بليز طريقه قص الاظافر

[sisi_moon]

مرحبا ياحلويييييين

بليز ابي تحطون لي الطريقه مع الصور لقص اظافر القطاوة

انا شفت الموضوع بس الصور مو طالعه مادري ليييييه

بليز حطوه لي بليييييز

[مخاوية قطاو]

هاي
انا بصراحه مااقص اظافر قطاوتي
ولو عندي اي خلفيه اختي راح اقولك
بس انا مقص الاظافر هذا شايلته من قائمة متطلبات القطاو
انتم ليش تقصون اظافر قطاوتكم
ممكن رد

[sisi_moon]

مو لازم ياقلبي عشان ماتشمخك ولا تشوه الاثاث

وبالذات وانتي تروشينها هي تتشيطن وممكن تاذيك باظافرها

لازم تقصينها

[Dominique]

والله آنا أقص أظافر دمدم بالطبيب بس توني شريت مقراضة حق دمدم علشان أسويهم في البيت

وبخلي الطبيب يعلمني

بس مرة شفته يقص أظافر دومينيك ومايوصل لحد الظفر الواصل باللحم لأن فيه شريان إذا انقطع راح ينزف القط

فأفضل شي خلي البيطري يعلمج بالضبط

***********

مخاوية دمدم أظافره نتفتني

إذا كنت بوخره عني وأهو مصمم إنه ما يقوم يغرز أظافره بفخذي ويعدين أنجرح

والأثاث فحدث ولا حرج يعني ماكو قماش صاحي بالبيت
.
.
.

[lucy]

انصحك بان لا تقصي اظافر قطتك سوف تصبح اكثر غلظه وطولاو تصبح حاده اكثر

وضعي لها السكراجنق(scraching) حتى يقلل من حدية اظافرها

و اذا كنتي مصممه انك تقصي ا ظافرها فهذه الصوره توضح كيفية قص الاظافر

[مخاوية قطاو]

ههههههههههههههههه
ياحليلك يادومينيك تسمونها مقراضه هههههههه انا نسميها مقص اظافير هههههه
اسمها يضحك مقراضه ههههههههه

[Dominique]

اي والله مقراضة شفتي

لأنها تقرض الأظافر

يا شاطرة بس المقص يكون المقص العادي
.
.
.

[مخاوية قطاو]

هههههههههههههههههههههههه
ايه بس مقص اظافر مب مقص اوراق
مقراضه جايه من القرض والقرض لايقصد به القرض الذي يؤخذ من البنك وانما القرض تقال عندنا للشخص اللذي ياكل بشراهه ويسمى قاروض وقاروض مشتقه من القوارض والقوارض هي عباره عن كائنات تحب القرض والقرض لانقصد به القرض من البنوك او غيرها وانما الاكل الزايد وهذه القوارض تأكل الاخضر واليابس
فهل تفسرين لي اخيتي لماذا اسميتم مقص الاظافر بلمقراضه علما بأن مقص الاظافر جماد لايأكل او يشرب وانما يقوم بقص جزء من الظفر الغير مرغوب فيه وذلك اما للمحافظه على شكل الاظافر جميله ونظيفه في وقت واحد.
إذا فكلمة مقص اظافر انسب واجمل ولائقه بلوظائف التي يقوم بها هذا المقص الصغير....
ودمتي ..........
اختك وصديقتك
مخااااااااااااااااااااااااااوية قطاو

[sisi_moon]

مشكووووووووووووووووريييييييين ياقلبي والله ماتقصرون

وادعوا لموني حبيبتي فديتها توني شاريتها امس بس بسبب تغير المكان

وصلت حرارتها 38 ونص وفيها اسهال

يااااااااااااااااااارب يشفيها

[دلوعةتوتو]

احنا بعد نسميها مقرااضه