اشترك في نشرتنا البريدية ليصلك كل جديد

أحمدووو · 14-03-2009, 11:32 AM

السلام عليكم يا أعزاء

بوريكم بعض صور اليلوناب اللي صار له عندي حاليا أكثر من شهر و نص

طبعا أليف و يوقف عالإيد

سمعته يقول ططططططط منووووو ، يبااااا ، و كلمة مو واضحة ، و خرابيط

أبي تحددون لي درجته و عمره ...

و قابليته لتعلم الكلام من الصفر بهالعمر ؟؟؟

و أحس طريقة جربتوها شخصيا مع اليلونابات لتعليم الكلام و الجمل ...

أرجو المشاركة لتعم الفائدة ...

الصور

r_3ly · 14-03-2009, 11:48 AM

احسن اذكر طائر في العالم يتعلم الجمل الطويلة بس توه فرخ على العموم جم ماخذه ومن وين

bady2006 · 14-03-2009, 12:04 PM

كفو والله بوشهاب طيرك فنان
واليلوناب ملك الببغاوات المتكلمه بس يباله شوية مجهود في البدايه
والله يوفقك اخوي ويبارك لك بطيرك

تحياتي لك

عاشقة الطيور · 14-03-2009, 12:09 PM

وعليكم السلام ورحمة الله وبركاته

الف مبروووك << موأخرا

وماشاءالله الاعضاء مابقصرون وياك

وبالتوفيق

أحمدووو · 14-03-2009, 12:18 PM

ماخذه من الكويت من واحد من الشباب ب 550 دينار كويتي

و هذا يعتبر سعر حلو طبعا عندنا

بس مادري ... شكله يبيله مجابل

صارله حدود الشهر و نص و بين فترة و فترة أحط له مسجله فيها حديد العشر كلمات يتكررون عليه بس ما شفت منه استجابة

فمادري أخليه أجابله ، و لا أبيعه بسعره إذا ياب لي 550 و أزيد عليه شوي و آخذ واحد يتكلم أكثر

و هل في طريقة تشجعه للكلام بسرعه ؟؟؟؟؟؟؟؟؟

أحمدووو · 14-03-2009, 04:10 PM

هل من مجيب ؟؟؟

شباب محد يعرف يحدد عمره من الصورة ؟؟؟

r_3ly · 14-03-2009, 04:30 PM

مره تقريبا بين 6-7 اشهر

مجنون عويشق · 14-03-2009, 04:30 PM

السلام عليكم

بالنسبه لي صعب افرق بين السن الكبير والصغير بالامازونيات ..

ولكن طيرك عمره حدود السنه فقط والله اعلم

بالتوفيق

عاشقة الطيور · 14-03-2009, 05:47 PM

اولا اخوي لتفكر تبيعه فكر شلون بتخليه يتكلم وماشاءالله مثل ماقالو لك الاعضاء انه بمقدوره يقول جمل فلتيأس انت في بداية الطريج

ويوجد العديد من الطرق الي بأذن الله بتعلمه منها الكلام

اول شي الغرفه الي بتدربه فيها لازم مايكون فيها شي يلفت نظره مثلا دريشه او تلفزيون ومحد يكون فيها غيركم عشان مايتشتت تركيزه .. بعدها ردد عليه الكلمه لازم في البدايه تكون بسيطه يعني من ثلاث حروف وحاول ترددها عليه في اليوم اكثر من مره

واربط الفعل بالكلام يعني اذا بتطلع قوله مع السلامه واذا دخلت سلم عليه وعطه بوسه (لين تعود بتستانس لان في واحد لين دخلت يسلم ويبوس) ومثلا اذا مشطت شعرك ولا رشيت عطر يمه قول حلوو وهذي كله يساعده على الربط

واي شي تقدمه له قوله اسمه .. وبعد مايتعلم الكلمه استخدم مسجل او تلفون سمعه اغنيه اطفال نغمات والي تبيه

لكن اهم شي الصبر لان بعد الصبر بتحصل نتيجه حلووه بأذن الله
ولاتنسى المواضيع المثبته بتفيدك واايد ان شاءالله
وبالتوفيق

ابو سفر · 14-03-2009, 11:29 PM

ماشاء الله ...

بالبركه عليك الطير ..وشد حيلك معاه ..

لان اليلوناب يتكلم ويحفظ بسرعه...وعمره ان شاء الله مايتعدى السنه..

والله يحفظه لك....بالتوفيق,,