كيف تعريف الكلب اسمه

[راعي النبات]

يا اخواني كيف اجعل الكلب يعرف اسمه لاني من وهو عمرة شهر واقولو كل شوي ركس وهو مايعطيني اهتمام والان عمرة شهرين ونص
السؤال التاني كلبي لا ياتي على وكل لما اقرب منو يرجع للخلف مع اني عندما يدخل لبيته يجعلني المسه ما حل تلك المشكلة أريدة ان يعرف اسمه ويأتي عندما أناديه مع العلم أني لا أضربة لكن انا كل يوم ألاعبة بقطعة من القماش واضربة بيها لكي يعضها وانا كذالك عندي قفازات وعندما ألبسها يعضها بقوة ما الحل

[كـش مـلك]

اخوي اما عن الاسم ناده بــ اسمه يعني قووله

ركــس !!!... ما رد ولا طالع فيك

قوله ركس معى صفقه ..!! <.. يعني تصفق بيدك مو تضربه خخ

اذا طالع كافئه وزي كذا

لين يعرف انو اذا قلت له ركس يعني في مكافئه اذا طالع فيك


اما عن انو يدخل بيته

اخوي انت حاول تلعب معاه بشكل اكبر خليه يحبك

واذا كان يحبك ما يحتج انك تناديه ولا ترووح له هو يجيك

اما عن القفاز فووله لا او نو

وربك يوفق

[MoHaMmAd _999]

تسلم اخوي

كش ملك

[Musab Pro]

بارك الله فيك كش ملك .. خوفتني يوم قلت مع صفقه ههههههه

اسمحلي اضيف التفاصيل للمترين لانه يحتاج تكنيك معين .

بالنسبه للاسم ركز معاي زين يالغالي ..


خله يجوع مثلا لمدة ١٢ ساعه .. بدون اي اكل بس مويه بعدين اخذ معك قطع نقانق مثلا

او اي شي يموووت فيه اختار افضل انواع الطعام اللي يحبه وقطعها قطع

تقريبا بحجم نصف انمل السبابه يعني ١/٢ سم او اكثر بشوي وروح عنده وطلعه من القفص

وحط كم قطعه بيدك و سكر عليها مضبووط وخله يشم يدك بدون لا ياخذ ولا قطعه

بعدين وقف ولا تتحرك لين ما يلتفت بعيد عنك وقوله بصوت واضح ريكس

اول ما يشووفك قوله يسسسس على طوول واعطه قطعه (التوقيت مهم جدا)

كرر نفس العمليه اول ما يلتفت قوله ريكس .. وتكافئه اذا شافك .

ملاحضه مهمه : تعطيه المكافئه فقط اذا حط عينه بعينك والتوقيت زي ما قلت لك اهم شي بالموضوع


تكرر الموضوع ميه ميتين مره لين تتاكد انه فهم .. طبعا على فترات متقطعه .. مثلا

٢٠ مره بريك نصف ساعه ٢٠ مره بريك نصف ساعه ٢٠ مره ومن بكرا تكرر على نفس المنوال .

ملاحضه اخرى ... اذا لاحضت ان الكلب ما ينضر في عينك لا تعطيه حتى ينضر في عينك

واذا ما فهم لا تعطيه المكافئه بيدك .. يعني ضع قطعة النقانق في فمك (احرص عالنضافه)

وناده و اذا نضر بوجهك اترك القطعه تسقط من فمك ... كذا يفهم االكلب ان مصدر القطعه

ياتي من الوجه وهذا تكنيك جيد عشان ينضر في وجهك .

دائما كرر فالتكرار يعلم الشطار

اما بالنسبه لقطعة القماش فانصحك ان تتوقف عن اللعب بها بهذه الطريقه .

ممنوع ضرب الكلب بقطعة القماش .. ليست هذه الطريقه المناسبه لتشجيع الكلب

بل من الواضح جدا ان كلبك بدا بالنفور منك لانه يعتقد في كل مره بانك تعاقبه .

والطريقه الصحيحه كالتالي ..

تربط قطعة القماش بحبل او بالليش وتضعها على الارض و تحركها حركات خفيف كانها تهتز

ولما يقترب الكلب منها يريدها تلها تله خفيفه يعني تبعدها عنه نصف متر واجعله يلاحقها

وهكذا كل ما يقترب منها تلها بعيد شوي لين يتشجع الكلب ويتحمس

ويبدا يطاردها بسرعه وضراوه ... التشجيع هنا مطلووب

يعني تقووله (قيت ات ... قوود دووق .. بايت ) بصوت لطيف

و اخر شي تخليه يحصل عليها وتحاول تسحبها منها كانك تبغى تاخذها وتحركها بحرص انك ما تؤذيه

وبالنهايه اجعله يفووز بها ليتعلم انه قوي وانه استطاع اخذها منك ..

لما يكبر الكلب يجب ان تعلمه العكس .. انت القوي وانت اللي تستطيع اخذها متى ما بغيت

لكن في بداية المشوار يجب ان تزرع الثقه بالكلب ،

بالنسبه للقفازات فالكلب يعتقد غالبا انها لعبه وافضل انك ما تلبسها او اذا كنت مصر عليها

اذا عضها لا تتحرك ابد واجعلها لعبه ميته ليمل منها الكلب وحرضه على اللعب بلعبته بدلا عن القفاز

بالطريقه اللي ذكرناها .

اتمنى لك التوفيق .

[MoHaMmAd _999]

تسلم اخوي مصعب .... كش ملك استفدنا منكم

[كـش مـلك]

هههههههههه


ربي يخليك يا الغالي

(( نتعلم منك يا الغالي ))

[الـوافي]

الله يعطيك العافيه

ومشكووووووور