اكل المكاو

[none!!!]

السلام علييييييكم




بااااركولي المكاو خلاني امسح راسه وشويه جسمه للحين مو متقبل لين هناك ويقعد ف حضني ويدلع مايبي يهدني مشاءالله

يصارخ يبي نشيله واذا ما شلناه يطير لنا ههههه



بس عندي سؤال انا مابي اكثر عليه المكسرات والحبوب والسيريلاك خلاص مايبي ياكله انا اعطيه فواكه بس مو وايد


حابه اعطيه خضار ممكن تعطوني رايكم وهل تنطبخ وشنو الاكل الثاني اقدر اعطيه

[itti18]

هههههه مبـرووك والله يخليه لكم

انا شخصياً الفصفص او حب دوار الشمس ما ينقطع عنه .. لكن احط له فواكه احيانا ,, ويحبببب التمييس والـخبز .. واعطيه كورن فليكس < يحبه واي شي احسه ممكن ياكله ومافيه دهون اعطيه

يعني انوع له لكن ما اقطع عنه الحب


وان شاء الله يفيدوكي الخبراء

[none!!!]

اي الحب لازم طول اليوم بس يعني احاول اسويله نظام غذائي

بس ابي اعرف الحين الصراخ شنو يكون سببه لن نلعب معاه بس يصاااااارخ ورا بعض

[itti18]

الصراخ عاد مشكله زي اللي عندي

انا صرت اعاقبه كل ما صرخ ادخله القفص واخليه مده واطلعه .. واحيانا ما اطلعه اخلييــه جوا القفص

ولو دخلته وما سكت

اشيله من القفص واوديه غرفه لحاله كذا دقيقتين واحيانا اكثر

وارجعه

وما شاء الله هدي كثير دحين

لكن اذا جو عندنا ناس خصوصا الاطفال وسمع ازعاج وكذا يصرخ ويزعج معاهم

او اذا جا شخص غريب عليه يصرخ الين يقرب منه الغريب ويلعب معاه او يكلمه وكذا هههه

حسيته اجتماعي جداً ولو ما احد اعطاه وجه يصرخ

[بلاك بيري]

الف مبروك والله

بالنسبه للخضار عليكي بالورقيات كالخس والجرجير ابتعدي عن البقدونس
عليكي بالخيار والجزر والطماطم ممتازين

اضافه للحب العادي

[none!!!]

مشكورين واااااايد يصير اعطيه زهره مسلوقه وبازيلا وبطاطس


itti18 اخوي لمن اييون الصغار ويصارخ معاهم من الخوف ولا يعني مستانس لن اخواني كانو يتكلمون واهو يصارخ لهم هههه

[بلاك بيري]

ممكن الزهرة والبازيلا والذره المطبوخه بالنسبه للورقيات يكفي غسلها الجيد وايضا الخضار

بالتوفيق

[none!!!]

تسلم بلاك بيري ربي يعطيك العافيه

[Naja]

الماكاو ممكن تنوعين له من المأكولات بشكل مستمر و راح يتعود على كل شي.
- الخضروات بشكل مستمر قد تسبب اسهال بسيط (يختلف عن الاسهال المرضي) لذلك حافظي على التوازن بين الاصناف.
- الماكاو يستمتع جدا في تناول المأكولات التي تحدث صوتا عند تكسيرها او طحنها !! ومن الممكن استغلال ذلك لتعويده على اصناف جديدة (الشابورة او البقصم كانت ادمااان لدرجة انها حولتها إلى مكافأة)

[none!!!]

مشكور اخوي انا ماكثر له من الفواكه كل شي ب انتظام وامس حطيت له شويه خضار وقعد يصارخ هههه