تكفووووووون علموني

[الكوكاتو]

ياشباب عندي كوكاتو توني شاريه وجسمه يرجف وصدره مافيه شعر لية مع العلم اني عطيته بروتينات مع الماي ولا كن برضو نفس المرض ما راح اذا احد يعرف العلاج لا يبخل علي بالاجابة بيلز

[توتي]

سؤال: انته شاريه وهو بهالوضع؟؟ أو انه بعد ما جبته البيت صار هالشي؟؟

اذا توك شاريه مثل ما فهمت فحرام تشتري طير منتوف ريشه.. وبالنسبه للفيتامينات فستعملها لمده اطول عشان تجيب نتيجه..

وأسباب نتف الريش كثيره.. جاول على السؤال بأول عشان نقدر نعرف السبب ولامشكله..

انا مره صاب أحد طيوري هالشي وقمت اضع له زيت زيتون طبيعي.. وما كمل اسبوع الا ريشه بدا ينبت ما شاء الله وصار من احس ما يكون..

ولا تنسى اهم شي النفسيه تراها تلعب دور.. يمكن الطير كان متعود على صاحبه وانته غريب عليه..

واحتما يكون فطريات او قمل و حشرات..

واحتمال آآخر انه يكون شي طبيعي يمر بفتره قلش.. او تبديل الريش..

ولا تنسى ترطيب جسم الطير مهم وذلك برشه بالماء بالذات الحين الجو حار.. مع مراعاة درجه حراره المكان وعدم تعريض الطير لتيارات هوائية بارده.. وايضا الطير يحتاج لتعريضه للشمس في بدايه الصبح..

وان شاء الله خير..

تحياتي/ توتي

[الكوكاتو]

مشكور على الرد توتي لاكن عصفوري ما يرتاح الا عندي ولا يخلي احد يجي يمي الا هجم عليه وياكل من يدي ويبوسني واشياء كثيرة واسبحة في الاسبوع مرتين حسب ظروف عملي والمشكلة البيطرة عندنا الدكتور في اجازة وانا متوهق عند الهندي كل يوم يبيني اسوي شي
وما ادري . زيت الزيتون العلبة الخضرا والا لا

مشكور توتي