اشترك في نشرتنا البريدية ليصلك كل جديد

قطرررررررررررري · 22-12-2007, 10:54 PM

بسم الله الرحمن الرحيم

السلام عليكم ورحمة الله وبركاته

الوقايه من الحشرات

مشكله يعاني منها كل مربي وهي الحشرات وماتسببه من امراض

ويمكن من اتعس الامور على مربي الحمام لدغات الباعوض وماتسببه من تشوه للفروخ

وخاصه لو كانت فالمنقار او حول العين وهذا غير الامراض الثانيه اللي تنقلها بين الحمام

ويمكن فصل الشتى من اسوء الفصول لمربين الحمام والسبه كثرة البعوض في هذا الفصل

وموضوعي هذي المره ان شاء الله راح يكون عن الوقايه من الحشرات

واتمنى كل شخص بشوف الموضوع وعنده من خبراته طرق ثانيه افضل

يطرحها ونتناقش فيها ونستفيد من خبراتنا مع بعضنا البعض

اول انواع الوقايه : وقاية جسم الحمامه

- بخاخ القمل

طبعا كل مربي يستخدم هذا البخاخ للقضاء على الحشرات والقمل اللي يعيش في ريش

الطير لان معظم هذي الحشرات تعيش على الدم فهي تمص من دم الطير لحد مايضعف

وقد تؤدي لموت الطير في حالة الاهمال الشديد

--------------------------------------------------------------

ثاني انواع الوقايه : المحاكر

- المحاكر الداخليه : عادة المحاكر اللي تكون داخل غرفه تكون انظف والسيطره على الحشرات

اسهل

والوقايه تعتمد مسح الارضيه بالمطهرات ووضوع اللمبه الخاصه بالحشرات الباعوض والذباب

وبهذي الطريقه الواحد يقتدر يتخلص من الحشرات بشكل سريع وسهل دون تعب ومشقه

- المحاكر الخارجيه : طبعا المحاكر الخارجيه تحتاج لجهد كبير للقضاء على الحشرات وبعد الواحد

مايسلم منها

واول هذي الطرق (( مبيد حشري - بودر )) تقدر تحطه تحت المحاكر فالاماكن الضيقه ومفعوله

طويل ويغضى على النمل بشكل سريع جدا

وثاني نوع (( مبيد حشري - كور )) وهذا ميزته انه يتم اطول وهو للحشرات الاكبر

وثالث نوع (( مصيدة الباعوض والذباب )) وهذي طريقه مو عمليه وايد لكن تساهم في قتل

الحشرات

ورابع نوع بصراحه مو عمليه وايد الا في حالة ان الشخص كان نشيط ودوم بالليل يروح

عند الحمام ويشوف البعوض وهي (( الصاعقه الكهربائيه ))

----------------------------------------------------------------

ثاني انواع الوقايه : الجمعي

طبها فالقفص الجمعي الكل يخاف من المرض لان مثل ماذكرت في موضوع سابق ان الجمعي

تنتشر فيه الامراض بشكل سريع جدا

اول طريقه هي (( مصيدة الباعوض )) بس مانقدر نستخدم نفس المصيده اللي فالمحاكر

علشان الحمام مايلزق فيها

وهذا النوع اللي استخدمه فالجمعي

- اما فالجمعي ماتقدر تستخدم البودر ولا تقدر تستخدم الكور

علشان الحمام ماياكلها ويموت لكن سبحان الله في طريقه من احسن الطرق لا مبيدات ولا

غيرها شي مخلوق من الله سبحانه وتعالى

مثل اخونا في قسم المياه العذبه عندهم الزبال ينضف الحوض

عندنا احنا في قسم الحمام (( كلينر )) من افضل مايمكن مايخلي نمله ولا صرصور ولا جراده

وحتى الدود يعتبر من افضل الوجبات له

طبعا مايحتاج القفص تحط منه وايد لانه حبه ولا حبيت يكفون

تدرون من شوفوا الصور

الفري من افضل المنضفين للجمعي وانا عن نفسي ماستغني عنهم ابدا

وبالعكس مسالمين جدا مع الحمام ومشالله عليهم يحبون الحشرات والدود بشكل مو طبيعي

حتى لو شبعانه بعد تاكل

حتى ايام التنظيف لو نضفت عش بعد فترة الحضانه وشفت فيه دود على طلو اشيل الفريه

واحطها داخل العش تتم تاكل لحد ماخلص تنظيف العش الثاني وبعدها انقلها له

يعني تتم تنظف معاي بكل تعاون ودون ملل او كلل

اتمنى الموضوع عجبكم واي حد عنده معلومه ثانيه يضيفها لنا ونفتح مع بعض باب النقاش

صورة المحاكر الداخليه منزلها من النت والختم فيها حفظ للموضوع وليس ملكيتي للصوره

تحياتي

الوديع · 22-12-2007, 11:20 PM

مشكور يامشرفنا الغالي على المعلومات القيمة والصراحة فكرة الفري فكرة وايد حلوه وبحاول
أطبقها مع الجمعي وبالنسبه للنفتالين هل له تأثير على البعوض ؟؟؟؟ يرجى التوضيح

قطرررررررررررري · 23-12-2007, 01:32 AM

لا النفتالين انا اخليه تحت المحكر علشان لو في حشرات زاحفه تمت بس

اما الباعوض مالك الا المصيده ولا تذبحهم بالكهرب

الوديع · 23-12-2007, 12:54 PM

مشكور أخوي قطري على التوضيح بس في نقطة ثانيه مابينته أن الفري مسالم مع الحمام بس
الحمام مايسوي سالفة حق الفري ويضربونهم ضرب هذا الكلام عن تجربه اليوم جبت منهم
كم واحد وشفت العجب فطلعتهم من القفص على طول ؟؟؟ أذا في عندك طريقة معينه بينلي
وأسمحلي على كثرة الطلبات .

قطرررررررررررري · 23-12-2007, 01:03 PM

بالعكس انا فالخدمه

وعلى فكره قفص الجمعي الي عندي مقاساته 3م*2م وارتفاعه 2.20م

وكنت حاط فيه فري تقريبا 6 حبات والوضع عادي

وطبعا مع الحر اللي مر علينا معظم الفري مرض وكنت ماحاول اكثرها مع الفري اول مايمرض خلاص

اعلاجه واتركه يروح في حال سبيله فالبر

واللحين عندي فريتين وعادي ياكلون ويشربون مع الحمام بدون اي مشاكل

بس على فكره

وقت ماتروح تشتري فري

بعض الاحيان في انواع تكون عصبيه اول ماتحط يدك عندها تقعد تضرب تحس تبي تهجم

وهذي لو خذتها وحطيتها مع الحمام بتسوي نفس الشي بس ماتدري ان الحمام بيخمس عليها

وبيعطيها ضربه بجناحه وبتعرف ان الله حق

فانت لازم تاخد نوع مسالم بس مو مريض

والفري تعرف المرض من حول العين واذا الطير كاش ريشه وبعد من الاسهال القوي وتساقط

الريش الخلفي بشكل قوي

بس بعد انت اي شي جديد تخدله على نوع ثاني لازم بتحصل مشاكل

فتره وبعدها بيتعودون بس اهم شي مايتعورون الحمام