لولو ........................

[الحلم الوردي]

بسم الله الرحمن الرحيم

السلام عليكم ورحمة الله وبركاته..............

اما بعد

اليوم الصبح صحيت من النوم رحت اطمن على الببغاء كالعادة

حطيتله اكل وماي ورديتله يمكن على الظهر حصلته مب ماكل الا شوي بس

علما انه ىالاكل كان حبوب الشمس

قلت يمكن مب عاجبه الاكل حطيتله اكلة المفضلة والي هي فول مدمس بعد

رديت بعد كام ساعة بعد ما اكل شي وحصلت مغمض عيونه وراجد

خفت قلت ها شكله مريض

تميت اراقبه اتشي بعد ربع ساعة جام من النوم

لف كام لفة في القفص طلعته شوي بره القفص حسست على راسة بعدين رجعته

كنت انا حاطله قطع التفاح يا عندها اكل شوي وتركها

ولين الحين هو ما اكل شي

علما انه طول اليوم واقف على قدم وحدة وقاعد يصفر ويتكلم عادي

التصفير والكلام يقوله انه مب مريض

بس ما اعرف ليش ما يبا ياكل

وبعدين حركة خفت وايد داخل القفص

ممكن حد يساعدني

لاني ما ابا اودي لبيطري لان عنا كل البيطرين ما يفهمو شي الله يهداهم

ومرة البيطري موتلي ببغاءي الدرة لانه عطاني دوا غلط

فقلت مالي غيركم يساعدني في الكاسكو مالي

ويقولي شو السالفة

والسموحة على الاطالة

اخوكم محمد

[سكر]

هلا بالحلم

ان شاء الله مافيه إلا العافية

حط له شوي حبة بركة في الماء وخليه يشرب بشكل عادي وبياكل الحبوب السوداء

أو أعطيه بيدك في فمه بشكل عادي حبة سوداء

حاول انه ياكل حوالي عشرين حبة على الأقل,,

وإذا ما أكلها لأي سبب,, اطحنها له وأخلطها مع الماء وشربه بنفسك أو اتركه يشرب لوحده

بس الأفضل تشربه بنفسك

هذي الوصفة ما تضر الطير وتنفع سواء للطير السليم أو المريض,, ولو تخلطها بعسل يكون أفضل

وبإذن الله تشوفه بأتم صحة وعافية

ربي يوفقك في تربيته والعناية به

[maged571]

السلام عليكم ورحمه الله وبركاته اخووي . . .



كيفك ؟


اخوووي والله موضوعك حيررررني شووي . ..

لكن اللي اتووقعه وانا ما ادرري

انه من شرحك للحاله ... انه
بإذن الله سليم .. .
واللي فيه ركود بسبب الجو ولا بدوون سبب يعني اتووقع انه طبيعي .. ..


انا عندي دره كذا حركااته . .. .

بعكس الكاسكو اللي كل يووم له حركه جديده ^_^


واتمنى انه يكوون طبيعي ...

بالتوووفيق


ونشووف رأي الجماعه .. .. .

[ابو محمــد]

اخوي الحلم الوردي اسف ع التأخير لأني كنت مشغول شوي,,
الكاسكو طيب ومافيه شيء بس انت حساس شوي ,,
وعشان تتأكد ان كلامي صحيح ,

علما انه طول اليوم واقف على قدم وحدة وقاعد يصفر ويتكلم عادي

هذا اكبر دليل ان الطير يتمتع بصحه جيده ,,

[الحلم الوردي]

سكر:-
ان شاء الله بطله في الماي حبة بركة وان شاء الله يكون ما في شي

ومشككووووور اخوي على المرور

واسمحلنا عذبناك ويا لولو

مشكوووور اخوي ماجد على المرووور

وان شاء الله يكون كملامك مظبوط

اخوكم محمد

[الحلم الوردي]

ابو محمد:-

اخوي الحلم الوردي اسف ع التأخير لأني كنت مشغول شوي,,

مسموح اخوي ما في تاخير ولا شي
----------------------------------------------------------

وان شاء الله يكون كلامك صحيح

واكون انا بدلع

ههه

مشكووور على المرووور