خايفه عليه اوووى

[bossy20200]

السلام عليكم
الاول احب اشكركم لانكم ساعدونى قبل كده لما كانت القط تعبان والحمد لله بقي كويس
بس المشكله بقي المرة دى جديدة
هو ذكر شيرازى حوالى 8 او 9 شهور
من امبارح بالليل لاحظت عليه انه بيحفر كأنه هيعمل حمام بس مش بيعمل وبيطلع على طول بعدها ينضف نفسه كأنه عمل
بس النهارده بقي يعمل كده كتيركل شوية كل عشر دقائق تقريبا واوقات اكتر
وبيعمل صوت مواء وقتها
انا قلقانه عليه
ياريت حد يجاوبنى من فضلكم

[دلوعةقطوتي]

اهلين
قصدك عنده امساك؟
لو يحاول يتبرز ومو قادر اعطيه شوية زيت زيتون واكليه جبن او خليه يشرب حليب

[bossy20200]

هو مش بيعمل ولا بول ولا براز علشان كده مش قادرة أأكد انه عنده امساك فعلا
انا قلقانة عليه اووى ومش في مستشفى بطرى دلوقتى فاتحة عندنا كلهم ببيفتحوا الصبح بس
انا عايزة اعرف في حاجة خطر لو استنيت لحد بكرة ووديته الدكتور
وايه اللى اقدر اعمله دلوقتى علشانه وهو تقريبا رافض ياكل واكل جبنه بسيط ومش عايز يشرب لبن وبرضه كل شويه يحفر ويحاول ومش في فايدة
بجد انا خايفة اووى ياريت حد يطمنى

[bossy20200]

القط طلع عنده انسداد في مجرى البول وروحت لدكتور بطري وعمله اسطرة
وهو لحد دلوقتى لسة مفعول البنج فيه ونايم بس قام وتقيئ مرتين
الدكتور قالتلى ان ال 3 ايام دولو يارب يعدوا على خير ويارب يتبول بكره
انا دلوقتى عايزة حد يكون عمل لقطه العملية دى ويقولى ايه اخبارها وياترى قطى هيكون كويس بعد كده ولا لا
ياريت حد يطمنى
وادعوا له انه يبقي كويس

[شاهستا]

ربنا يشفيه يارب ويبقى كويس

[bossy20200]

ربنا يخليكى يارب

[الخبيرة ناديا]

غالبا احتباس البول يصيب الذكور اغلب شي ..

ويوجد علاج امن وافضل من القسطره وهو دوا تركيبته

ALVERINE BASE 40MG/

2/10 من ابرة الانسولين مرة ويتبول ..

ودااائما اكثري له من السوائل ..ماء _ مرقه سلق الدجاج _ حليب

وبخصوص العمليه ماانصحك فيها الا اذا البيطري شايف حالته تستدعي عمها له ..

اتمنى له الشفاء العاجل

[bossy20200]

انا خايفة اوى عليه
الدكتور عملت له امباح قسطرة واخد بنج كلى
ومش عمل بعدها بول
وروحت لها النهارده الظهر قامت عملت له قسطرة تانىوبرضه بنج كلى
ونزل منه دم
وقالت لى ان حالته وحشه وادتنى فوار فوار يروكسيمول وقالتلى اعملى كمدات ماء دافي عند المثانة
بعدها لاحظت وانا بعمله الكمدات ان في نقاط دم مخطلتة ببول
وبيرجع اوقات ومش راضي ياكل وانا بأكله زبادى بالعسل زى ما قالتلى بس بالسرنجة وبالعافية وبديلوا الدوا
انا بجد مرعوبة عليه وبعيط على طول ووالله اعصابي بايظة والدكتور قالتلى لو مش عمل توليت تانى ممكن بكرة تعمله قسطرة وهتكون تالت مرة
انا مش نمت من امبارح وسهرانه معاه كمان النهارده
بس انا عايزة اعرف هو كده مش في امل يعيش ولا ايه ؟
ولو لاقدر الله هيموت قدامه قد ايه ؟
وهل هيتألم جامد ولا ايه؟
ارجوكى طمنينى

[شاهستا]

متقوليش كدة خلى عندك امل
ان شاء الله مش هيموت وهايبقى زى الفل
خليكى معاه اتعبى معاه شويه وبأذن الله هايخف ويبقى كويس

[bossy20200]

ربنا يخليكى يارب
انا بجد اعصابي باظت ومحتاجة حد يطمنى على حالته ويقولى بصراحة ايه اللى يحصل معاه