مطلوووووووووب كوكاتو

[body]

السلام عليكم ...

اعرف انو مكان الوضوع غلط لاكن شسوي هنا الي يشوفو الموضوع اكثر من الشراء

انا جاركم من قسم الكلاب اعتزلت عن تربية الكلاب وانا هاوي جديد في عالم الكوكاتو وانا ابغا

اشتري فرخ كوكاتو زي الي بصوره بس يكون صاحب الكوكاتو من جده وانا الصراحه دورة وما حصلة فرخ

[body]

معقولة 6 مشاهده ولا احد رد

[مـمـــدوح]

انا مثلك اخوي مو لاقيـ.. ويارب نلاقي

[body]

ايه والله وتسلم على مرورك الحلو

[هاوي الببغاوات]

لو اقدر اساعدك والله بساعد بس ما اعرف احد يبيع بعدين صعب تحصل الكوكاتو الفرخ خذلك كاسكو احسن تحصل فروخ كثير

[body]

مشكور هاوي الببغاوات بس بسئلك ليش صعب احصلها ومن الافضل الكاسكو ولا الكوكاتو

[افريكانو]

اخوي انصحك انك تدور بمكان غير جدة روح مكه لحراج جرول اسال اهل مكه عنه او تعال عندنا بالرياض و روح سوق الحمام اكبر حراج للبغاءات و راح تلاقي الي تبيه تعال الخميس او الجمعه بعد العصر و اذا بغيت اي مساعدة من رياض ارسل لي على الخاص و راح افيدك بس بليز لا تسالني عن السعر لاني من قطع عن السوق ما اعرف اسعارها بس اخبر اخر مره رحت للسوق كانت اسعاره تتفاوت بين 2000-4000 ريال للايف و المتوحش من 1200 الى 2000 ريال

[حياتي كلها كاسكو]

هلا اخوي مثل ما قال لك أفريكانو حراج الرياض توني رايح الأسبوع الماضي وفي كوكاتو بـــ 1500 وأليف ويطلع عاليد وإذا تبي أي مساعده كلمني عالخاص .

[هاوي الببغاوات]

الكوكاتو لعوب وحركاته كثير ويونس بس ما يتكلم زين ومزعج
اما الكاسكو لسانه حارة بس يتكلم ما يسكت ورخيص وسهل تحصله خذلك فرخ كاسكو تفريخ هولندا احسن لك تحصل سعره 1600ريال الين 2500ريال اما الكوكاتو غالي وبالقوة تحصل فرخ

[body]

انا سمعت انو كلهم زي بعض في الكلام بس لازم تدربه مزبوط