محتاج للمساعده ياشباب ضرووري

[aziz9655]

ياشباب أنا شريت كلبتين أناثي وعمرهم كان ثلاث شهور والآن عمرهم تقريبا ستة شهور بس عندي كم سؤال:
1- عند الأكل يتطاقون خصوصا الكبيره تطق الصغيره بشكل كبير فاوش الحل ياجماعه تكفون.
2- الكبيره دائما تجلس في البيت وغير جريئة أبد عكس الصغيرة .
3- اذا حاولت أقرب لهم أو أي أحد ثاني ينحاشون في الغالب مني(أمحق حراسه) مع العلم أن بعض الأحيان الصغيرة تنبح في وجهي وتحاول تتشجع ثم تناحش اذا شافتني ماخفت منها.
4- انا جايبهم حراسه للمزرعه فا وش أفضل طريقة لذلك أخليهم بدون رباط ولا أصك عليهم في بيتهم أو أربطهم عند البوابة مع العلم أنه أول ثلالث شهور كنت صاك عليهم في بيتهم ولا أطلعهم إلا قليل.
5- أنا غير متواجد في المزرعه على طول فاوشلون أخليهم يتعودون علي وعلى أهلي .
6- هل يصلح أني أدربهم شوي وكل واحد من أخواني يدربهم شوي ولا لازم يكون المدرب ثابت مايتغير.
7- فيه واحد نصحني أنه للحراسه مايحتاج تدريب يعني يكفي أني أخليهم بدون رباط وهم بالفطرة يتعلمون الحراسه.
8- اذا جلس أحد من أهلي جلسة عائلية أو جلسة أكل تضايقنا الكلاب وتجي عندهم فالأفضل أخليهم كذا عشان يتعودون علينا ولا الأفضل أربطهم لما يجون أهلي؟.
ياشباب تكفون ساعدوني لأنه من جد ماعندي خبره أبد في هالمواضيع وأنا محتاج للإجابة بأسرع وقت ممكن والله يجزى كل من يساعدني الف خير .

[pitbull-lover]

بسم الله الرحمن الرحيم

اخوي انت ما قلت لنا ايش نوع الكلاب الي انت تقتنيها عشان نعرف شلون نوجهك بالطريقه السهله الي تقدر تعلمهم ويتعودون عليك فيها ...

ثاني شي اخوي الكلاب عاده تتقاتل على الاكل فأفضل حل تسويه انك تحط لكل واحد فيهم صحن لحاله عشان ما يتقاتلون ..

ثاني شي مسألت الخوف منك اخوي الكلاب اذا ما جيتها على طول و تعودت عليك اكيد راح تخاف منك و اكيد راح تهرب ..

مسألة كلاب الحراسه اخوي كلاب الحراسه المفروض ما تخليهم يتمشون على كيفهم المفروض تربطهم عشان ما يتعودون على كل الناس مثل العمال والضيوف الي يجونك فيها ..

وبخصوص المضايقات الي تحصل من الكلاب لما يجون اهلك اخوي الكلاب تعودة على التمشي حول المزرعه فجيتهم عند اهلك يكون نوع من الفضول عند الكلب يعني يبي يشوف من جا وايش قاعد يصير ...

اخوي افضل حل تسويه عشان تتعود عليك الكلاب بسرعه وتصير ما تخاف منك انك اول شي ما تضربها ولا تعلي صوتك عليها حاول تلعب وياها حاول انك تعطيها الاكل بنفسك حاول تتقرب منها لان الكلب الي ما يتعود على الناس كثير يكون ماله صاحب ويمكن يجي اي احد المزرعه ويشيلهم وانت ما تدري ...

انشاء الله اني افدتك , تقبل مني اجمل التحيات مع تمنياتي لك بالتوفيق ...

[aziz9655]

مشكور أخوي على سرعة التجاوب
بالنسبة لنوع الكلاب هي روتوايلر على حسب كلام اللي باعهم وعلى حسب كلام الطبيب يقول دوبرمان مهجن لأن رأس الكلب ماهو ضخم يعني نحيف مثل رأس الذيب وبالنسبة للوب بالتفصيل نفس لون الروتوايلر بالزبط بس يختلف حجم الرأس (يعني نفس لون الروتويلر بس نفس راس دوبرمان لكن آذانهم طايحه مثل الروتويلر يعني قد تكون مهجنهبين دوبرمان وروتوايلر).
وبالنسبه أنهم يتعودود علي ريكفي أني أجيهم مره وحده في الأسبوع ولا لا لأن المزرعه بعيده عن البيت .
وودي أسألك عادي أن العامل يعطيهم الأكل يعني عادي أنه يجيهم أنا والعامل وأخواني وإلا أخلي العامل وأنا بس نجيهم.
بس ممكن تشرح ولشلون أربطهم يعني {ايك أخليهم مروطبن أربع وعشرين ساعه على طول ؟ أو أخليهم على كيفهم ولما يجي أحد أربطهم؟ لأني سمعت أنه إذا ربطتهم أو قفلت عليهم في بيتهم يكونوا خوافين!!!!!بليز صحح معلوماتي.
وبعدين اذا ربطتهم الى أي عمر لازم يكونوا مربوطين لأني أبيهم يحرسون المزرعه فإذا ربطتهم وش الفايده؟
وأهم نصيحه وشلون أخليهم كلاب حراسسسه تكفى ساعدني لأني من جد متعقد منهم لأنهم خوافين مررررررره.
والف الف شكر على التفاعل الطيب .

[aziz9655]

ياشباب وين التفاعل تكفون ساعدوني بسررررررررررعه

[زنوف]

[/

بسم الله الرحمن الرحيم

أخوي انت إذا تبيهم يتعودون عليك لازم تجيهم اقل شي في الاسبوع أربع مرات يعني يوم بعد يوم وبالنسبة للاكل أكلهم بيدك عشان يحسون انك تراعيهم ومنت غريب هم بعد مع الوقت راح يفهمونك بس اهم شي في حضورك مره اكلم وهم في صندوقهم (يعني في محل ماينامون وانت مقفل عليهم ) ومره فكهم وخرجهم برا عشان تأكلهم بس كلنا على حده وراح انت تحس الفرق انهم مايبون غيرك ولايجون عند غيرك وبعد مايتوالفون عليك خرجهم إثنيهم ياكلون مع بعض وإذا ضربوا بعض أعطيهم امر نو أو لا بصوت عالي واضح أو بضرب المعتدي الأول وإدخاله إلى صندوقه ولاتفتح له الصندوق وعطه اكله في صندوقه ليشعر بي الذنب واترك الاخرى حرا طليق ليشعر بي الفرق ولمدة اسبوع ثم فكه وخلهم ياكلون سوا بشرط وجودك واليوم الذي لم تكن موجداً فيه خلى الحارس أو أخوك يعطيهم الاكل فقط في الصندوق حقهم بس لايقترب منهم والافضل يرميلهم الاكل عشان لايتعودون عليه وقت الاكل أكثر منك .

وبعد ذالك الحراسة لاتخلي غريب غيرك أو الحارس أو اخوك يجي يفكهم ولاتخليهم بين العائلة عشان من صغرة صعب يولف على أكثر من شخص او شخصين وشوف في المنتدى التدريبات على الطاعة ثم الحراسة ثم الهجوم وهكذا الين يتعلمون معك ويمشون على أوامرك وانا افضل بعد ذلك وبحذر شديد تفكه بين العائلة عشان يتعود عليهم ويعرفهم وإذا هاجم أحد أعطيه امر الوقوف أو لا عشان يعرف بعد ذلك يهجم على الاعداء او الحرامية.