التزاوج

[Lily]

السلام عليكم

حابه استشيركم في موضوع

قطتي نوع شيرازي عمرها سنه وست شهور
من النوع الهادي جدا لما تطلب التزاوج
يعني مثلا لما تطلب بس تنوي على خفيف وماتفكر تطلع او تحاول تهرب
مره هاديه وبالعكس تصير لاصقه فيني طول الوقت وكانها عندها مشكله وتبيني احلها لها
طلبت التزاوج كم مره
لكنها تهدى بسرعه وما اوديها المحل للتزاوج
هل هذا راح يضرها بعدين
يعني عادي لو اتركها
مع اني راحمتها واحتمال اوديها اليوم
بس حابه اشاوركم
لاني مره ضايق صدري عليها
والل محيرني انها مثلا تطلب مره وقت الصبح وباقي اليوم تكون عادي
ومره هي مدلعه وما تحب اتركها بالبيت او ابعد عنها
ولما اخذها مكان تعصب تبغى ترجع البيت
يعني ممكن تتأثر اذا تركتها بالمحل خمس ايام

اعذروني افكار مشتته
بس بصراحه هي غاليه علي مره
ومو قادره اتركها بالمحل خمس ايام
يعني شكلي انا اللي يبغالي حل مو هي خخخخخخ

قولولي ايش اسوي
اوديها اليوم لان المحل كلموني وقالوا فيه ذكر بيور متوفر

وثااااااااانكس مره لمساعدتكم

[WeEzY WeE]

اختي انا صار معي مثل ما صار معك

اول على اخر لازم توديها حرام

و ما كان الي خاطر اوديها لاني ما اقدر على غيابها

بس من كثر ما طلبت جننتني

فوديتها وبقت عنده 3 ايام

ولما رجعتها عرفتني

انا رأيي وديها وتوكلي على الله

[Lily]

ثانكس WeEzY WeE على ردك

والله شكلي اوديها واحرصهم عليها

بس ما تأثرت قطوتك لما رجعت البيت؟؟

احسها بتلومي ليه اخليها

هي مره مدلعه وماتحب ابعد عنها

[آنـــــو]

ياحليلها مثل قطوتي اللي راحت

هاديه بطلب التزاوج وكله تلحقني ماتناظر بالذكر أبد

عموماً المحلات ماأفضلها لأنها غالباً ماترجع لك القطوه الا وفيها أمراض فطريات أو جرب بالأذن أو براغيث

هذا غير الحاله النفسيه ..

أنا أقولك دوري على أحد من النت ياكثرهم اللي يعرضون قططهم للتزاوج خاصه المربين الخبره

اللي فاهمين بهالأمور وحرصين على نظافة قططهم ..

ياأنك تاخذين الذكر للبيت أو تودين لهم قطوتك على حسب أتفاقكم ..

ولو ماحصل روحي للمحل وشوفي الذكر اللي عندهم وأفحصيه زين وتأكدي من نظافة المكان اللي بتنحط فيه

وبالتووفيق

[Lily]

هلا آنو
ثانكس على ردك

بالنسبه للي من النت حاولت بس صعبه على شوي


اما المحل الدكتور اللي فيه يعرفني من اكثر من ثلاث سنوات
وهو عارفه شكثر مسي مدلعه
راح اوصيه عليها

وحتى قالي اخذ الذكر عندي بس مشكله بالبيت عندي مافيه مكان احط القطو فيه

راح اوديها واحرصهم عليها
وبخليها بس 3 ايام لاني ماقدر على اكثر
وربي مو عارفه شلون بوديها

[WeEzY WeE]

أختي وانا الي عندي مدلعه لدرجه انو احنا لازم نطعميها الاكل بأيدينا

اذا ما طعميناها ما بترضى تاكل حتى لو جوعانه

لما وديتها رجعت ضعيفه شوي و بعد كمن يوم رجعت مثل ما كانت

[Lily]

وديتها وتوني رجعت
وماعرف كيف طاوعني قلبي

[sisi_moon]

ياقللبي لاتخافين

دام القطو نظيف والمكان نظيف لاتخافين

مابيصير لها الا كل خير ان شاءالله

[Lily]

هلا sisi_moon

انا مو خايفه عليها ان شاءالله الدكتور بيتوصى فيها

بس فاقدتها

من كان عمرها شهر ونص ماغابت عن عيني
اول مره تكون بمكان بعيد عني

[آنـــــو]

دام البيطري تعرفينه ويعرف مدى حرصك على قطتك وواثقه فيه أن شاءالله أنها بأمان

وبصراحه ماألومك مره بس وحده حصل أني أحط قططي بمحل وأسافر

وكنت كل يوم أتصل على المحل أسأل عنهم وأوصي فيهم .. ماأرتحت أبد وأحسهم فعلاً يلوموني ويزعلون علي ..

وياكثر من مره برضو سافرت وتركتهم بالبيت .. وكل مره أتركهم يكون وبالي مشغول عليهم

فـ عارفه شعورك فديتك .. وأن شاءالله تعدي هالثلاث أيام بسررعه وماتحسين فيها ..

وتفرحين بقطوتك أن شاءالله ..