافأت والتريت متى ماوجدت بيطبقها الجرو متى ما كانت غير موجوده لا يطبقها الجرو وكذا بندخل بمشكله وهي

ان الجرو مايطبق الامر الا اذا وضعت له الطوق المخصص او القماش المخصص

وصعبه تطلع بقماش عند الناس عشان يطبق الجرو

وانا افضل يكون الجرو ع طبيعته ع ارضه ع مكانه عشان يطبق الامر بكل مكان وبكل حال مهما كان

ولذلك احنا نتدرج بالتدريب

اولاً يكون بمكان مافيه الا هو وانت بعد مايتقنها ننتقل لمكان فيه ناس شوي بعد مايتقن نروح لمكان عام وهكذا

وان شاءالله مااكون ضايقتك واعتبرها تصحيح ^^

واي استفسار اخر لاتتردد بأي وقت واي مكان

لك كل الاحترام والتقدير

موفق

[فهووووودي]

شكرا
ابو فهد
سعود
بيت بول
نونا
عالمساعده وراح اطبق اليوم العصر لأن الجو الحين حررررررر واعطيكم خبر بعد التدريب

[s3ood-qtr]

nona99

انا صراحتا زعلت

امــــــــــــــــــــــــزح

الا العكس الف شكر على النصيحه (ومنكم نستفيد)

والغرض الاول والاخير من التسجيل في المنتدى هو الاستفاده من خبرت الاعضاء

وجزاج الله خير

...

[Nona999]

فهد

لا شكر ع واجب واكيد حر انتظر لحد يبرد الجو شوي

اخوي سعود

اشكرك ع رحابه صدرك

يعطيك الف الف عافيه اخوي

بالتوفيق جميعاً