سؤال .. وين سوق الحمام بالرياض

[شفتك بعيني]

بسم الله الرحمن الرحيم

السلام عليكم ورحمه الله وبركاته ..


كيف حالكم اخوااني إنشاء الله في تمام الصحه والعافيه ..


اخواني انا ابي اذا ماعليكم امر كروكي او وصف لسوق الحمام بالرياض ..


واتمنى يكون كروكي اذا ماعليكم امر ..


وبسس .!


وشكراً..

سي يو

[كاسكووووو]

سوق الحمام بالعزيزيه انت من وين جاي علشان اوصفلك

[كاسكـــو]

هو قريب من حراج بن قاسم اكيد تعرفه

اذا وصلت حراج بن قاسم اسأل اكثر من واحد لابد يدلونك عليه

[شفتك بعيني]

انا جاي من الدايري الجنوبي متجه لسويدي وين اروح

[شفتك بعيني]

؟؟؟؟؟؟؟؟

[حب استطلاع]

تفضل

سؤال .. وين سوق الحمام بالرياض

[شفتك بعيني]

المشاركة الأصلية كتبت بواسطة حب استطلاع

الوصف إذا أنت جاي من جهة الشمال
خلك مع الدائري الشرقي ( بإتجاه الجنوب ) لين يجيك مخرج الدائري الجنوبي يمين
خذ يمين بيصير إتجاهك غرب
وسيد لين يجيك مخرج ( طريق الحائر ) إدخل معه
بتوقفك إشارة وحراج بن قاسم على يدك اليمين
من الإشارة خذ يسار وخلك ماشي لين يجيك كبري ( الحائر )
ديور من تحت الكبري ( فوق تحت )
بتجيك الصيدليات البيطرية على يدك اليمين
بعدها بــ 100م سوق العزيزية للطيور
وحراج الطيور من الجهة الشرقية للسوق
إن شاء الله الوصف واضح
بالتوفيق لنا ولك

اخوي انا اذا مسكت الدايري الجنوبي تقريبا في نص الدايري بيجيني كبري من تحته فيه مفرق يمين ويسار واليمين الي هو يودي لسويدي والشفا ولا اروح يسار ...؟!

[قرناس الليل]

المشاركة الأصلية كتبت بواسطة شفتك بعيني

اخوي انا اذا مسكت الدايري الجنوبي تقريبا في نص الدايري بيجيني كبري من تحته فيه مفرق يمين ويسار واليمين الي هو يودي لسويدي والشفا ولا اروح يسار ...؟!

يالغالي اذا انت بالدائري الجنوبي وجاي من الدائري الشرقي اول كبري بيجيك تبع العزيزية تعديه

بعده بيجيك مخرج الحائر خذ معه وكمل عالوصف اللي فوقي
بس انت من وين جاي عشان نوصفلك صح