اشترك في نشرتنا البريدية ليصلك كل جديد

mmc260 · 02-05-2007, 04:48 PM

يعطيكم العافيه اخواني

ارجو من الاخوه الاعزاء افادتي في مشكلتي

المشكله الاولى - ان الببغاء اللي عندي لمن يكون خارج القفص على الاستاند في اعلى القفص ويكون في المكان المتواجد فيه دائماً بيكون شرس بمعنى الكلمه ( دائماً لمن اقرب يدي ابقا اشيله يعض يدي ) ولمن يشوف الاكل اللي يحبه يجي على يدي على طول من غير اي كلام

اما اذا غيرت مكان القفص ووديت القفص في اي مكان يجي على يدي على طول من غير ما يعضني
وللمعلوميه الببغاء عندي من شهر وثلاثه اسابيع نوعه افريقي وعمره 7 إلى 8شهور واذا خليته خارج القفص ورحت عنه اي غرفه ثانيه وخاصتاغرفه النوم وقت النوم اصحا اليوم الثاني اشوفه واقف عند باب الغرفه .

المشكله الثانيه - ريش الذيل حقه منتوف نصفه من اول ما شريته والى الان لم ينمو ؟؟؟؟؟؟

ارجو منكم اعطائي النصيحه
كيف اروضه واجعله لا يعض في المكان التواجد فيه دائماً؟؟؟؟
الحل مع ريش الذيل هل عدم نمو ريش الذيل في هذه المده ( شهر وثلاث اسابيع) شيء طبيعي ؟؟؟؟؟

واعتذر منكم على الاطاله ..

تحياتي

عاشقة الطيور · 02-05-2007, 05:48 PM

والله اخوي انا ماعندي خبره لذاك الزود بس بفيدك قد مااقدر انا سيكو كان جذي
كنت دايما اقوله لا لا اذا يعظني او اقوله غلط الحين من مايجوف يدي على طول يركب بدون عض جرب وعليك بالصبر و دايما اذا عضك قوله لا او غلط
وبصوت يشجعه قوله تعال وناده باسمه وان شاءالله بتنجح

مب لازم تخليه على طول خارج القفص دخله داخل اذا رحت تنام لو سمح الله يصير فيه شي وانت نايم

وبالنسبه عن ريش الذيل ماعندي خبره
وان شاءالله يفيدونك الاعضاء

كاسكو البحرين · 03-05-2007, 12:19 AM

اخوي mmc260

مجرد تحتاج الى وقت لكي يترك طيرك هذه العادات الغير محببة
لاتحاول تغير المكان وضع القفص على ارتفاع مترين او مترين ونص
بدون تغير المكان التواجد فيه

يكون شرس لأنه إنت مستعجل نوعاً ما على ترويض الطير
اترك الطير على راحته بدون الإقتراب منه في حال خوف الطير او محاولة العض
محاولاتك ممتازة جداً إستخدم إطعام الطير من يدك بستمرار فهذه الطريقة الجيدة لبناء الثقة بينك وبينه

ان بالإمكان توفير لعبة خاصة للغبغاوات تباع في محلات الطيور فهذه ايضاً نقطة مهمة
وهناك معلومة تقول (الألعاب في القفص تخفف من شراسة الطير)

بالنسبة للذيل عاجلاً أم آجلاً سيظهر له ان شاء الله هناك فترة تمر على الطيور وهو ما يسمى بالقلش ( تبديل الريش) إعتباراً من يوليو وحتى سبتمبر طبعاً في الصيف وهذه ايام الصيف والله يساعدنا ويساعد طيورنا من هالحر ، فلا داعي للخوووف

بالتوفيق

mmc260 · 03-05-2007, 01:36 AM

الف شكر لاختي عاشقة الطيور
والف شكر لك اخوي كاسكو البحرين على الاجوبه والنصائح اللي قدمتوووها لي وطمنتوني على الببغأ

تسلمولي على المرور الكريم .

متوتان · 05-05-2007, 05:27 PM

هلا بك اخوي واسمح لي اعلق ممكن ؟

بالنسبة لتغيير مكان القفص والعض انا اشوف انك تاخذ الطير وتغير مكانه باستمرار حاول انك تخلي الطير على يدك وتنقل فيه بأرجاء البيت يمكن في اماكن مايتواجد فيها ومايتعود عليها فتحسه يخاف او يتوحش فيطلع على يدك من غير تردد بس الاماكن الي يأمن لها عادي ولا كان يعرفك نصيحتي انك تغير مكان القفص من فترة لفترة اجعل منه قفص متنقل وان شاء الله تشوف نتيجة احسن
وبالنسبة لما تشوفه عند باب غرفتك والله انه ظريف هههههه شوف اخوي العزيز هو الطير انا برأئيي عنده قابلية كبيرة للتدريب والتعلم وخاصة انه مو شايب والحركة ذي الي يسويها يبي يقرب منك الي عليك ابقى معاه اطول فترة ممكنة خله على كتفك ودور على البيت غرفة غرفة وكلمه بصوت هادئ
وانا متاكدة راح تبهر من النتيجة

اتمنى افدتك بشي

تقبل تحيتي

mmc260 · 06-05-2007, 06:21 PM

تسلمي اختي متوتان على النصايح الحلوووووووووووووووووووه وما عندي اي مانع اني اجرب طريقتك واجلس انقل في القفص

تحياتي وسلميلي على متوتان