من منكم يعرف في الببغاوات؟

[أبو حنش]

سلام عليكم أعظاء المنتدى ....أسعد الله أوقاتكم
تقدرون ترشدوني لنوع من الببغاوات فيه التالي :
-يعمّر ويتوالف مع الشخص
-كبير الحجم يقاوم العوامل الممرضة
-وأهم شئ أقدر أخليه طلق بدون سلسلة أو قفص يعني وين ما أروح وهو معي
-يقدر يتعلم الكلام

حبيت أسألكم لأني قاعد أدور في الرياض ولقيت أنواع عديدة بس ما ادري وش الاصلح
أبغى واحد مثل اللي مع سلفر(((اللي في جزيرة الكنز))) آخذه معي وين ما أروح

وتكفون عطوني اللي تتوفر فيه هذي المواصفات .... مو اللي تحبون.. أبغى اللي يصلح لي

وآخر سؤال أعزائي آخذه فرخ ولا كبير ولا منتصف العمر>>>>واحدة تنخطب هاهاهها

[أبو حنش]

وتكفون قولوا لي ذكر ولا أنثى
لأني أربي كناري وذكورها متميزة جداجداجدا من ناحية التفاعل أخليهم مثل الببغاء يوقفون علي ويطيرون في الغرفة ولهم مكان فضلات مخصص وتغريدهم يهبل
لكن ما عن الببغاء من اللي يتفاعل مره الذكر ولا الانثى

[راقي_جده]

اخوي ابو حنش
اولا لابد ولازم كون الطير فرخ صغير جدا يعني عمره ما بين 6 شهور 9 شهور عشان تستطيع توليفه بسرعه وكل ما كان الطير كبير كل ما كان صعب توليفه اما انا بالنسبه لي احب النيجيري ولامازوني لانني مجربهم وعندي الاثنيين ما شاء الله كلهم في غاية الروعه وبالنسبة لانهم يكون بره القفص ويلعبون هذا حسب توليفك لهم وتدريبك وانصحك اذا ما كانت عندك خلفيه في لبدايه افضل ان تاخذ طير مدرب جاهز.
ارجوا ان اكون قد افدتك. وشكرا

[عاشقة الطيور]

وعليكم السلام ورحمة الله وبركاته

ماشاءالله راقي جده كفا وفا بس اذا تبي ببغاء كبير في الحجم ومقاوم للمراض عندك المكاو

واظن الذكر يتفاعل اكثر لكن يبي له طولت بال اثناء التدريب

وبالتوفيق

[أبو حنش]

مشكورين لكن هل المكاو والنيجيري يقلدون ويعيشون طويل

[عاشقة الطيور]

المكاو مايتكلم مثل النيجيري .. النيجيري افضل في الكلام

لكن اثنينهم اعمارهم طويله .. ويعتمد على مدى اهتمام المربي

[أبو حنش]

سلام أعزائي كل واحد منكم ياخذ راحته في الشرح

اني أصغييييي..

[أبو ريـــــــــــــان]

شوف حبيب قلبي الطير اللي تقول عليه اللي مع سلفر هذا المكاو وهو طير ممتاز وكبير الحجم لاكن مايتكلم بطلاقة مثل الكاسيكو الافريقي وإذا ماعندك خلفية بالتدريب والترويض فأنا مع كلام اخونا راقي_جده بأن تأخذ لك طير مدرب جاهز بيكون غالي اشوي لاكن انشاءالله بتنبسط علية , وانت قلت ننصحك بالطير اللي يصلح لك مو اللي احنا نحب على كذا انا والله ما اعرف مزاجك ولا اللي تحب
افضل انك تختار بنفسك ( وللناس في مايعشقون مذاهب ) (ولولا تعدد الاذواق لبارت السلع ) اتمنى تكون فهمت قصدي

[أبو حنش]

مشكور يا ابو ريان ...........قصدت اللي مع سلفر (يعني يسافر معه )
لكني قررت الحين آخذ الرمادي الكبير قريت ان ذكره ما ينسى وعجبني صراحه
ومن ناحية التدريب لا تشيل هم دربت كل شئ تقريبا

[أبو ريـــــــــــــان]

المشاركة الأصلية كتبت بواسطة أبو حنش

مشكور يا ابو ريان ...........قصدت اللي مع سلفر (يعني يسافر معه )
لكني قررت الحين آخذ الرمادي الكبير قريت ان ذكره ما ينسى وعجبني صراحه
ومن ناحية التدريب لا تشيل هم دربت كل شئ تقريبا

بالتوفيق اخوي