مــاذا أفعـــل ؟

[أم لوسي]

> ~~ السـلام عـــليــكم ورحــمــة الله..

أنا عندي الكاسكو الأفريقي من خمس شهـور ..

هي مروضه يعني تاكل من ايدي وتيي على ايدي ومن اسبوع نطقت اول كلمه لها
لكن حاليا تواجهني بعض المشاكل ..

1- شو السبب الي يخليها تكسر اظافرها ؟ وشو الحل لانها تعورني ؟

2- ليش تكره الناس ؟ هي متعوده على اشخاص معينين وباقين تعضهم >.<
في حل انها يخليها تحب الكل وتروح معاهم ؟ ( ملاحظه اول ماشتريتها كانت تروح مع الكل وتحب الكل )

3- من اسبوع صارت هاديه وكسوله ويوم اناديها ما تنتبه لي هل هذا طبيعي ولا ؟

4- في اي حاله اعرف انها مريضه ؟

ومشكورين مقدما .. ياريت تساعدوني ..

[ام ماجد]

حطي صوره لها

[الملكي 937]

الهدوء دائم بعد النشاط يكون لا قدر الله مرض
وياليت تراقبين البراز لايكون عنده اسهال

[ابو فيصــل]

بخصوص الاظافر فيه في محلات الطيور عصاه كبيره توضع في القفص تكون خشنه في ملمسها
طبعا عصاه مو طبيعيه صناعيه وفيها العاب بالمره ممتازه تفيد في اظافر الببغاء ومنقاره
انا شريتها وبالمره حسيت فرق في ثاني يوم
وبخصوص كرهها لناس هذا طبع الكاسكو سبحان الله يتعود على ناس معينين ويكره الباقيين حتى لو ماسوو له شي بس كذا مزاجي وخجول
وبخصوص كسلها وديها لاقرب بيطري يكشف عليها وكل ماعجلتي ووديتيها لدكتور ثقي انها راح تشفى بسرعه بأذن الله وكل ماتأخرتي ساءة الحاله وصعب العلاج
وامكن تكون مافيها الا العافيه وينقصها بعض الفيتامينات
دمتي بحفظ الله