قَفصْيَ آلجدَيدْ . . . مآ يكَتملْ آلا برآيكمَ =) ‘ . .

[عآفك آلخآطر]

بسم الله الرحمن الرحيم
كيفكم ان شاء الله بخير
.
.
.
أول شئ رمضان مبارك . . =)
.
.
.
بقولكم قصتي مع الاقفاص حق الهامسترات واكتشفت اني اغبى انسان على وجه الارض
أول شئ المحل الي قريب من بيتنا ما يبيع هامسترات كله يبيع اسماك وارانب وطيور وسلاحف بس برمائية
المهم انا كنت ابا هامستر وما اعرف محل الا في مول اسمه "مزيد مول"
تحت في محل رحت له ودخلت المحل اشتريت قفص مررره صغير
هذي صورته

سعره 150 درهم وبعد المكاسره بـ 130 <
المهم اشتريته واشتريت معاه 2 هامستر ذكر وانثى بـ 100 درهم . . و10 دراهم حق الاكل
يعني كله 240 درهم <
امس رحت المحل الي قريب من بيتنا شفت عنده القفص وما كان عندي فلوس
كان عندي 40 درهم عشان ابا نشارة خشب + حق الماي للكتكوت + اللب حق الهامستر
وخذيتهم بـ 20 كله . .
وقلت له بكرا بجيك باخذ القفص
واليوم رحت له وحصلت القفص بـ 130 وبعد المكاسره بـ 100 درهم . .
والقفص الصغير الي عندي بـ 130 ولقيته عنده بـ 70 درهم
وهذي صورة القفص الكبير




والله المفروض اروح اكثر من محل مو محل واحد
وابا رايكم بالقفص الجديد وللعلم الارضية مو اسلاك . . =)
.
.
وبعد ابا اقولكم سالفة السلاحف البرية
في المول "مزيد مول" لقيت السلحفاة البرية بـ 250 درهم على حجم كف اليد
وتخيلو المحل الي قريب من بيتنا جاب سلاحف برية ويبيعها بـ 25 درهم
والله المحل الي في المول ظالم والظلم باين عليهم وانا ماراح اسامحهم والله لا يوفقهم في البيع كله يغشون على الناس
.
.
.
وبعد حبيت اقولكم هذا المحل الي قريب من بيتنا الي يشتغل فيه هندي وهو عنده خبره فوق الخيالية بالحيوانات
لدرجة اني ابا اختبره سألته شو نوع الهامستر الي تبيعه وانا عارف انه سوري قالي سوري
مو مثل المحل الي في المول قالي هولندي عشان كذا غالي والهامستر عند المحل القريب من بيتنا يبيع الواحد بـ 40 وطبعاً بعد ما اكاسره اكييد باخذه بـ 30 هههه


مع السلامة
دمتم بخير
ورمضاان مبارك