استفسار

[Abu Dhabi Diver]

السلام عليكم اخواني واخواتي
بغيت استفسر الروت عندي عمره اربع شهور وعندي فالبيت عيال اخوي اربع الله يحفظهم وخايف نوعا ما عليهم من الكلب الله يعزكم فهل اخليهم يلعبون معاه ولا بس انا اللي العب معاه واخليه مهدود فالحوي ولا بس اخليه فالقفص اطلعه العب معاه واخذله لفه فالفريج وارجعه القفص مره ثانيه ايهما احسن مهدود على طول او فالقفص ولك جزيل الشكر والاحترام واسمحولي على كثرة اسألتي لاني الصراحه ما بتفلسف فشي اجهله ومنكم نستفيد

[الموسوي]

لا تخليهم يلعبون معاة لكي لايصبح كلب يحب اللعب مع الأطفال بس لازم يتعرف عليهم علشان اذا دربتة حراسة مايهجم عليهم

تقدر تخليه نص ساعة يلعب لوحدة او انت معاه وترجعة الى القفص لأنة هناك اشخاص لاتحب الكلاب ولا تتقبلها

حاضرين للغاليين

تحياتي الموسوي

[الـــــــرازم]

المشاركة الأصلية كتبت بواسطة Abu Dhabi Diver

السلام عليكم اخواني واخواتي
بغيت استفسر الروت عندي عمره اربع شهور وعندي فالبيت عيال اخوي اربع الله يحفظهم وخايف نوعا ما عليهم من الكلب الله يعزكم فهل اخليهم يلعبون معاه ولا بس انا اللي العب معاه واخليه مهدود فالحوي ولا بس اخليه فالقفص اطلعه العب معاه واخذله لفه فالفريج وارجعه القفص مره ثانيه ايهما احسن مهدود على طول او فالقفص ولك جزيل الشكر والاحترام واسمحولي على كثرة اسألتي لاني الصراحه ما بتفلسف فشي اجهله ومنكم نستفيد

هلا يالغالي بخصوص الأطفال فالبيت مافي مشكله اذا لعب معاهم الكلب

بس لابد أن يكون تحت النظر يعني لازم يكون أحد معهم وياليت لو تكون أنته

صحيح هذي الفتره الكلب صغير بس الأحتياط واجب يالغالي لأنهم أطفال

وبخصوص طريقة برنامج الكلب

اخي الغالي الكلاب لانتركها تفعل ماتريد ويكون لديها وقت فراغ زائد

فممكن ان تقوم بأفعال غير مرغوووب فيها

اللعب له وقت

والخروج له وقت

وقضاء الحاجه له وقت

والتدريب له وقت

وموعد الحراسه له وقت

وبعد كل فترة من هذه الأوقات نعيد الكلب الى المكان المخصص له

يعني الكلب ما يطلع الا بالأوقات المطلوبه يالغالي

[berger]

لا تخليهم يلعبون معه كي لايتعود على اللعب مع الصغر

[zErOkA]

والله الاخوان ما قصروا