كاسكو جديد بس غريب تعالوو ضروري

[احساسي غير]

السلام عليكم ورحمة الله وبركاته

اسعد الله اوقاتكم بكل خير جميعاً


بدخل في الموضوع على طوول
انا شريت اليوم كاسكو عمره تقريبا 8 شهور الى 9 شهور

وقيمته بدون القفص 1200 ريال

والمغري فيه اللي مخليني اشتريه وتحمس عليه وجالس اكاسر فيه
من 1600 لحد مانزله الى 1200 ريال من سوق الحمام في جده

اقلكم اليف جدً ولا يجعر ويطلع على اليد
تقوله اطلع يطلع انزل ينزل على طوووووول ولا يعض ولا اي شي
تحمست للطير الا اشتريه مهما كان
لانه رح يوفر عليه مشوار كثير في تربيته

بس المفاجئه والمصيبه اللي واجهتني ايش تتوقعووووون


تخيلووو انه ابكم لا يجعر ولا يصارخ ولا حتى تجعيره بالغلط ولا يصفر بعد
وجالس اصفر له واحاول معاه لدرجه اني ابغاه يعضني بس مافيه امل


اكتشفت الشي هذا عن طريق

لسانه بيطلعه كل شويه ويحاول يصفر ويحاول يقول شي بس مو قادر

بس اشوف لسانه طالع بين منقاريه وهمس خفيف جدا بصووت غغغغغغغغ

هذا الصوت ولا يعتبر صوت لان لسانه بيخوف وهو بيطلعه احسه مريض او ابكم




تكفووووون يااهل الخبره افيدوووني في شي اعطيه او اشربه والا اكله ويمشي الحال معاه



والا اراجع طبيب فيه وادفع قيمته وزياده ويمكن مايفيد


المشكله اللي باعه لي في سوق ولا اعرفه والسوق موجود كل جمعه بس

يعني من الان للجمعه الجايه اخاف يصير فيه شي ويمكن ما الاقي الشخص اللي باعه لي



الله يرحم والديكم اللي عنده فكره او حل يفيدني بليززززززززززز

ماابغى اي فتوووى بدون اي خبره او معلومه استفيد منها


والله شوي بتجنن يمين الله

على فكره ترى بياكل من يدي ويشرب ويطلع فوق كتفي
يعني بصراحه ذا الشي اللي مجنني


الله يوفقكم جميعاً وسامحوني على الاطاله

[شاهيـن]

عادي يا أخوي الوضع طبيعي الطير ما راح يتكلم أو يصفر من أول يوم, عندي كاسكو ماسمعت تصفيره منه إلا بعد اسبوعين أنصحك بتصفح المواضيع المثبته وغير المثبته بقسم الببغاءات و بتلاقي كل الأجوبة ان شاء الله

[احساسي غير]

الله يعطيك العافيه يا اخوي شاهين


بس للاسف اجابتك ماافادتني
مشكلتي في لسان الكاسكو بيطلع وصوت خفيف بهذا الششكل غغغغغغغغغغغ

يعني احس من صوته يبغى يتكلم يبغى يصفر بس مو قادر

ايش الحل يااخوان

مافيني ادوور في المواضيع واخر شي بدون فايده

[hazemk]

عندي احساس انه طبيعي... لأنه اللي عندي كمان يخرج لسانه الى اليمين و اليسار و يخرج صوت الغرغرة لأنه جديد.. لكنه يتكلم

[omaralata]

اخوي يمكنك ان تعطيه الفلفل الحار فيفر و يتكلم حسب الاقاوييل و بالتوفييق لك و للجمييع .....

[hazemk]

لا تعطيه الفلفل الحار ابدأ فهو مؤذي له و لا يساعد على الكلام..

اصبر اسبوع و بعدها احكم

[ابو محمــد]

هلا اخوي احساسي,,

عشان ما تفكر في الموضوع نهائيا ولا توسوس,,

اللسان ماله علاقه بالنطق,,

اللسان فقط لمسك الحبوب وتثبيتها ليقوم المنقار بتقشيرها وكسرها,,

النطق يتم بعمليه ضغظ القصبه الهوائيه ومنها يظهر الصوت,,

الطير جديد ع البيت ومبروك ويتربى بعزك.

ملاحظه الفلفل ماله علاقه بالنطق.

[احبك موت]

اخوي اول شي مبرووك الطير
ثاني شي طلع الصباح في الشمس خليه يسمع صوت الطيور
وان شاء الله يصير خير مع تحياتي احمد
والله يوفقك في دنياك

[احساسي غير]

يعطيكم العافيه طمنتوني
الله يطمن قلوبكم ويرطب السنتكم دائماً بذكر الله

كذا اقدر اقوول اني في القريب العاجل تشووفونه يرفرف في صفحات منتدى توزو

ماقصرتم بيض الله وجيهكم جميعاً
ومن اللي جاب سيرة الفلفل الحار يااخوان
انا ماذكرت الفلفل ولا جبت طاريه
اقوول الطير جديد يعني لسه مسكين على باب الله يادووب الحبوب
تقلي فلفل حار يعني مستغني عنه اعطيه
عشان نطلع بمرض جديد بواسير الطيووووووور

ماقصرتم ياحلوووين
تحياتي للجميع

[كاسكوكيه]

أول شي .. كان عندي شامبيه هاااااااااااااااااااااااااااااااادي لدرجة شكّيت فيها انه ابلم.. بس الحمد لله بعد شهرين صار يتكلم..

بالنسبه للفلفل.. ^^"

To ensure your bird against a vitamin A deficiency, offer it foods such as cantaloupe, papaya, chili peppers, broccoli leaves and flowers, carrots, sweet potatoes, turnip leaves, collards, endive, butter, liver, egg yolks, beets, dandelion greens and spinach (see chart for relative vitamin A *******). The daily use of one of the many good quality powdered vitamins will also help keep this common, preventable disease from afflicting your birds.

الفلفل مهم جدا في غذا الببغاوات.. و راح اترجم لك القطعه الي فوق.. من موقع بيطرة ببغاوات:

باختصار يقول لك ان الفلفل الحار واحد من مجموعه من الاغذيه الي تمنع متلازمة نقص فيتامين A عند الببغاوات..

و في فقره اخرى.. ذكرت أعراض متلازمة نقص فيتامين اي عند الطيور.. واهمها ظهور نقاط بيضاء في سقف المنقار و على اللسان.. و كذلك الاسهال..


<< اسمحوا لي خرجت عن الموضوع بس حبيت اوضح^^"