اسئلة بسيطة ... (( دعوة لكل من عنده قطوة ))

[meeshee]

ســـــــــــــــــــــلام......
اتمنى ان الكل يشارك بالموضوع خصوصا انه يهمنا مربين القطط

الموضوع عباره عن كذا سؤال سهل الغرض منه انه نعرف سبب المشاكل الصحية الي تجي بساسنا من دون غلط منا بس يمكن احنا السبب وماندري

وشرط الاسئلة ان الاجوبة تكون دقيقه وصحيحه للغاية واذا مو متاكدين من شي قولوا

الاسئلة :

1- ماهو نوع اكل قطك ؟ العادي + الدراي فود dry food

2- مالذي تعطية لقطك كوجبة سناك snak ?

3-كم مره بالشهر تحمم (( تروش )) قطك ؟

4-هل تخرج قطك خارج المنزل او تبقية فيه وتمنع عنه الخروج نهائيا ؟

5-اين تضع صندوق فضلات قطك ؟

6-اين ينام قطك ؟

7-ما هي الامراض التي اصابت قطك من لحظة اقتنائة حتى الان ؟ (( حتى الامراض الجلدية ))

8- ماهو اكثر ماتمنع قطتك عنه ؟

9- هل تحافظ على مواعيد التطعيم دائما ؟

اتمنى اني ماطولت عليكم وللحرص انا بجاوب عن الاسئلة :

1- ويسكاس عادي ... ويسكاس دراي فود او مياو مكس (( غنم - beef ))

2- انا عن نفسي ماعطية سناك ابدا

3- مرة بالشهر

4- خروج ممنوع نهائيا

5-بالسطح

6- معاي بالغرفه بس السرير ممنوع

7- الحمدلله مافي اي مرض بس مره انكسرت رجل قطوتي والحمدلله ماثر عليها الحين
وجاها زكام

8- امنعها اكثر شي من اكل البيت لانه على حسب ماسمعت مره يضرها ومااعتمد الا على اكلها
المخصص لها
اما قمة الممنوع (( السمك ))

9- للحين100%

[دلع الحزينه]

يسلمووووووووو حبوبه والله علي هالاسئله الحلوه وان شالله الكل يستفيد منها


1- ماهو نوع اكل قطك ؟ العادي + الدراي فود dry food
لا اكره ويسكاس ريحته يا اختي موت كنت اطعمه منوه بعدين بطلت وصرت اجيبله والله علي لساني اسمه لاني نسيت هو لون علبته اخضر ومرسوم عليه قطه شقره ريحته تهبل وحلو ويحبه توتي كتير وامرات

2- مالذي تعطية لقطك كوجبة سناك snak ?
ما اعطية ابدا
3-كم مره بالشهر تحمم (( تروش )) قطك ؟
عن نفسي توتي بعد عمره شهرين والله وخايفه احممه فجبتلوه البودره الي تحطيها وتمشطيه فيها عشان يروح عن الوسخ او الفطريات حلوه حتي ما لها ريحه وعبال ما يكبر بسير احمموه
4-هل تخرج قطك خارج المنزل او تبقية فيه وتمنع عنه الخروج نهائيا ؟
لا ممنوع منع باتا الخروج حتي اهو بنصرع بس يطلع بره بسير زي المجنون بس اروح اطعموه بعملي عرس وبفضحني بالمستشفي ههههه بس امرات بطلعوه علي البلكون
5-اين تضع صندوق فضلات قطك ؟
والله انا حاطيته بالغرفه عندي وبعرف انو غلط بس خلص تعود والله بس ان شالله بحاول احطة مكان ثاني

6-اين ينام قطك ؟
بنام بالغرفه عندي او عند اي وحده من خوات علي حسب مزاجة يا تلاقي نام تحت رجلينا او فوق مخدتنا يعني ماخد حقة وزياده

7-ما هي الامراض التي اصابت قطك من لحظة اقتنائة حتى الان ؟ (( حتى الامراض الجلدية ))
الحمدالله لهلا ولا مرض بس الاذن دايم بدها تنضيف ما بلحق والله كل يومين بشوفه بكون معبه وسخ وحكيت لدكتوره اعطتني قطره لكن ما فاتده

8- ماهو اكثر ماتمنع قطتك عنه ؟
ما بمنعها من شي بس من عظام الاكل لانو قريت بكرت الصحة انو اطعامها غلط كبير مو متل قطط الشوارع مساكين يكلون الزلط

9- هل تحافظ على مواعيد التطعيم دائما ؟
دايمن والله حتي نص فبراير عنده تطعيم الاخ يمكن يهده


تسلمي حبوبه بصراحة روعه يسلموووووو

[Dominique]

خوش أسئلة

1- Dominic ياكل أي نوع دراي فود أحطله ما يقول لأ بس بالنسبة للمعلب ما يحب إلا فانسي فيست بالبيف فقط لاغير .

2- السناك يا أعطيه: ذرة مفتته ( يعني حبات ) مسلوقة بالماي بدون ملح طبعا، أو أعطيه روب بالمشمش مال المراعي أو شبس مقلي ( طبعا جم حبة شيبس مو صحن كامل ) .

3- العادة أحممه مرتين بالشهر ( كل أسبوعين مرة ) بس حاليا ولأن برد موت فمرة كل شهرين( أخاف يمرض الصراحة وآنه ما أتحمل أشوفه مريض يكسر خاطري ) .

4- أبدا أبدا أبدا ما يطلع على ريوله،ولا حتى بالحوش ممنوع نهائيا

بس بين كل فترة والثانية ( تقريبا كل أسبوع مرة ) أطلعه معاي بالسيارة وأتمشى على خط الخليج يستانس يطل من الدريشة ويشوف السيارات يتنطط يروح ورا ويرجع جدام مو مصدق طالع .

5- بغرفتي ...
لأن غرفتي وغرفة اختي مفتوحين على بعض ( بينهم فرية ) والغرف كبار يعني صايرتله مثل شقة صغيرونه مع انه في حديقة بالبيت يعني أقدر أخليه يوسخ فيها
بس الصراحة أحاتي إذا طلع بره الغرفة وآنه واختي نايمين هذا ملقوف وعبثي وبسرعة ينقص عليه ويمكن ينحاش
فالحمام بغرفتي وأسكر الباب بالليل علينا احنا الثلاثة وكل يوم أو يومين أنظف الحمام علشان الريحة وأستعمل مطهرات ومعطرات جو بالغرفة .

6- بسريري أو بسرير اختي بس الحين شريتله مثل سرير حلو استانس عليه وصار بعد عمري بروحه يدخل السرير وينام وحاطتله لعبة فيل قطن كبيرة ومخدة صغيرونة ( مسويتله جو )

أشوه صار مثل بيت صغيرون حقه شكله اينن واهو نايم فيه انشالله بحطلكم صورته .

7- الحمدلله بس كان فيه دود من قبل أول ما يبناه ( يعني مو عندنا مرض ) وعالجته وأول ما نزلنا بيتنا هذا من جم شهر ارتفعت حرارته ووديته الطبيب نفس اليوم وثاني يوم الحمدلله صار أحسن والحين تمام التمام .

8- أكل الحشرات والخروج للحوش .

9- طبعا كل تطعيم بوقته وعنده تطعيم سنوي 30/5 .

شكرا على الاستفتاء الحلو أدري قرقت وايد بس انشالله الكل يستفيد من تجاربنا
.
.
.

[ضحكه]

موضوع حلو يعطيك العافيه

1- المعلب ويسكاس وفليكس لان الاخت تحب التنويع اما الدراي فود كانون رويال.

2-مااعطيها سناك.

3- بالشهر مرتين تقريبا لانها ماتطلع برا ,ومن دخل البرد يمكن مرتين بس لان برد الرياض هالسنه
قاتل.

4-احيانا اشيلها عند خوالي وبيت جدي ,لكن تمشيات في السياره مافي امل لانها خوافه وطول
الطريق وهي فاتحه صوتها يعني ازعاج كامل.

5- احنا عندنا في البيت غرفه فاضيه وفيها بلكونه احط فيها ترابها علشان التهويه.

6-في كل مكان لكن الغالب عندي بالغرفه وفوق السرير.

7-قطوتي اول ماشريتها كانت عندها فطريات والحمد لله خفت ومره طلعت فوق البتجاز وهو حار وانحرقت بس ماوديتها البيطري انا عالجتها واخر مره طاح شوي من شعرها تحت فمها
ووديتها البيطري وقالي نقص فيتامين رغم اني اعطيها فيتامين وعطاني مرهم وكان بعد عندها التهاب في الاذن وعطاها ابره
مضاد وعطاني حبوب ,

8-دخول المطبخ لانها تهوى الطلوع على الاماكن العاليه واخاف عليها من النار.

9-بصراحه لا اول ماجبتها كنت محافظه لكن الحين لا .

والف شكر لك

[meeshee]

اختي دلع الحزينة شكرا لمرورك على الموضوع
وبخصوص ويسكاس انا فعلا لاحظت انه فيها ريحه بس المعلب جربي ويسكاس الوجبة الكاملة عباره عن ايدام بلحم ونكهات واجد هذا ابد مافيه ريحية نهائيا
والله يخليك منوه


Dominique حنا لو بنسالك نبي نتعلم منك لانه مشالله تبارك الله من شاف دومنيك عرف انه مو محتاج اي شي وصحته ميه ميه الله يخليه لك انشالله

وياليت تحطي صورة اكل دومنيك فانسي فيست عشان نجيبة

وللمعلومية (( انا ماكنت احب الذكور ابد ابد ... بس من شفت صورة واسلوبة باللعب وكذا غير نظرتي للذكور صار هالحين من مخططاتي اجيب لي واحد بس للاسف عندي حساسية منهم ))

والف شكر على مرورك ونورتينا


اختي ضحكه مرررررره شكرا على مشاركتك للموضوع بس ليش صرتي ماتلتزمين بالتطعيمات؟؟
الخوف يصير عليكي كبير ممكن تنقل لك لا قدر الله شي مو زين او تمرض وتخسريها

[كلاسيك]

1-دراي فود رويال(33) 2- ؟ 3-مره وحده 4-لو تفحط من ذا إلى بكره ما طلعت 5-في غرفتي6-ع السرير7-أن فلونزا+حكه في الأذن +حسسية في الرقبهه عشان السلسال 8-الحوش 9-لا

[Dominique]

حبيبتي ميشي

الله يعزك مقدارج ونستيني بهالكلام

وترى آنه بعد سمعت ان الذكر كله نايم وملووول وما يلعب بعكس الثنية

بس الي آنه عايشته العكس تمام

القطوة بطبعها تحب تنام وايد ودومينيك ماشالله عليه ينام بس وقت اللعب ما يشبع

اذا فتحتيله باب لعب بعد ما يسكره لو شنو
يبي ينط يبي يلحق الكور يبي يلحقج وين ماتروحين حتى والله فكرت أدخله فريق هوكي
لوووووووووووووووووول
ما يترك الكرة لو شيصير

هذا الموضوع لي و في صور فانسي فيست بكل أنواعه

http://www.2zoo.com/vb/showthread.php?t=11886

وهذا موضوع جديد في صور حديثة لدومينيك وفراش دومينيك

http://www.2zoo.com/vb/showthread.php?t=18127

مشكورة حبيبتي على الكلام الحلو وكثري
من هالمواضيع
.
.
.

[الحبيب]

1- ماهو نوع اكل قطك ؟ العادي + الدراي فود dry food قطي توهه صغيره ماعطيهه هاي الاكل

2- مالذي تعطية لقطك كوجبة سناك snak ? ماعطيهه

3-كم مره بالشهر تحمم (( تروش )) قطك ؟
كل اسبوعينــ مره
4-هل تخرج قطك خارج المنزل او تبقية فيه وتمنع عنه الخروج نهائيا ؟ لا الحين لا قبل كان عندي بس مات او بعد وحده ثانيه دعمتهه سياره مااتت اما الحين نو وي

5-اين تضع صندوق فضلات قطك ؟ قبر البلكونه

6-اين ينام قطك ؟ في صندوق يدفي وكل طعامه موجود وصندوق داخل غرفتي

7-ما هي الامراض التي اصابت قطك من لحظة اقتنائة حتى الان ؟ (( حتى الامراض الجلدية )) لا يوجد

8- ماهو اكثر ماتمنع قطتك عنه ؟ ان احد يؤذيهاا
9- هل تحافظ على مواعيد التطعيم دائما ؟ نعم

[meeshee]

كــــــــلاسيك مشكور على مرورك بس ليش مافي انتظام لمواعيد التطعيم


Dominique

مشــــــــــــــكورة حبيبتي على مجهودك وتعبتك بطلب صورة الاكل

ودومنيك اسم الله عليه جنـــــــــــــــــــــــان ياخذ العقل

والله لو ينفع استنساخ كان طلبت منك تستنسخي 50 حبة منه

وانا لي منهم 20

الله لا يحرمك منه يـــــــــــــــارب ولا يحرمنا من طلتك علينا





الحبــــــــــــــــيـــــب الف الف شكر على مرورك عالموضوع والله يخلي لك قطوتك انشالله

واستمر على الي انت فيه

لان نظامك مضبوط 100%

[Dominique]

ميشي



ولو حبوبة لا تعب ولا شي أجيج براسي لو تطلبين

شدعوة

حبيبتي أسويله استنساخ وكلهم حلال عليج

آنه كافي علي هالأمير شلللم قلبه


مشكورة بعد عمري

يالله أتحفينا بجذي مواضيع وياريت الكل يشارك بمعلومات عن قطاوته عن طريق أسئلتج
.
.
.