بخصوص الانتاج

[الهاشم]

السلام عليكم

انا عندي ذكر بادجي واحد وانثتين
هل اقدر اخليهم كذا وبينتجوا انا توني مركب البياضة امس

المشكلة ما اقدر اشيل وحدة منهم لان ما عندي قفص وحاولت ابيعها بس بخسر نص سعرها

يعني هل بكون الامر جيد بحيث ان الانثى اللي تبي تبيض بتدخل البياضة ولا بصير في شجار وكذا

[الكادي هواها]

وعليكم السلام
راح يكون فيه شيجار بينهم
واذا كانو بالغين وحاب تنتج منهم
وبما انك مو قادر توفر قفص ثاني فالحل
المناسب تركب بياضه ثانيه في الجهه المقابله
البياضه الاولى في نفس الارتفاع حتى الو اضطريت
تفتح للبياضه من السلك حتى تختار كل انثى البياضه المناسبه له
وان شاء الله تسهل الامور
موفق

[الهاشم]

مشكور اخوي
بس المدينة اللي انا فيها صعب احصل بياضة ثانية
ذي البياضة شارينها من مدينة ثانية

الذكر عمره سنتين ونص والاناث تقريبا بين 9-12 شهر الكير بني فاتح

[الجوهرة هنادي]

و عليكمـ السلآمـ و رحمة الله و بركآته

في الغآلب راح يكون فيهـ شجآرآت و منآوشآت

كما أن هذهـ الطريقة متعبة للمربي و الذكر إذ يجب الفصل بين الأنثتين و إدخآل الذكر على الأنثى الأخرى كل 3 سآعآت

حآول تصنع بيآضة بنفسكـ من الخشب بهذهـ المقآسآت :



و تكون بنفس الشكل و على نفس المستوى

و إن شآء الله خير

موفق

[الكادي هواها]

المشاركة الأصلية كتبت بواسطة الهاشم

مشكور اخوي
بس المدينة اللي انا فيها صعب احصل بياضة ثانية
ذي البياضة شارينها من مدينة ثانية

الذكر عمره سنتين ونص والاناث تقريبا بين 9-12 شهر الكير بني فاتح

اخوي الله يعينك
اذا هم متوالفين مع بعض ومافيه امكانيه
تفصلهم بقفص ثاني مافيه قدامك غير
اما تصنع بنفسك بياضه ثانيه او اذا في
منطقتكم منجره تعرفها طبعا تقدر تعطيهم المقاسات
ويعملو لك بياضه ثانيه لان على كلامك الاناث
في مرحله جهوزيه ومن المستحيل يبيضو في
نفس البياضه
موفق