ايش رايك يا الجارح

[yasert]

انا سويت زي ما قلتلي يا غالي واشتريت سلسه وربطت الطير بها في الاستاند
بس المشكلة ان الطير لازال يحاول الطيران ويطيح من الاستاند ويتعلق بالسلسله وهذ ا الشيء خوفني على الطير قمت فكيت السلسلة من رجله ورجعته للقفص
ايش رايك اعطيني الحل يا خبيرنا تكفى

[Kuwaite]

اخوي لازم يطير وتمسكه السلسله .. علشان يعرف الطيران بالبيت مو بأي وقت ..

وراح يسويها مره مرتين ثلاث الى ان يتعب ويتفهم الوضع .. وبالنسبه للسلسله اخوي لازم طولها يوصل الى الارض .. يعني اذا طار ومسكته لازم يوصل للأرض ومايكون متعلق فيها .. فهذا اكيد خطر عليه ..

وننطر رأي الخبراء بهذا الامر .. لكن مثل ماقتلك لازم تجيب سلسله اطول من هذي توصل الى الارض ..

تـ7ـياتـي لـكـ

[yasert]

مشكور يا غالي
والله انا شلت السلسلة من رجله وحطيته في القفص امن له الى ان يتم سنه بعدين اقص جناحه ان شاء الله
وراح اطلعه من القفص كل يوم شوية والعبه وارجعه للقفص
هذا افضل حل في رايي وراح انتظر ردك ورد باقي الخبراء

[Kuwaite]

اخوي اللي تشوفه انت سوه .. وطريقتك سليمه ومافيها شي ..

ونشوف اذا باقي الاعضاء عندهم رأي ثاني ..

[yasert]

مشكور يا غالي على ردك وتفاعلك السريع

[الجااارح]

أخي الكريم / yasert

أولا أقدم لك العذر على التأخير في الرد ....

بالنسبة لما ذكرت يا أخي الكريم بما يخص السلسلة فقد سبق وأن أوضح الاخ الكريم / Kuwaite الأمر، وفعلا عليك بشراء سلسلة طويلة ليست قصيرة وقد نسيت أن اوضح لك الامر سابقا فالخطأ صادر من محدثك ليس منك ...

وأما بالنسبة لما ذكرته هنا :

والله انا شلت السلسلة من رجله وحطيته في القفص امن له الى ان يتم سنه بعدين اقص جناحه ان شاء الله
وراح اطلعه من القفص كل يوم شوية والعبه وارجعه للقفص
هذا افضل حل في رايي وراح انتظر ردك ورد باقي الخبراء

فكذلك هو حل سليم وسلمي في نفس الوقت والطرق متعددة وليس بالضروري التقيد بجزء معين منها فأرى أن الطريقتين صائبة وأفعل منهما ما يحلو لك ....


وبما أنك رأيت بوجهة نظرك الشخصية أن الطريقة الثانية أنسب فأتبعها وأوافقك عليها كذلك فهي طريقة جميله ولكن أوصيك بأن تهتم بالطير فالطريقة التي عرضتها علينا هي طريقة جميلة ولكن توجب عليك التواصل بشكل مستمر وإن توفر الوقت الكافي عندك للقيام بهذه الطريقة فهي صااااائبة وأنصح بها بقوة ......

مع تمنياتي لك بالتوفيق،،،،

[yasert]

مشكور يالجارح
ويعطيك العافية ماقصرت يا غالي