وين المشكله وأيش الخطأ ؟؟؟ مأساه

[فريندو]

[CENTER]بسم الله الرحمن الرحيم
[RIGHT]
في البداية أحب اشكر جميع القائمين على هذا الموقع الفعال وأشكر جميع الأعضاء المميزين جداً

مأساتي اني اشتريت طير رمادي (سميته ليلو) حسب معلوماتي البسيطه انه صغير لأن عيونه كانت داكنه بس حجمه كان كبير ومحجل (يقول البايع انه هولندي). الطير كان أليف, يطلع على اليد وما يجعر ابد بس ما يتكلم. كان لطيف جدا الى درجة ان الكل كان يحبه ويستلطفه. تم عندنا حوالي الشهر وخلالها بدا يطلع شوية اصوات غريبه ومحاولات انه يقلد الأصوات وانا كنت مستانس واقول في نفسي "أخيرا لقيت الطير اللي تمنيته" (يا فرحه ما تمت)

فجأه بدأ الطير تقل حركته ونشاطه وحتى صوته تغير وصار فيه مثل البحه وخرشه بس انا اعتقدت ان هذا مجرد شي عابر وبيتحسن, لكن بعد تقريبا يومين صار ما ياكل وبدأ يسهل (الله يكرمكم). اخذته على الطبيب البيطري قال لي انه ماخذ برد لأن كنا في بداية الشتاء بس الجو مو بارد كثير,
وعطاني دواء (بودره) اسمه (Ampicol) وقال انه مضاد حيوي مع فيتامينات وطلب مني استمر عليه اسبوع. بعها بيوم صار الطير في حاله اسوأ واستمر بدون أكل ورجعت الى البيطري وعطاني نوعين من دواء واحد اسمه (Sacrolyte) & (Terramycin) وطلب مني اغره لأنه حتى المويه ما يشربها. حاولت اغره بس كان صعب وبعدين خفت انه يختنق ويموت في ايديني. بعدها بيوم مــــــــــــــات

يا أخوان وين المشكله ؟؟؟؟ تعتقدوا كان البرد هو السبب مع العلم ان الطير كان في داخل البيت وما يجيه أي تيار هواء ؟؟ من كثر التفكير انا اعتقدت انه من الأكل لاني قبلها كنت اشتريت للطير أكل من شركة (Versele-Laga) حسب ما كان مذكور على العلبه انه يحتوي على عدة عناصر غذائيه منها البيض والفواكه والمعادن الضروريه للطيور.

انا الحين مكسور وخاطري اشتري طير ثاني بس خايف اعيش نفس المأساه لأني ما ادري ايش كان السبب وليش الطير مات ؟؟؟؟؟

أخواني انا كلي ثقة بالله ثم بآرائكم الفعاله , أبي اطبق المثل اللي يقول "اسأل مجرب ولا تسأل طبيب" ولكم تحياتي واحترامي

مع كل التقدير

[سكون الليل]

عادي صارت معي
اشتر طير ثاني
و حاول انك تكون حريص عليه من البرد خاصه بهالوقت
و الله يوفقك

[حسون مكه]

يااخي انا مثلك ماتو عليا اثنين والله يعوضك ويعوضني بس الطير اول ماتشووف عليه هالحالات خذه للطبيب
واذا مافاد عليه العلاج لازم ترغمه على الاكل عشاان لايمووت عليك مع استخدام الادويه والله يوفقك لا تيئس

[عش البلبل]

على حسب علمي ان الطيور الي تجي من هولندا ماتتحمل ولاعندها المناعه الكافيه ولاتنسى انها تجي مهربه ترى موبس انت الي تشتكي من موت الهولانديات انا اعرف كثير وما تطول عندهم

[mrkaki]

السلا عليكم اخي فريندو
يوجد اشياء كثير ينبغي علينا ان ننتبه منها قد تكون خطيرة على الطيور و نحن لا نعلم مثل
ان الببغاء الرمادي يختنق من رائحة البخور او العطور و مكيف السيارة عندما يكون شغال على التدفئة
ايضا رائحة المبيدات الحشرية و اشياء اخرى والله اعلم

[جداااوي]

الله يعوضك خير يا غالي ويرزقك بطير افضل من الأول
يا غالي معروف انو الهولنديات مناعتها قليله جدا مو مثل الطيور المصيوده
الهولندي يحتاج رعايه واهتمام ومكان مناسب له ودافي
وزي ما تقول انت عيونه داكنه يعني عمره بيكون من 8 الى 10 اشهر
بهادا العمر الطير جدا حساس
احتمال يكون صابه برد وتغير في الجو
واقول لك الله يعوضك بأحسن منه
ولو بتاخذ طير تاني خذ مصيود افضل من الهولندي المحجل
صحيح انو يختلف في السعر بس هو الأفضل لك
وان شاء الله موفق

[m_jood]

الله يعوضك خير يا غالي ويرزقك بطير افضل من الأول
يا غالي معروف انو الهولنديات مناعتها قليله جدا مو مثل الطيور المصيوده
الهولندي يحتاج رعايه واهتمام ومكان مناسب له ودافي
وزي ما تقول انت عيونه داكنه يعني عمره بيكون من 8 الى 10 اشهر
بهادا العمر الطير جدا حساس
احتمال يكون صابه برد وتغير في الجو
واقول لك الله يعوضك بأحسن منه
ولو بتاخذ طير تاني خذ مصيود افضل من الهولندي المحجل
صحيح انو يختلف في السعر بس هو الأفضل لك
وان شاء الله موفق
__________________

+1

خذلك آفريقي صيد فرخ وآنــت ولفة وسعره من 1000 وفوق ..

ومــعروف الهولندي منـآعته مررة قليله

وآنـآ آلآ آلآن مـآ سمعت ولآ وآحد طوول معاه هولندي ,,

[فريندو]

اشكركم يا إخوان على اهتمامكم وتفاعلكم مع الموضع وحقيقة لقيت الفائده من اقتراحاتكم وتوصياتكم واتمنى للجميع كل التوفيق وان لا ترو مكروه.