ماهو سبب..؟؟

[عاشقة الطيور]

السلام عليكم ورحمة الله وبركاته

اليوم الصبح طلعت سيكو من قفصه ونزلته وياي تحت .. ورجع على يدي نفس الماي وشوي دافي

وتم يرجع تقريبا 3-4 مرات .. وعطيته خيار وكل شوي وطمام بس يحب يشرب الماي الي فيه

وبطيخ كل والحمدلله

وبرازه على نوع الاكل الي اعطيه

بس ابي اسأل شنهو السبب الي خلاه يرجع؟!

[إحساس نادر]

الأهم يا عاشقه أن صحته كويسه
ولا يعاني من شي
أما مسألأة الترجيع فهذي تصير معاي كثير
خصوصاً يوم أقرب من الطير
مره ماي ومره لوز

وكما فهمت من مشرفنا ميمو أنها علامات حب الطير لك
ولكن إذا زادت كثيراً فهذا مو حب خصوصاً يوم يسويها وأنتِ بعيده عنه
يعني يرجع في كل وقت هنا عليك وعلى الطبيب







كل الود

[عازف الكيبورد]

السلام عليكم

اختى عاشقه كثرة التنويع لطير في كل شيء غير محبوبه

فخير الامور الوسط فكثير من الامور التى نعطيها الطير تكون ثقيله على معدته

او بها حموضه على معدته اعطيه ولكن لا تنوعى له كثير لاحضة أنك أعطيته خيار وطماطم

وبطيخ لا يستحب هذا التنويع


قد تقولى أنا أعطيته بعد ما ربجع وليس قبل أنا أعى هذا تماماً

ولكن القصد بسلوك التغذيه وهو التنويع الزائد والكثره يسبب الاسهلات والترجيع


ولتكن مرتين الا ثلاث أسبوعياً فقط

[عاشقة الطيور]

إحساس نادر

تسلم اخوي.. مااظن حب لان وانا بعيده يرجع
مشكور مره ثانيه وجزاك الله خير


عازف الكيبورد
وعليكم السلام ورحمة الله وبركاته

اي انا من ناحية التنويع وايد انوع .. والصراحه سيكو ماشاءالله عليه يحب ياكل الفواكه والخظار اكثر من الحبوب .. واذا احط له حبوب ماياكل إلا الفول السوداني واذا وصل حده ياكل الحب

مشكور وجزاك الله خير