صوص عمر شهر ونص تقريبآ!

[عاشق البادجي$]

السلام عليكم ورحمة الله وبركاتة

كيفك حالكم آخواني ان شاء الله بخير جميعاا

اخواني عندي مشكله واول مره تواجهني او اول مره اتطرق لها عندي صوص بعمره شهر ونص تقريباولاكن المشكله الصوص بينهم شحنات دايم اشوف كل واحد يضرب الثآني !

هل يوجد حل لهم لانهم لسى صغار ومن زمان وهم مع بعض؟

وثاني حاجه اليوم جيت حصلت اثنين الدم ينزف منهم واحد في جناحه والثاني في تحت فتحه الشرج آكرمكم الله وهل لها علاج هذي الجروح ام اتركها تلتهم من حالها!
هذي الصور

[βǺĐ ŦỠ ЎỖЏ]

سلام عليكم ورحمت الله وبركاته

اول شي انصحك انك تقوم بعزلهم كل واحد لحاله

ثاني الجرح ليس غزيل لكن لفه بي ضماد مع البن

ثالث شي صمت الامل تفيدك

[ذيب 911]

هلا

اخوي نوع الصيصان بكستاني ولا بلدي

لانه اذا انوو بكستاني فهاذي طبيعتهم لان البكستاني مقاتل شرس

اعزل الدياكه عن بعض والجروح سو زي ماقالك الاخ

[mkdsh]

أعزلهم

[anas09]

هالحالة صارت عندي بصيصان براهما

وكان احد الصيصان يقوم بنقر الصيصان في مؤخرتها

بالنسبة للجروح لازم تطهرها بمعقم جروح عشان ما تلتهب

ويفضل تجيب فيتامينات من البيطري عشان تقوي الطيور لأن النزيف يضعفها

والحل لمشكلة النقر انك تقص الجزء الامامي من منقار الصوص

وهالموضوع للاخت صمت الامل راح يفيدك جدا بطريقة قص المنقار الصحيحة والتي لا تؤذي الطيور

http://www.2zoo.com/vb/showthread.ph...C7%E1%C8%ED%D6

[زمن الوفى]

مشكورين آخواني ع المسآعده نبي حل جذري (آخوي يقول اكبر واحد فيهم من الديكه هو الي يضربهم فكره بشيله عنهم ان شاء الله)

وهم عددهم كبير ماشاء الله فوق40 عشان كذا مقدر آعزلهم ع قوله خوينا ^_^

آخواني فيه بعض الاخوان قالو هذولي عندهم نقص املاح حط لهم ملح في المآء هل صحيح؟

[صمت الأمل]

وعليكم السلام ورحمة اللهـ وبركاتهـ .


أهلا وسهلا فيكـ .


أولا لازم تعرف ايش اسباب حالة الإفتراس هذي ,,


تظهر هالحالهـ اذا كان المكان ضيق عليهم _ نقص الأملاح والمعادن _ كمية الأكل لاتكفيهم .


فيضطر الدجاج لنقر الضعاف منهم عشان يسد حاجتهم ويتخلصون منهم عشان تزيد المساحهـ لهم ويرتاحون اكثر .


أولا : أعزل المصابين وليس الديكهـ منهم .


واذا تقدر تراقبهم لفترهـ أول وتشوف من اللي ينقرهم عشان تستبعدهـ منهم ,, لأنهـ اذا أعجبهـ طعم الدم ممكن راح يكرر نقرهـ على فراخ ثانيهـ .


ثانيا : زيد كمية الأكل لهم ,, واذا كان المكان ضيق لازم تكبرهـ لهم حتى لو تضطر تقسمهم لمجموعتين .


ثالثا : وفر لهم فيتامينات تضيفها في ماء الشرب أو تعطيهم من خضار البيت ,,


واذا تقدر تضيف تراب أو رمل يكون أفضل عشان ياخذون حاجتهم من المعادن منهـ .


وبالنسبهـ لنقص الأملاح فعلا ممكن يكون صحيح ,, لكن الطريقهـ اللي قلتها تضر بهم كثير .


عطهم أملاح طبيعيهـ من لسان البحر ,, تعرفهـ ؟؟


اطحنهـ لهم طحن ناعم وانثرهـ مع أكلهم ,, بإذن اللهـ يعوض نقص الأملاح عندهم .


وبشرنا بأخباركـ معم أول ماتطبق هالطرق .


بالتوفيق .

[صمت الأمل]

وبالنسبهـ لطريقة علاج المصابين ,,


اذا شفت جروحهم جفت وبدأت تلتئم وماتزعجهم في الحركهـ فتمام اتركها تتعافى لوحدها مع عزلهم يومين أو ثلاثهـ .


اذا مستمر بالنزيف والمنطقهـ حول الجلد محمرهـ ومنتفخهـ ,, معناهـ ممكن تتحول لإلتهاب .


خذ نقاط من الديتول في كمية كبيرهـ شوي من ماء دافئ ,, وغمس منديل أو قطن وعقم بهـ جروحهم .


أو اذا عندكـ مسحهـ طبيهـ فهي أيضا تنفع .


واتركهم معزولين خمس أيام او حتى تلاحظ ان جرحهم إلتأم .


وأول ماترجعهم للباقين راقبهم لفترهـ ,, واذا تأكدت ان الأمور كلها تمام فخلاص والحمدللهـ .


بالتوفيق لكـ .

[عاشق البادجي$]

مآشآء الله تبآرك الله الله لايضرك آختي صمت الامل

فعلا صدقتي بكل كلمة قلتيها الصوص حدود50 وفي قفص حجمه اعتقد مترونص في مترونص وممكن اصغر او اكبر ويوم كانوا صغار كان كبير عليهم يوم كبرو العيال صغر عليهم :88

وايضا الاكل هاليومين قل الاكل شوي الي احطه لهم لانهم صارو ياكلون بشراهه ماشاء الله

عزلت المصابين لحالهم باذن الله بداويهم وبالنسبه لعظمه الحبآر موجوده عندي وبكثره ^_^

وبآذن الله رآح اجدد الاحداث هنا

تحيآتي لكِـ

[AHMAD55]

الله يكون معك ويشفي حلالك

متل ما قالت الاخت صمت الامل 100%

والسبب الاهم هو مانك حاطط تحتهم تراب ابيض الي يستخدم بالبناء وبساعدهم على تعويض الكالسيوم

بالتوفيق