محتاااره حدي:(

[عاشقة الطيور]

السلام عليكم ورحمة الله وبركاته

اليوم ابوي قعد يكلمني عن القطاوه وقالي ان ذاك اليوم سلم على رفيجه وكان جسمه متنفخ ابوي سأله شفيك قاله حساسيه من القطاوه .. وحذره منهم

انا ماابي اخذ حيوان واندم ابي استانس وياه في العطله .. وقلت لابوي في تطعيمات وو .. قالي فكري بحيوان ثاني

الحين انا ماادري يعني خلاص مااخذ لي قطوه ولا اخذ!

[Mr. MeMo]

اختي الكريمه عاشقه الطيور



الحساسيه من الامراض الشائعه و لكن ليس لدى الكل
فهنالك من يشتكي من حساسيه مفرطه مع رائحه معينه
او غبار او شعر القطط ( شي معين ) اعرف شخص لديه حساسيه
مفرطه من الارانب


و لكن هذا لا يعني ان الجميع مصاب بالحساسيه من القطط
يجب عليك معرفه ان كان هنالك من يشتكي من افراط في الحساسيه
من افراد المنزل قبل اقتناء قط بالمنزل

و اتمنى لك التوفيق

[دلوعةتوتو]

انا اتفق مع كلام ميمووو


كل شخص له حساسيه من شي معين

يعني مثلا ناس عندهم حساسيه من الورد

ناس من القطط
ناس من اكلات معينه

هل معناته كل هالاشيا مضره

طبعا لا

[sisi_moon]

نفس كلام اخواني انا بعد

وكلامهم صحيح

مو كل قطوة تجيب حساسيه

انا عندي قريبه من تشوف القطاوة عيونها تحرها

مو شرط يعني

توكلي على الله واشتري القطوة واستانسي وياها

واذا جتك حساسيه وماتبينها بيعيها او اي شي

موفقه

[عاشقة الطيور]

وانا معاكم بعد .. بس ابوي يقولي انتو تبون تربون حيوان تستانسون وياه مو تيبونه وتقعدون تعالجون في روحكم

يقصد بنمرض

والله ربعه فرو مخه وقالي فكرو في حيوان ثاني .. انا فكرت في الكافي واختي في ارنب اهو ان شاءالله بيرضه

بس يطلعون ريحه صح!.. وشي ثاني يتعلمون وين الله يعزكم يقضون حاجتهم ولا لا؟

[عاشقة الطيور]

وانا معاكم بعد .. بس ابوي يقولي انتو تبون تربون حيوان تستانسون وياه مو تيبونه وتقعدون تعالجون في روحكم

يقصد بنمرض

والله ربعه فرو مخه وقالي فكرو في حيوان ثاني .. انا فكرت في الكافي واختي في ارنب اهو ان شاءالله بيرضه

بس يطلعون ريحه صح!.. وشي ثاني يتعلمون وين الله يعزكم يقضون حاجتهم ولا لا؟

[sisi_moon]

هم مافيهم ريحه

حمامهم بس يكون مروح

انتي حطي حمامها في مكان يدخله هواا ونظفيه على طوول واستخدمي معطرات جو و معقم و ان شاءالله مافيه ريحه

اي اكيد يتعلمووون وين يقضون حاجتهم

اصلا القط افضل حيوان منزلي عشانه نظيف

وهو الحيوان الوحيد اللي يدفن اوساخه

موفقه

[عاشقة الطيور]

ههههههههههههههههه .. مااقصد القطاوه .. اقصد الكافي والارنب

[founah]

هلا اختي انا اقول ان القطوه هي احسن حيوان يتربى في البيت لانه مو مثل الحيوانات الباقيه مثل الارنب يعمل ريحه ويوسخ في كل محل وحتى الارنب فيه فرو يعني مافي مفر من الفرو والهامستر عنده فرو

وبالنسبه للامراض مادام ان القطوه مطعمه وتفحصينها كل شهر عند الدكتور مارح تجيب امراض انشاءالله انا الحمدلله اربي قطاوه من 4سنين وماجاتنا اي امراض الحمدلله ^_^

[آنـــــو]

القطط أنظف بكثير من الأرانب .. مره قلت بجرب أربي واحد يقالي كيوت وجبته وصرعني بوله وأنتي بكرامه كثير ومتعب بالتنظيف

أما القطوه لها حمام ورمل خاص تسوي فيه وتدفن وصخها وأنتي تنظفينه بأستمرار وكلش مافي ريحة مع المعطرات والتنظيف المستمر

والحساسيه هذاني أربي قطاوه من صغري ومافيني شي بفضل الله