استفسار ضروري جدا جدا

[هاوي القطط ولكن بلا جدوى]

السلام عليكم الحمدلله وصلت القطهبعد معاناة 3سنوات من الجدال والله يستر طبعا الحمدلله بخير وسليمه بس في كم سوال ضروري
اولا تعرفون الجو بارد والقطه امس تعرضت للهواء وكان بارد والان تعطس بس مو كثير يعني يمكن ساعتين عطسه وممكن يمر فترة ماتعطس ولمسة اذنها ليست حارة عاديه وش اسوي لها نسيت اقول شيء لما تمشي او توقف اسمع ارررررر يعني صوت يطلع منها مدري ليش
ثانيا الحين وش اكلها من امس وانا كل شويء دجاج مسلوق. دجاج مسلوق هع هل تاكل ارز ولا مضر
ثالثا الحين انا اشتري لها قفص يمكن طول متر وشويء وعرض نص متر ارتفاع نص متر وفيه الليتر بوكس وتعمل فيه لكن لو خرجتها لما تبي تتبول ترجع لليتر بوكس
شكرا لكم ونتعلم منكم ولازم تتحملون اول مرة اربي*

[هاوي القطط ولكن بلا جدوى]

Up Up. Up. Up. Up. Up. Up.

[الدلع]

وعليكم السلام ورحمة الله وبركاته
بالمبارك وتتربى وبزورتها في رعايتك وحفظك بعد الله سبحانه
ما دامك جبتها فغير النك تبعك تفاؤلاً والله يبارك لك فيها
لو كانت صغيرة في حدود الشهرين أو الثلاثة فهذا أفضل عشان تربيها على كيفك
الله يعينك ويقويك على ذا المسئولية الكبيرة بس ان شاء الله ما تكون الخسائر في الارواح فادحة الين جبت ذا البسة
أتوقع تحتاج بيتاموكس ولكن أخلي الخبز للخباز وفيه مشرفات خبيرات ممكن يفيدونك أحسن مني ما أبغى أجيب العيد
أما بالنسبة للأرأرة فهذي دلالة منها على الراحة والوناسة فدلعها واعطف عليها والعب معها وبتسمع من الأرأرات الين تقول بس
بالنسبة للأكل فممكن تأكلها دراي فود على حسب عمرها وجبن شرايح والمرق تبع الدجاج المسلوق وسمك فيليه مسلوق مرة وحدة في الاسبوع وحليب قليل الدسم بس ما تكثر منه .
وفيه ناس تأكل بسسها بطاطس وجزر مسلوقين ومفروم دجاج أو لحم وبيض مسلوق وتوست مغمس بحليب وغيره كثير شف ذا الرابط بيفيدك بإذن الله :

http://2zoo.com/vb/showthread.php?t=249552
http://2zoo.com/vb/showthread.php?t=253709

الحين وشو له جايب القفص
عسى ما جبتها عشان تحبسها ترا البسس ما يحبون الحبس يحبون يروحون ويجون على كيفهم ويلعبون ويستهبلون طبيعة فيهم (بس بصراحة ما ندري عن ظروفك )
ان شاء الله يفيدونك باقي الاعضاء وكلهم فيهم الخير والبركة
بس ما قلت لنا وش اسمها واذا بالإمكان تحط صورتها حتى نفرح معك
موفق اخوي

[الخبيرة ناديا]

ماشاء الله عليك اختي الدلع

كفيتي ووفيتي بالاجابه.

الله يعطيك الف عافيه يارب

بخصوص العطاس بامكانك اعطائها بيتاموكس ملئ نصف قطاره يوميا مره واحده لمده خمس ايام.

ولابد انك تهتم فيها وتبعدها عن الهواء البارد والسيراميك خصوصا الايام الحاليه.

[هاوي القطط ولكن بلا جدوى]

ابشروا برفع صورتها لعبونك يادلع ههه لا لا اخرجها برا القفص وتخرج هههه وشوفلك التفحيط هههههه خمسات وشغل هع الا ممكن سوال. وش اسم الشامبو حق القطط واسم القطه ياسمين وافكر اغيرة

[هاوي القطط ولكن بلا جدوى]

مشكورة اختي ناديا بيتاموكس اشتريه من وين وترى عمرها ٤ شهور

[Octopus]

المشاركة الأصلية كتبت بواسطة هاوي القطط ولكن بلا جدوى

مشكورة اختي ناديا بيتاموكس اشتريه من وين وترى عمرها ٤ شهور

ماشاء حلو اسمها و افكر لا تغير اسمها لان هذا الاسم جميل و لطيف مثل زهرة اليسامين

بالنسبة ل بيتاموكس تلقاه في الصيدلية البيطرية

[الخبيرة ناديا]

البيتاموكس موجود في الصيدليه البيطريه

ومثل ماقلتك في ردي السابق ونفس الجرعه

وان شاء الله تخف خصوصا انها ببدايه مرحله الزكام

[الدلع]

عودة
في البداية أقدم لك مشرفتنا ناديا كل تقدير واحترام وشكر على كلماتك
جهودك في المنتدى مع باقي المشرفات والاعضاء تذكر فتشكر وجزاكم الله كل خير والله يعطيكم الف عافية ويوفقكم ولولا الله سبحانه ثم وجودكم معنا ومساعدتنا كان ضعنا
أنا استفدت كثير من قسمنا وعلى ذا الأساس رديت على هاوي ونسأل الله انه يطرح فيما نكتب الخير والفايدة للجميع .
هاوي : عمر اربع شهور ما عليه لكن احرص على تدريبها على اي شي تبغاه حتى ما تكبر ويكون صعب عليك بعدين .
أتمنى انك قبل ما دخلتها للبيت عرضتها على البيطري أفضل لأن بعض الملاك يمدحون في صحة بساسهم واذا جاء الجد وشريت منهم تلقاها مريضة وخصوصا فطريات
اسم ياسمين حلو وعلى العموم هذي بستك واختر لها الاسم الي تبغاه
بالنسبة للشامبو استعمل جونسون للأطفال أخف على شعرها ولا يسبب تساقط أما اذا كنت تبي نوع ثاني فاسأل البيطري .
الله الله بحزام الامان والاشارات المرورية ترا لي فحطت البسة فحطت
بس تدري متى التفحيط والخمسات تكون على أصولها ؟؟ لما يكون عندك بستين أو أكثر لأنهم يحبون اللعب الله يحفظهم وما دامت عندك وحدة فممكن تمل أحيانا فخصص لها وقت ولاعبها عشان تحبك وتصير قريبة منك

[الخبيرة ناديا]

دلع ماشاء الله عليك بالفعل انتي موسوعه كامله

شرح وافي من القلب

الله يطرح فيك البركه يارب

ووجودك معانا في القسم بيسعدنا ..

على فكره توقيعك روووووووعه

والله لايفرقنا يارب