سؤال هام لاهل الخبرة (بغبغانى الدرة )

[دودى الحب]

بصراحة شدنى موقعكم جدا من حيث الاسئلة والاجوبة والمعلومات ماشالله

كامل متكامل والكمال لله وحدة عز وجل

انا من 4 ايام اشتريت بغبغان ( فرخ درة نيبالى ذكر )

الصراحة انا كنت خايفة منة كتير لانى قريت عنة انة بيعض على طول والحمدلله الطير اللى اخدة ما يعض

انا بس عندى كم مشكلة واتمنى تفيدونى فيها

الطير عمرة 8 شهور ولاكن الطوق مش ظاهر فى رقبتة لانه لسة فرخ على كلام البائع


المهم الحمدلله الطير بياكل كويس جدا والحمدلله بدأ يأكل من ايدى بس وهو خايف ياكل من ايدى ويبعد عاوزة اعرف اية السبب ؟؟؟



الشى الثانى انا كل يوم اقولة اسمة وكل شوية لاكن لاجدوى داييما ساكت بس يبص لى ويركز معايا ومبحلق لى عيونة مش عارفة هل كدة بيحفظ منى ؟؟




الشى الثالث وتحملونى انا من النوع اللى اصحى متأخر وهو بيصحى الساعة 10 صباحا وانا اصحى 3 فى الفترة دة بيصرخ لة كم صرخة وبيسكت مش بيجعر بيصرخ واصحى انا اشوف الريش الابيض فى منقارة ابيض خفيف هل كدة زعلان لانة لوحدة مع العلم انى افتح لة اذاعة القران الكريم على انا ما اصحى وعندى عصافير ماتتوصى بالصفير والتلحين يعنى متونس عاوزة اعرف اية السبب من شد ريشه فى الفترة دى وعاوزة حل ؟؟؟




الشى الرابع خايف على طول وكل مايسمع حاجة وقعت حاجة اتحركت بصوت مثل صوت الباب ينخض ويترعش من الصوت العالى اية الحل ؟؟



الشى الخامس ولا عاوز يطلع من القفص ولا عاوز يلعب ولا عاوز يطلع على اصباعى اية السبب ؟؟





الشى السادس لية ما يصفر مع انى عندى العصافير على طول تلحن وتصفر يعنى المفروض يتعلم حتى منهم ولا حتى بيجعر لاا دة بيصرخ صرخة غريبة كم مرة وخلااااص عاوزة حل ؟؟؟



الشى السابع كمان مابيلعب فى القفص خالص ولا يطلع ولا ينزل مثل باقى البغبغانات عاوزة حل ؟؟؟


كمان سمعت انة لمن الواحد يشترى طير لازم يرش علية بودرة الحشرات للوقاية من اى حشرا انا اخذت بخاخ يخفف بالماء عاوزة اعرف ازاى ارش علية خايفة ارش يزعل منى ويشيل منى ويكرهنى او يتأذى ؟؟؟؟



وهل فعلا الدرة النيبالى يتكلم وذكى مع التدريبات ولا ؟؟؟



اسفة للاطالة لاكن من عشمى فيكم



واملى عليكم كبير اكثر من اى دكتور بيطرى



تحياتى

دودى