هل هي مشكله في الافريقي ام هذا طبيعي

[ابونواف1]

الاعضاء الكرام السلام عليكم ورحمة الله وبركاتة انا اشتريت افريقي قبل 5 ايام والطير اتوقع عمره من 6 شهور وفوق ( عيونه اسود وحولها رمادي ) وملاحظ عليه التالي:
1- بعد ما ياكل ( بس مو كل مره يسويها ) انه يحك منقارية في بعض كانه ينظف فمه من الداخل ويطلع صوت كانه يجتر وحاولت اصورة فيديو وارفعها هنا بس كل ما رفعت الكاميرا له سكت ما عاد يسوى هالحركه فهل هي طبيعية ام لا
2- دايم هادي ولا اي صوت و يغمض عيونه تحسه بينام واي صوت بسيط اطلعه على طول يفتح عيونه ويطالعني هل هذا طبيعي والا لا

في انتظار ردودكم ياخبراء الافريقي والف شكر لكم

[nani]

الملاحظه الاولى ان شاء الله طبيعيه

اما الثانيه ما ادري صراحه ان شاء الله الخبراء يفيدونك

[حب استطلاع]

المشاركة الأصلية كتبت بواسطة ابونواف1

1- بعد ما ياكل ( بس مو كل مره يسويها ) انه يحك منقارية في بعض كانه ينظف فمه من الداخل ويطلع صوت كانه يجتر وحاولت اصورة فيديو وارفعها هنا بس كل ما رفعت الكاميرا له سكت ما عاد يسوى هالحركه فهل هي طبيعية ام لا

طبيعي يا أبو نواف
الصوت من حك المنقار للتنظيف
وصوت آخر يصدره وقت الإسترخاء ( وده ينام )

2- دايم هادي ولا اي صوت و يغمض عيونه تحسه بينام واي صوت بسيط اطلعه على طول يفتح عيونه ويطالعني هل هذا طبيعي والا لا

الطيور عادة إلا ما ندر
إذا كانت حديثة وصول تحصلها هاديه ولا تصدر أي صوت
وهذا طبيعي لتغير المكان
ومعظمها فترة أسبوع وتبدأ تتأقلم شوي شوي
وتشوف إبداعاتها

لكن إذا هادي بمعنى الطير طول اليوم خامل فيه مشكلة
وعلشان تتأكد طلعه بالحوش
وشوف يتفاعل من أصوات الطيور ويبدأ يدور بالقفص ولا لا ؟

بالتوفيق لك

[بندولة حب]

اخوي الوضع طبيعي بأذن الله

اذا كانت حركة الطير واكله عاديه ماتغيرت عن اول

وحك المنقار كل الطيور يسوون كذا للتنظيف

بعد الأكل

اما تغميضت العيون وقل الحركه هذي بوادر مرضيه
والصوت اللي يطلع

لاحظ انفه اذا فيه افرازات
وعطاس

فاالصوت اللي يطلعه يدل على الزكام

ولابد من علاجه قبل تطور الوضع

وبأسرع وقت مع التدفأه من اليوم


خبرنا وش الاعراض اكثر

[بووسلطان]

الاخوان ماقصرو افادوك

[ابونواف1]

الف شكر للاعضاء الكرام الي تفضلو واجابو علي واشكرهم واحد واحد وطمنتوني والف شكر يالغالين

[مجنون فلته]

ماقصرو المحترفين