اشترك في نشرتنا البريدية ليصلك كل جديد

تركوازية · 08-01-2009, 10:23 PM

قطوتي ليلي الشيرازية طلعت فيها طفليات و ورنج وورم

خذت لها بخاخ لاميسيل Lamisil وحبوب نيزورال...واحط لها خل التفاح

المهم كل ما ابخ البخاخ او احط لها الخل ...تقوم تلحس المكان .... هل يأثر عليها ولا عادي؟

واذا يأثر كيف اخليها ما تلحس...خاصة انها عنيدة وما تسوي سالفه...

وهالادوية اللي اعطيها كفاية ولا لازم اوديها البيطري؟

افيدوني يزاكم الله خير

sisi_moon · 08-01-2009, 10:32 PM

الخل مو ضروري

البخاخ والحبوب أوووكي

والبخاخ رجيه وحطيه عالموضووع ودلكيه .. وبتمتصه جلدتها بعد شوي

وعادي اذا لحسته .. هي بستفرغ منه .. واذا ماسفرغت خلص .. في البدايه بس تلحسه بعدين لااا

واستمري عالبخاخ والحبوب 20 يوم .. طبعا الحبوب ربع حبه بس ..

وعقمي المكان كل كمن يوم بكلوركس مخفف

وحمميها بشامبو نيزورال كل اسبوع .. لمده شهر ..

وبتروح ان شاءالله ^^

تركوازية · 08-01-2009, 10:36 PM

سيسي تسلمين الغاليه...

بالنسبة للحبوب توني اعطيها اول مره و عطيتها نص حبه..مشكوره على المعلومه بعطيها ربع من باجر

اما تطهير المكان...هي ما شاء الله تمشي في البيت كله..لكن ما تقعد الا في مكانين...وصيت الخدامة تطهر المكانين بالديتول...بس كيف عن باقي الاماكن اللي تمشي فيها ؟؟ عادي ولا لازم اطهر البيت كله؟

sisi_moon · 08-01-2009, 10:38 PM

النص حبه اوكي للفطريات الكثيييره ..

اما اذا توها في البدايه يعني مو كثير مره ربع حبه تكفي ..

اما الديتول لالا .. مفعوله مو قوي زي الكلوووركس ..

ومو البيت كله كله .. بس يعني الارضيات والسطوح .. والاماكن الي تقعد عليها القطوه كثيير ..

انا عن نفسي عقمت الغرفه بس .. لاني حبستهم وقت ماجتهم الفطريات

تركوازية · 08-01-2009, 11:09 PM

الفطريات كثيره..يمكن اربع بقع حمره على ظهرها و اثنين على بطنها و بقعتين صغار صغار على ايدها...وعند رقبتها على الجنبين الشعر طايح لن من غير احمرار....

هي متعوده تيلس على السوفا...والسوفا جلد...اخاف الكلوركس يخرب الجلد...

ان شاء الله تمر هال 20 يوم على خير...والمشكله ما عندنا غرفه فاضية نحبسها فيها...

sisi_moon · 08-01-2009, 11:16 PM

اجل خلص أعطيها نص حبه دام كذا كثيره ومنتشرره .!.

وان شاءالله تمر على خير ..

وزين انج حالقه شعرها عشان تشوفين الفطريات عدل ^^

تركوازية · 08-01-2009, 11:23 PM

مقرعتنها الا ههههههه

امي قالت هدوها بالشارع ما تبونها...بس كسرت خاطري ..قلت حرام خلنا نعالجها و نكسب اجر و هي تعودت علينا وتعودنا عليها...حتى الحوش ما تطلع له من بعد ما تهاوشت مع قطو اسود ههههه...ضربته و شردت...من بعدها ما تعتب باب الصاله ...

ان شاء الله العلاج ما يطول...وتصير حلوه بدون امراض...بنزوجها...تييب لنا فطافيط..مع اني شاكه انها حامل...لانها ما تخلينا نقرب عند بطنها من اسبوع ..وحلماتها بارزه...باخذها البيطري يوم السبت وبشوف لو حامل ولا

sisi_moon · 08-01-2009, 11:41 PM

اي الحمدلله انكم اخذتوها .. واجركم على الله .. ^^

اي انتجوا منهاا .. ماشاءالله عليها حلوووووه .. ولو ماكانت حامل .. زوجوها بذكر بيكي بتنتج قطط مستوى عالي

بس شلون انتي شاريتها او لاقيتها برا .. لو لاقيتها برا .. دورتي أصحابها ؟؟ .. عشان تبرين ذمتج ^^

تركوازية · 09-01-2009, 12:00 AM

اخوي الصغير لقاها بالفريج (( الحاره ))

واخوي الكبير قال لي انها من زمان تتمشى في الحاره

قعدنا يومين نمشي معاها في نفس المكان اللي لاقينها...لكن ما لقينا اصحابها....ودخلت كذا بيت و طلعت...

لكن تصدقي احسن لقيناها نحن...لانها كانت في حال يرثى لها....وسخه و شعرها متكتل...ما كانوا مهتمين فيها....ويمكن هم تركوها في الشارع لانها كبرت او ما يعرفون كيف يهتمون فيها...

لكنها ما شاء الله فاهمه...لما حطينا لها حمام تكرمين على طول عرفته...واذا طلعت نقول لها دخلي داخل تدخل...نقول لها روحي من هنا تروح....لكنها عنيدة وقت السبوح...امس سبحتها...حاولت تعضني و صرخت في ويهي...وما تخلينا نلمس بطنها و ظهرها...بس راسها...

اول ما يبناها ..كانت تقعد بالمجلس...خالي هزبها قال لها طلعي و راوها العصا..من بعدها ابد ما تدخل المجلس..نحاول ندخلها المجلس....من عند الباب تعاند و تطلع ما تدخله ابد...

احس فيها ارتاحت في بيتنا و مستانسه....الحين حتى الحوش ما تبي تطلع منه...كله قاعده معانا....

بين يومين ثلاث ياخذها اخوي يمشيها بالفريج..لكن محد يسال عنها

sisi_moon · 09-01-2009, 02:44 AM

ياااقلللبهااا والله ..

اي ارتاحت عندكم وحست بالأمان عكس الشارع براا ..

الله يسامح اصحابها الي قبل لو كانوا راميينها .. حرررام والله .. احنا قطاوه الشوارع ويتقطع قلبنا عليهم على انهم متعودين على هالعيشه .. شلون قطاوه البيوووت الي مو متعودييين على هالعيشه ابد

بارك الله فيكم .. وجعله بميزان حسناتكم .. ^^