اشترك في نشرتنا البريدية ليصلك كل جديد

Al shamisi · 14-12-2010, 12:00 PM

مرحباا

واخيرن قررت اني امتلك ببغاء جميييييييييييييل وكيوت

بس الصراحه احترت!! ما عرفت اي نوع اخذ !!

فـ ممكن تشورووون عليه اي نوووع ببغاء ينفعلي بالنسبه للمواصفات اللي ابيها؟؟

1- امكانيه للتكلم!!
2- اقدر امتلكه وهو فرخ ( ماحبيت فكره اني امتلك ببغاء كبير لصعوبه تربيته)
3- فيـه الوااااااااان جميله !!!!
( فكرت في الكاسكو .. بس انصدمت انه بـس رماااااااااااااااادي!! وانا ودي بواحد فيه الوان قوس قزح)
4- يفضل سعر الفرخ ما يتعدى ال 2000 درهم
5- ويكون الييييييييييييف

طبعـن بتشوفون ان الاشياء اللي كتبتها شوي عبيطه بس ودي ببغاء هيك! او قريييييب له ..

بليييييييييييييييز احتاجه هاليوميييييييييييين .. احتاج امتلك ببغاء << أشعر بملل فضيع وودي بشي يسليني ,,

في شي ثاني !!

عجبني ببغاء !! بس مااعرف عنه اي شي!!!

ممكن معلومات عنه ؟؟

تواركو الاخضر وهاذي صورته

ووو لا هنتم

جورجي · 14-12-2010, 01:06 PM

أهلين اختي
في انواع كثيرة من الببغاوات .. بعضهم يتكلم بشكل ممتاز وبعضها بضع كلمات على حسب تعليمك للببغاء
اذا كنتي مبتدئة ابتدي من الانواع الاسهل مثل الكروان او الدرة او الصن كينور
اذا عندكِ خبرة بالغر - غر الفرخ الصغير بالسرنجة " الابرة المنزوعة السن " بالامكان تشتري فرخ وتغريه اليين يكبر ويوصل مرحلة الفصام وبعدين تدربيه
ولو تبغي ببغاء متكلم وفصيح عندكِ الكاسيكو او الامزونيات بأنواعها " الامزونيات غالية عندنا .. مادري عن اسعارها عندكم "
واذا تبغي الاولوان الجميلة عندكِ المكاو او الصن كينور " الصن كينور يفضل شرائها وهي فرخ لان اصواتها مزعجة لو اشتريتها وهي مو اليفة او شرائها وهي كبيرة واليفة والدره في الوان من الدرة مثل الاخضر المعروف او الازرق والاصفر والرمادي والابيض

وهذا الصن كينور

واذا تبغي الطير ألييييف ... ربيه من يوم هو صغير او اشتريه وهو كبير واليف

اقتباس:

طبعـن بتشوفون ان الاشياء اللي كتبتها شوي عبيطه بس ودي ببغاء هيك! او قريييييب له ..
بليييييييييييييييز احتاجه هاليوميييييييييييين .. احتاج امتلك ببغاء << أشعر بملل فضيع وودي بشي يسليني ,,
في شي ثاني !!

لا .. عادي اختي .. كلنا تجينا فترات نشعر بالملل .. مثلاً اناِ كأول تجربة شريت فرخين فيشر صغار والحين ماشاء الله صاروا بعمر 3 اشهر والحين اخطط اشتري فرخ كروان وفرخ صن كينور زي هذا

جميل الفرخ صح ؟

صورة الطائر اللي حطيتيه "تواركو الاخضر " مو من فصيلة الببغاوات اول مرة اسمع عنه
الببغاوات منقارها معقوف الى اسفل زي كذا

يوفاوي الكويت · 14-12-2010, 01:17 PM

انا انصحج اختي تاخذين بلو فرنت

بس سعره شوي اكثر من 2000 درهم

بس من افضل الطيور مقارنه بسعره

لطيف ظريف · 14-12-2010, 02:47 PM

اشتري يالدرة

والله تونس وتتولف بسرعة وعضتها مهي قوية وفي الوان كثير حلوة ولعوبة

انا عندي درة ولفتها علطول والحين تطلع لكتفي وتأكل من يدي

وسعرها رخيص انا اشتريتها بـ 200 ريال

fawzi · 14-12-2010, 03:51 PM

انا مع الاخ يوفاوي الكويت

Al shamisi · 14-12-2010, 05:03 PM

اقتباس:

المشاركة الأصلية كتبت بواسطة جورجي

أهلين اختي
في انواع كثيرة من الببغاوات .. بعضهم يتكلم بشكل ممتاز وبعضها بضع كلمات على حسب تعليمك للببغاء
اذا كنتي مبتدئة ابتدي من الانواع الاسهل مثل الكروان او الدرة او الصن كينور
اذا عندكِ خبرة بالغر - غر الفرخ الصغير بالسرنجة " الابرة المنزوعة السن " بالامكان تشتري فرخ وتغريه اليين يكبر ويوصل مرحلة الفصام وبعدين تدربيه
ولو تبغي ببغاء متكلم وفصيح عندكِ الكاسيكو او الامزونيات بأنواعها " الامزونيات غالية عندنا .. مادري عن اسعارها عندكم "
واذا تبغي الاولوان الجميلة عندكِ المكاو او الصن كينور " الصن كينور يفضل شرائها وهي فرخ لان اصواتها مزعجة لو اشتريتها وهي مو اليفة او شرائها وهي كبيرة واليفة والدره في الوان من الدرة مثل الاخضر المعروف او الازرق والاصفر والرمادي والابيض

وهذا الصن كينور

واذا تبغي الطير ألييييف ... ربيه من يوم هو صغير او اشتريه وهو كبير واليف

لا .. عادي اختي .. كلنا تجينا فترات نشعر بالملل .. مثلاً اناِ كأول تجربة شريت فرخين فيشر صغار والحين ماشاء الله صاروا بعمر 3 اشهر والحين اخطط اشتري فرخ كروان وفرخ صن كينور زي هذا

جميل الفرخ صح ؟

صورة الطائر اللي حطيتيه "تواركو الاخضر " مو من فصيلة الببغاوات اول مرة اسمع عنه
الببغاوات منقارها معقوف الى اسفل زي كذا

تسلم اخوي ع الرد !

الحيييييييين انتـه حيرتني اكثثر !!!

الوان الدره حلوه !!بس ماافكر فيهاا !!

والصراحه خقيييييت على الصن كينور !! بس يا ترى ما قلتلي عن سعر الفرخ تقريبن !!
بالنسبة للكروان ! حبيييييييييييييييييييييييت الوانهم واااايد ,, بس فيهم انواع وايد مثل ما قريت في القسم تبعهم وماعرفت شو الاحسن حقي

يعني في الاخير رديت واحترت اقين !

وتسلم ع الرد اقيييييين

Al shamisi · 14-12-2010, 05:08 PM

اقتباس:

المشاركة الأصلية كتبت بواسطة يوفاوي الكويت

انا انصحج اختي تاخذين بلو فرنت

بس سعره شوي اكثر من 2000 درهم

بس من افضل الطيور مقارنه بسعره

هلا اخوي ’’
البلوفرنت اول مره اسمع فيه <<<hنسانه ماعندها خبره وماتعرف غير الكاسكو

وهالنوع يتوفر في اي مكان؟؟

لاني كنت اخططط اشتري الكاسكو من واحد يوفرهن .. افضل من الدوراه على محلات الطيور وادورلي واحد ..

Al shamisi · 14-12-2010, 05:11 PM

اقتباس:

المشاركة الأصلية كتبت بواسطة لطيف ظريف

اشتري يالدرة

والله تونس وتتولف بسرعة وعضتها مهي قوية وفي الوان كثير حلوة ولعوبة

انا عندي درة ولفتها علطول والحين تطلع لكتفي وتأكل من يدي

وسعرها رخيص انا اشتريتها بـ 200 ريال

تسلم اخوي ع الرد ::

بس مثل ما قلت ,, ماافكر في الدره ما حبيتها ..

Al shamisi · 14-12-2010, 05:14 PM

اقتباس:

المشاركة الأصلية كتبت بواسطة fawzi

انا مع الاخ يوفاوي الكويت

اخوي ممكن تقولي شو يميزه عن باقي الببغاوات .. خبرك ماعندي اي خلفيه ..

الصوره اللي فتوقيعك .. هذا كاسكو صح؟؟

شرايك فيه؟؟ من تربيه وووو تعليم؟؟ <<<للحين ودي اخذلي فرخ كاسكو..

وتسلم ع الرد

fawzi · 14-12-2010, 05:20 PM

فيه بغبغاوات كثيره والوانها حلو مرررررره ولاكن بعضها غير متحدث وفيه طيو ر متحدثه والوانها عاديه ولاكن تتمتع بذكاء خارق نفس الافريقي وفيه برضو الطيور الصغير نفس الماينا طيور ذكيه ولاكن يوجد فيها عيب ولاكن لكل طير حسنات وسيئات والزين مايكمل والكمال كله لله عزوجل اذا اتي لسه مبتدئه في التربيه انا انصحج في بغبغاء مررره حلو وهو بغبغاء اللور وهذه هي صورة