كيف احترافيه تربيه الكاسيكو بسهوله !

[بحر الكلام]

السلام عليكم ورحمه الله وبركاته اخواني الكرام اليوم حبيت اتكلم عن نفسيا شخصيا ومسيرتي في تربيه الببغاء وخاصه الكاسيكو والله الذي لااله الا هو اني كنت اخاف من شي اسمه ببغاء وكنت اسال الناس الي عندهم خبره زمان بالتفصيل الممل حتي بعضهم صار مايرد علي وكنت اخاف من عضه الببغاء هذا مايدور بفكري وذهني دايما قصتي اشتريت ببغاء عمره تقريبا 7 شهور والله ياجماعه انه كان يجعر ن بعد 3 امتار تقريبا من بره القفص بس تكون واقف جنبه المهم جبته للبيت لاهلي وجلس الببغاء تقريبا شهرين او ثلاث شهور وهو يجعر بس احط له الاكل ويطلع فوق القفص ويدخل بسرعه يخاف المهم والله اني ماكذبت عليكم كان داخلي شي مقهور دايما افكر اقول في نفسي ليه اخاف من طير والناس ماتخاف وش معني انا ماقدر امسك طيري المهم قمت يوم الخميس الصباح والله صليت ونزلت له فجئه كذا والله العظيم انه جاني شعور داخلي بعدم الخوف وطلعت الببغاء فوق القفص مع العلم الببغاء يعض عض كان والله العظيم اني حطيت له ذراعيني الثنتين حوله ضميته بقوه وجلس يعضض فيني يمكن ساعتين وانا العب معه واقوله عيب انه يدي الثنيتن اغلبها جروح ودم صرت يوميا اسويه له نفس الحركه لمده اسبوع الببغاء صار من افضل اصدقائي بالبيت والله طبعا بعد ماشعرت في عضه الببغاء وهي بصراحه ماهي مؤلمه حيل لكن تحس في عضتها شوي حاره صرت اطبق له حركات انا اخترعها والله انه صار يسويها لي مثل انه ينام في حضني والعب ببطنه صار يتكلم علي يدي صار هو يطلب مني اني ابوسه صار يسلم علي طبعابعد ماجلست معه تقريبا 8 شهور من الدتريب بعد ماتروض وصار الحين يدورني في البيت والله انه هو يقولي تعال او مادخل البيت اكتشفت صفه الببغاء الكاسكو طير جميل فوق ماتتخيلون طير وفي لصاحبه طير يحب العب كثير طبعاا انت نفسك تخلي طيرك جرئ انه يتكلم قدام الناس مع العلم طبع الكاسيكو خجول جدا حاول انك تفهم طيرك من العشره الي بيني وبينك وصدقوني راح توصولون لمفتاح الطير نفسه الطير لو حب راعيه من الحركات الي يمكن مايعرفها الجميع لما تقرب جنب طيريك وهو يعبر عن شعوره يطلع لك صوت كلام الطيور كانه يكلم طير ثاني هذا دليل علي حبه لك وابي اقولكم شي ياجماعه ترا كل الطيور تتروض وانا اؤمن انه في تفاوت في ذكاء الطيور كما الناس ماتفاوته بالذكاء لكن اغلب الببغاوات طيور ناطقه ومتكلمه ومرحه وتغار علي راعيها كثير فالان الحمدالله ودي اشتري طير الامازون واجرب معاه نفس الحركات الي اكتشفتها في تربيه الببغاوات فالعزيمه والاصرار وعدم الخوف وعدم الترردد صدقوني هي الي تخلي طيرك يطلع توب وصدقوني ياجماعه الي يبون يشترون طيور فروخ ويربيه تربيه وتدريب علي يده لما يتكلم طيرك في المستقبل صدقني بتحس بطعم تربيه الطيور وكل تعبك الي سويته بيصير لك بخار ماراح تحس فيه وراح تتمسك بطيرك اكثر واكثر انا اسف لو طولت عليكم لكن والله اني كنت حاب اعبر عن تجربيتي في تربيه الببغاء وحبي لهذا الطير مع العلم عندي كلام كثير عنه بس حبيت اختصره لكم واتمني اني افدتكم تحياتي لكم اخوكم بحر الكلام