السلام عليكم شلون اقنع امي في شراء الهامستر

[ملك الهامستر]

السلام عليكم ورحمة الله وبراكاته

احنا كان عندنا 10 هامسترات اوبعناهم

ولاكن تحسفنا ان بعناهم

الأن ابي اشتري مره ثانيه ولاكن امي ماتوافق اني اشتري

كيف اقنع امي على شراء الهامستر

تكفون ساعدوني لان ماضن توافق بس بشي مقنع

مع نحياتي ملك الهامستر

[falo]

شف أول شيء قل لها انه مو فأر اقنعها

و قلها اني احب الهامستر و أوعدها قلها اذا ما ربيته زين بشيله لأن حرااام يكووون عليك ذنب

و كلمها عده مراااات بس اذا شفتها عصبت خلاص مع السلامه لا تكلمها

أهم شيء رضى الوالدين

[أحمد العصيمي]

شوف خل احد يشتريلك بدون محد يدري وقول جاني هديه

[راكب فوق الجدار]

ارسل لها اخوك الصغير اخر ولد جاء لها لان الامهات تحب الولد الاخير وخله يقنعها لان الام في مثل هذه المواقف لاتتحمل

[ملك الهامستر]

مشكورين جزاكم الله خير
بس المشكله لو قلت لها هديه ولا شريته بدون محد يدري بتاخذه بتغله الحوش
هههههههههههههههه المشكله مسلسل نور طلع حق نور هامستر تقول فار الحين امي تقول فار لو أنسوي العجب بتقولي فار عن الخرابيط هههههههههه

[أحمد العصيمي]

مشكله والله

طيب

هذه انا سويتها عشان يشترولي وبران
اول شي اضراب عن الاكل والكلام بس آكل من وراهم

ثاني شي سويت حفله وجبتلهم هدايا (( امي وابوي ))

قهر صرفت الفلوس على حفله

بعدين اطلب منهم

[ملك الهامستر]

مشكور اخوي احمد العصيمي على مرورك

[ديناصورة]

شوفي انتي قولي لها بتروحين معاها محل الحيوانات (( لا تقولين لها بتشترين هامستر )) قولي لها بشتري شغلة، ولما تشوفين الهامستر قولي لها إنج تبين تشترينه وامسكيه جدامها ووريها شلون اهو لطيف وفي نفس الوقت اشرحي لها الفرق بينه وبين الفار، اشرحي لها وانتي ماسكة الهامستر ، وانشالله بترضى وتقتنع ^_^ انا امي ما اقتنعت إلا لما وريتها الفرق بينه وبين الفار، لإن في المحل كان في فيران صجية للبيع ^_^

[KiNGQtr]

شوف ياخوي

قول للوالده الله يحفظها لك انك تبي تشتري همستر ذكر وانثى ..

وانك بتربيهم ، وقولها الام بتجيب عيال وان الهامستر يتكاثر بسرعه ،،

وقولها انك تقدر تربح من ورا هالشي كل ماتنجب الام عيال ويكبروا بيعهم ..

وتقدر تقولها انا اشتريت هامسترين بـ 200 ..

ولما ابيع عيالهم الـ 8 او الـ 5 على حسب العيال اربح 500 الى 800 .. إلخ ..

انا عن نفسي سويت هالشي وربحت 1400 ريال وكانت الهامستر الانثى عندي ولدت 3 مرات وفي كل ولاده 7 عيال ..

وانا اعتبرها وناسه و تجاره لووول ..

[ملك الهامستر]

تسلمون على الردود