السلام عليكم....اسئلة عن الارانب(ضروري

[punisher]

السلام عليكم و رحمة الله و بركاته

انا قررت اشتري ارانب و حبيت استفسر و اسأل
1-يصير احط العش للأرنب الانثى قبل ما تحمل لأن انا قريت ان لازم انحطه في اليوم السابع و العشرين ف مو مشكلة احطه قبل ما تحمل ولا ما يصير؟
2-لما الانثى تحمل عادي اخلي معاها الذكر في نفس القفص ولا لازم اسوي مثل ما اسوي مع الهامستر اني لازم اعزل الذكر عن الانثى؟؟ و اذا لازم اعزلهم متى لازم اعزلهم؟؟يعني اول ما تحمل ولا لما تنجب؟؟
3-يصير اذا حملت الانثى يكونون معاها الارانب الي كانوا معاها قبل الحمل ولا لازم اشيلها و اخليها بأنفراد<<<مع الذكر او بدونه؟؟و اذا ما يصير متى لازم اشيلهم عنها
4- طبعا اخواني انتو تعرفون جو الكويت شلون صاير((حررر موت)) ف هل اواجه مشاكل في التربيه او الولاده (خاصة) في هذا الجو ولا لأ مافيها مشكلة؟؟
على فكرة انا ناوي اربيهم بأقفاص

و
آسفين على كثرة الاسئلة
و السلام عليييييييكم

[رعوود]

اخوي punisher

هذي الاجوبة بالترتيب

1- انت حط لها العش واتركه وياها لما تشوف الانثى تبني العش وراح يبين لانها بتكون تاخذ من وبرها ساعتها حط لها قطن واهي راح تستخدمه عشان العش.

2- البعض يعزلون الذكور والبعض لا ولو حبيت تعزلة تقدر تشيله على اخر اسبوع بالحمل .

3- يختلف من ارنبة لثانية بعض الارانب ترحب بالرفقة وبعضها لا تنزعج منها.

4- بالنسبة للجو طبعا راح يكون فيه مشاكل خصوصا مع الحرارة الشديدة بس انت احرص انهم يكونون بمكان مظلل وحاول ترش الارض والاطوف حول قفصهم بالماي وقت الظهر عشان يبرد الجو شوي .


وبالتوفيق

[punisher]

ما قصرت اخوي
بس بالنسبة للقطن.... عادي احط نشارة خشب بس؟؟؟


و سؤال ثاني ما عليك امر... اذا ولدت الانثة و كبروا عيالها يعني مثلا صار عمرهم 5 اشهر مو مشكلة يبقون مع الام صحيح؟؟

و شكررررررررررا مرة ثانية

[رعوود]

اخوي نشارة الخشب ما تنفع الافضل القطن

بالنسبة للعيال مو كل الامهات تقبل بعضهم عادي وبعضهم لا زي ما قلت قبل تختلف من شخصيات الارانب

[punisher]

يعطيك العافية

عندي سؤال لقافة
اذا ما قبلت الام الاطفال شيصير....يتهاوشون؟؟؟


شكرررررررررررررا اذيناك