حالة مستعصية وغريبة فعلا

[STAR]

قبل فترة انا كتبت عن موضوع الرمادي الموجود عندي الموضوع كتبته ممكن ليه فوق الخمس شهور تقريبا...... المهم

الرمادي الي عندي اشتريته صراحة الطير جدا جدا جدا نضيف ريشه مرتب وشكله انيق لونه رمادي فاتح جدا الريش منسق ، اجنحة متساوية ،نضافة الطير الشكلية يعني الستايل حقو خطير والطير انا اشتريته صراحة من شكله الجميل صحيح انو عمرو كبير ولايتكلم والتصفير يمكن ثلاث او اربع تصفيرات في اليوم لاكن مو اليف بالمره بس احيان ياكل من اليد..........

لاكن الان الله لايوريكم شكلو الريش صار مومرتب ذيله الاحمر طاح بالكامل في يوم وليلة لدرجة اني انذهلت ايش الي صاروين راح الذيل
الطير قبلها ياكل الاستاند الي يوقف عليها ويكسرها كسر حبتين او ثلاث
كسر صحن القفص الي تحت يعني صار متوحش
مع اني والله كنت مهتم بيه اشكل من نفسي كل يوم اكله وتنضيف وارشه بالماء ثلات مرات في الاسبوع اقعد معاه لاكن مافي فايدة
وديته لبيطري اعطاني فيتامينات وديته عند واحد من الاصدقاء وخليته عنده وقلتله شوفلي حل قعد عنده يمكن شهر وبعدين رده وقلي الله يعينك هذا جدا عنبد مع انه صاحبي عنده واحد وعارف للبغبغانات بس مو مرة
الان انا عارضه في محل للبيع من كثر ما نفذ صبري ليه فترة مع ان ذيله ليه فترة قام يرجع شوي شوي
والان افكر اجيبه واهتم من جديد واتحدى نفسي واتحدى ضرف الطير وارجعه احسن من اول


انا داري اني طولت عليكم لاكن من انها حالة غريبة ومن حيرتي كتبت يمكن القى (حل)

[طلالو]

الله يعينك

[فطوم]

والله اخوي مابيدك شي غير انك تحاول تتقرب منه وتوكله حاول تجوعه وبعدين توكله يريت تحط صورته عشان الخبراء يحددونلك عمره يمكن يكون عمره كبير مو 5 شهور...

حاول تحطله العاب خشبيه عشان يعضها ويكسرها ...

قص جناحه وحاول تطلعه وتلعبه وتمشيه بالبيت يمكن اهو مومرتاح...

واهم شي الفيتامينات لاتنساها

[Mr. MeMo]

اخي الكريم ستار


ممتاز انه عندك اصرار و انا متأكد المره هذه انك راح تنجح في
توليفه و لكن يجب توفير بعض المستلزمات اولا قفص كبير
مثل هذا الذي يفتح من الاعلي و يكون به استاند علوي



يجب عليك شراء بعض اللعاب له وهي متوفره بعده اشكال ولها اهميه كبيره جدا
لكي لا يقوم الببغاء بتنتيف ريشه و تسليته للعب و هذه صور بعضها





ايضا لا تنسي و ضع عضمه ظهر الحبار في القفص و عظمه دجاجه مرتين اسبوعيا

[fan]

بصراحة انا كان عندي واحد أول نفس الشئ أخذته مرتب مرة وحلو
وشهرين ونتف ريشه كله وحتى ذيله كأنه مافيه ذيل ونفس الشئ كان ياكل من ايدي ويتكلم بعد ويصفر وكنت مهتمة فيه مرة وجت فترة رجع ريشه ينمو وبعدين فجأة رجع ينتف ريشه وديته البيطري وعطاني فيتامينات ورشة ارشها عليه كل يوم لكن مافاد.
طبعا في النهاية مات.
وماأقولك إلا الله يعينك عليه

[الرحال2222]

اقلك انت لية توجع راسك بيعة وشوف لك احسن منة هالمرة شوف واحد مدرب

[FAWAZ]

مرحبا اخوي ....

يمكن الطير في مرحلة تبديل لريش عاديه خصوصا ونك قلت بدا يطلع له ريش جديد مكان القديم في الذيل , لأنه ونا خوك تختلف طريقة تبديل الريش من طير الى طير بعضهم على ريشة ريشه وبعضهم يرميه كله مرة وحده ,,, هذا شي

الشي الثاني .... يمكن يحس بنوع من الملل .... حطه مع طيور ثانيه او في محل فيه طيور كم يوم وبعدين رجعه البيت ...

حاول تروشه كم مرة في الاسبوع , او تغير مكانه الي هو فيه , نوع له في الاكل حقه ..

اتمنى لك التوفيق في طيرك ...وشكرا