بسرعة ضروري ...

[qusai-mmk]

السلام عليكم ورحمة الله وبركاته.
اليوم لقيت بسة في الشارع صغيرة مررة وما كانت معاها امها فقلت انا اربيها وباين انو عمرها ما يتعدا اسبوعين.

بس ابغا اعرف اش اشربها ؟وكم مرة في اليوم؟ وكم الكمية الي اديها هيا ؟

ومتا اكلها اكل عادي؟

وجزاكم الله خير .

[كوكي]

الله يجازيكي بالخير و جعله في ميزان حسناتك



فتحت عيونها ولا لا؟؟؟ و شوفي اذا اسنانها طالعين شوي


بالنسبه للاكل اعطيها حليب منزوع الدسم

تقريبا كل ثلاث ساعات اعطيها ملء ملعقة طعام

بس بشويش عشان مايختنق لاسمح الله

[لوسي 2009]

شكلها لذوذه ...

نصيحه توديها للطبيب لا يكون فيها امراض

[*Brhooom*]

فعلا الله يجزك خير وماقصرت وان شاء الله لك اجر مافعلت

ولو تسمع نصيحة اختي لوسي وتوديها للطبيب البيطري يكون افضل لك ولها

[timber]

ما قصرت يا اخوي واجرها عظيم راح يكون لك عند ربك (في كل كبد رطبه اجر )

اول شي في ها الفتره راح يكون عندها افرازات عند العين ومن واجب الام تنظفها كل فتره وفتره عشان كذا لازم تنظفها انت بقطن عليه مويه دافيه وتمسح فيه العيين واطرافها بس لازم تكون المويه دافيه لا تكون ساخنه عشان لا تأذيها

بعدين اكييد في ها العمر ما راح تقدر تشرب لك من الصحن الحليب فراح تتعبك شويه لكن في الاخير اجر وعافيه
فعليك تشربها بعدت طرق مثلا ممكن تحط كميه بسيطه من الحليب في كيس وتقد الكيس من طرف وتحاول تشربها فيه وكما نممكن تشربها عن طرين القطن نفسه تبلل القطن بالحليب وتعصره في فم القط

لازم ترشبها كل شويه يعني مثلا في اليوم اربع مرات عشان لو امها معاها كانت شربت كل شويه يعني لازم تعوضها فقدان امها

هذا المعلومات الي اقدر اخدمك فيها بخبره مسبقه في تبني القطط الصغيره الي فقدت امها ولو في اي سؤال تاني انا حاضر ....تحياتي

[qusai-mmk]

جزاكم الله خير وما قصرتو .

اما من ناحية فتحة عيونها لا لسعما فتحت عيونها .

[sisi_moon]

شربها حليب السعوديه بس مخفف بماي .. برضاعه طبعا او سرنجه

كل ساعتين تقريبا

واذا حاب تعطيها حليب مخصص للقطط الصغيره برضو تمام طبعا بس اتبع التعليمات الي عليه

وبعد كل رضعه امسحها بمنديل مبلل بماي دافي في منطقه الاخراج .. عشان تخرج فضلاتهاا

واذا مرره متووسخه .. اخذ فوطه وبللها شوووووي ماي دافي وامسحها تمام ..

وخليها بمكان دافي يعني ماتشغلون فيه تكييف و اخذ لها كرتونه او سله او اي شي .. بس افرشه لها بمفرش او فوطه . اهم شي يكون ناعم ويدفيها