قطتي لاتريد صغارها الرضع ابي حل

[للغلا عنوان]

السلااام عليكم


لو سمحتوا انا قطتي ولدت من 3 اسابيع وصارت نفسيها زفت وماتبي اطفالها وصار لها يوم قطوتي مااكلت شي ابد ماادري ليه بس تجلس بعيد عن اولادها
مع العلم انا ماادري كان احد لمس القطط الصغيره وتغيرت ريحة الام فيهم
وسؤال لو صار ان احد لمس القطط الصغيره والام مابغت اطفالها كيف اخليها ترجع لهم بشكل طبيعي
لانها ماصارت تجيهم وتبخ عليهم وتطقهم ..
وهم يصرخون يبون حليب ابيها ترجع ترضعهم كيف الطريقه مع العلم اني قربتهم عند صدرها وقامت تبخ عليهم
الله يسعد من يجاوبني ويوفقه دنيا واخره..

[أصــاايــل]

الحمد لله عمر 3 اسابيع موو شينه

حاول تجيب فوطه مبلله شوي وامسحي فيها الام وارجعي امسحي عيالها

عشان تنتقل الريحه من الام لصغارها

وكذا ان شاء الله تتقبلهم

واذا شفتي انوو الوضع ابد مو نافع

انتي كملي رضاعتهم بالحليب الصناعي

وربي يسهل اموورك ..

[آنـــــو]

مرحبا فيك آختي


آول شي نقول الحمدلله آن قططك الصغار تعدوا مرحلة الخطر ,, اللي هو عمر الأسبوع والأسبوعين

3 آسابيع نقول ماعليهم خوووف بأذن الله ,, كل شي يعتمد عليك الحين بتوفير الأكل والعنايه اللي يحتاجونها ..

لكن قبلها تحاولين مع الأم ,, سووي مثل ماقالت الغاليه آصايل بـ منشفه وآمسحهم كلهم فيها عسى الروايح تتوزع وترجع الأم لصوابها

وشيكي على صحتها آو وديها للبيطري آفضل يمكن تعاني من مرض آو آلم بمكان ,, حتى الحلمات شيكي عليها

يمكن فيها تقرحات آو تورمات وهالشي ينفرها من آولادها ..

ولو كل شي آوكي بصحتها فـ نقول الأسباب نفسيه ..


ولو آستمرت برفضها ,, آشتري للكتينز حليب خاص لهم ورضعيهم بنفسك ..

بالنسبه لي كنت دايم آبتدي آوكل قططي بعمر الـ3 آسابيع سيريلاك ساااايل / دجاج مفروووم حيل مع موية السلق

وآكثر المويه بحيث يكون برضو ساااايل وأعطيهم بالسرنجه ..

آما آخر جيل عندي ماآبتديت آوكلهم الا بعمر الـ4 آسابيع دجاج مفروم وسيريلاك .. وجبنه مع توست مبلول بمويه دافيه ..

وآنا آفضل ترضعهينهم حليب على الأقل هالأسبوع حتى يكملوون الـ4 آسابيع وبعدها تقدرين تعطينهم آكل ..

وشي مهم لما تجين تشرينهم وتوكلينهم بالسرنجه آو المرضعه ماتدفعين الأكل بقوه وبسرعه حتى مايدخل شي لصدرهم

ويسبب لهم التهاب رئوي ..


ولاتنسين تحفزينهم على الأخراج مثل ماتسوي آمهم

تجيبين منشفه آو منديل آو قطن مبلول بمويه دااافيه وآمسحي لهم آسفل البطن مع مناطق الأخراج علشان يتبولون بعد كل وجبه

حتى يتمون عمر الـ4 آسابيع ويعتمدون على نفسهم بكل شي ..

[النور المشرق]

احتمال السبب انه حلماتها توجعها لما البيبي يرضعو ا فتبعدهم قطتي صار فيها كذا صارت تضربهم لما يقربوا الحل انك تجيبي رضاعة القطط وترضعينهم حليب خاص فيهم

[Mo0oMo0o]

آنو انا استفدت من كلامك جزاكي الله خير مع إنو ماعندي قطه *_* بس كلام جدا مهم

ربي يسهلك اختي وتقدري تعتني فيهم الاطفال لأنو بعد مارفضتهم امهم حيكون مره صعب ترجعلهم

[للغلا عنوان]

مشكووووووووورين حبايب قلبي على الردود وعلى مساعدتي
والحمدالله سويت اللي قولتولي عليه وقامت ترضعهم

بس عندي مشكله انها ماتاكل بتكمل يومين ومااكلت شي ابد وفيها اسهال جايها..
وش حل؟

[caty..~]

بستي قد جاها أسهال ومو راضيه تآكل فاشهيتها بالتـونه قربي لهآ تونه وخيها تاكل بعدهآ حاولي تعطينها من الداري فود حقها أو تحطين لهآ حليب وتدخلين فيه حبه داري فود وتطلعين الحبه وجربي أو تسلقين لها دجاج مع خضار

أو إذا مانفع أييي شي أنتـي أفتحي فمها وحطي الداري فود فيه إذا مارضت تاكله سوي الحركه ثانيه يمكن هي تتوقع أنو مو حلو بس إذا حست بطعموا راح تاكل أنآ صار معاي نفسك مارضت تاكل وسويت لها كل الطرق مابقى لي إلآ آخر طريقه الي هي بالغصب وذاقتو وأعجبها مره مره


يآرب أكون ساعدتك تقبلي مروري ..caty..~