اشترك في نشرتنا البريدية ليصلك كل جديد

PINK COCKATOO · 09-01-2009, 12:44 AM

السلام عليكم ..
انآ الصرآحه كل يوم يمر .. احس اني بديت اكره القطط .. والصرآحه انا ما اقدر استغني عن قطتي

..
لكن عندي سؤال هل القطط تسبب الثعلبه ؟ لاني اعرف وحده من قريباتي وهي طفله جتها ثعلبه من القطط

؟
وسؤال ثاني : ايش الامراض الي تنقلها البسس للانسان ؟ ..

sisi_moon · 09-01-2009, 03:05 AM

لا ياقلبو ليه تكرهينهم .. اذا عشان قطوتج الحين مريضه .. بكرا بتتشافى وبترجع زي العسل .. ^^

وأغلبنا قطاوتنا جتهم فطريات

انا سته قطاوه كلهم جتهم فطريات .. متخيله كيف .. وكانوا صغار .. رضيعين .. ماقدرت اعزل اول واحد انصاب فيهم .. وتمت تنتقل من لواحد لوااحد .. وبعض منهم جاهم بوجهم وتشووه شكلهم حيـــــــــل .. بس تشافوا وقام الشعر يطلع وصاروا احلى من اول بعد فديتهم والله ^^

المهـــــــم .. بخصوص سؤالج عن الثعلبه ..

شوفي هالموضووع

http://www.2zoo.com/vb/showthread.php?p=719936

والحين سويت بحث بقوقل .. شفت نفس الموضوع مكرر بكثييييييييييير مواقع .. ان القطط تنقل الثعلبه هي والكلاب لو كانت مصابه وفي نظريه تقول ان الثعلبه غير معدية واتوقع هي الصحيحه.. لان لما تقرين عن الامراض الي تعدي فيها القطط الانسان .. ماتشوفين الثعلبه ..!
كاتبين الفطريات الرينغ وورم بس ..

http://www.2zoo.com/vb/showthread.php?t=15603

بس عالعموم .. احنا لازم نكون حذرين لما قططنا تصاب بمرض جلدي .. نتعامل معهم من بعيد لبعيد لحد مايتشافون .. ونواظب على التعقيم .. وتنظيف القطه على طول .. وتعريضها لأشعه الشمس مرتين بالاسبوع ..
وولا راح يصيب قطاوتنا شي .. ^^

انا قطاوتي يوم تجيبهم الفطريات كانت مرتين ورا بعض لمده شهرين يمكن اذا مو أكثر ..

بس ماكانت معديه لآنهم كانوا يجون عندي وكنت أحياانا أنسى والمسهم بيدي مباشره.. لان مو كل اانواع الفطريات معديه .. بس الرينغ وورم .. بس ولو الحذر واجب .. لازم نكون حذرين ^^

ولاتوسوسين زياده .. مابيصير الا كل خير ان شاءالله

ومرض الثعلبه مو شايع عند القطط .. الحين كم لي بالمنتدى .. مامره شفت عضو كاتب ان قطوته مصابه بالثعلبه .. دايما فطريات بس ..

PINK COCKATOO · 09-01-2009, 10:58 AM

والله ماتدرين وش قدر ريحتيني ..!
لاني اتحس كرره القطط وانا ما اقدر اتخيل نفسي بدون سويتي

..
طيب انا افكر اني ابيع قطوتي

واشتري بدالها قط شورت هير ؟ توقعين تقول اقل من ناحيه الامراض الجلديه ؟ ولا كلها واحد ..
والله يعافيكِ ^.^

sisi_moon · 09-01-2009, 05:15 PM

لا نفس الشي ..

لان الشي الوحيد الي في القطط اللونغ هير تسبب أمراض جلديه هو تكتل الشعر لما يوصل التكتل للجلده يسبب حراره للقطط و فطريات ..

بس اذا تمشطينها يوميا او حتى مرتين او 3 بالاسبوع .. مابتعانين من تكتل أبد ..

الشورت هير اذا انصاب بيكون واضح اكثر من اللونغ .. بس سواء قططنا شورت هير ولا لونغ هير لازم نسوي لهم فحص دوري كل اسبوع .. مو بالبيطري .. لا احنا نشيك عليهم .. ^^

الفحص يكون بعد التحميم أوضح .. لان الشعر يتجمع على بعضه .. فـ بتشوفين جلدتها لو صحيه او لا ..

ودامج تحبين سويتي لاتبيعينهاا .. ماتدرين يمكن تشتري قطوه شورت هير وتكون دايم مريضه .. او يكون طبعها مو حلو زي قطوتج .. او اهلج مايتقبلونها أو أو .. وبعدين بتتحسفين انج بعتي سويتي ..^^